JEREMIA 18:13 - AMÜSÜH HÜM CL Bible (BSI)

¹³ Jumonü Atungpuhnü ha thachoh: Trükshih bolung keoang: Ha ruk shenü sode? Atsangkhit Israelnü khide atrebe rhimodo.

JEREMIA 18:13 Iomraidhean Croise

ISAIA 36:22

Judüki Hilkia tsührü Eliakim, shepü kiulongthsüpuh yam abebuh lakhea, tüsho athrütyukbuh Shebna, tüsho Asaph tsührü athrütbuh Joa, arü khim thorüpbahle Hezekia kilim arü, tüsho Rabshake yubo api ki thaa huh.

ISAIA 66:8

Shenü hadürü sode? Shenü hadürü ngüde? Nimung khülangnü alomi zübeba de? Kim khülang chingnü trükshih zübeba de? Tütüshe Zion thsünü akede alibenü atsührübo zübejih.

JEREMIA 14:17

Nünü arü ki ha yu thaang: Azhing tüsho ayin I mükbo ching chike bukkhishang, tüsho jurü dükheamshih, tümüde atsangkhit tsührübe – I mihtsürü– mülangde dama kinga yapshihlah, khide sükde yurijihdo.

JEREMIA 18:14

Lebanon lungku achang kheak phürüm mülacho de? Awung kerüng bukkhi ngahcho de?

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

JEREMIA 5:30

Amüyinsahbe tüsho atrebe lomi ching dünjido:

TÜZHOKHI 1:15

Atungpuhnü I lung lakhi thirithsürübo alala bahyuk; apinü I azhihde I mihtsürü athunubo zünakpü kim khülang zhiyuk; Atungpuhnü yukhu nitpung nangde atsangkhit Juda tsührübe jungnakdo.

HOSEA 6:10

Israel yamkhün ching inü mihtrebe khülang ngüdo; Ephraim yüliyürakhi ju ching lah, Israel müneana lah.

AMOS 5:1

Inü nü kurungkheak tüzhokhi yu ha aniang, O Israel yamkhün:

AMOS 5:2

Anünübe Israel masürülopü thsüde lunga lah; anihbe lo kheak bahyuka lah, shenü anihbe mülahmusu.

1 KORINT 5:1

Amükinrü bolung she müdünjikhi, nüsa bolung mihtsürü khülangnü bethsürü lung lakhi müzammüram lah de atsütsü thiyusheak jihdo.

1 SAMUEL 4:7

Filistiarünü tre; tümüde arünü tha, “ Thrünpuh binkheampung ching arüdo.” Kheaküshe arünü tha, “Isa are! Tümütüsho tümü lang she ha ruk püpüki müdünji.