JEREMIA 18:11 - AMÜSÜH HÜM CL Bible (BSI)

¹¹ Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 18:11 Iomraidhean Croise

THRÜNTAN 11:7

Arang, isanü yükianü tüsho arü yutha yingyingde kamshihanü, junangde arü khülangnü khülang manikhitachihde alabah.”

1 KIULONG THSÜRÜ 22:23

Jumonü nünü kheahang, Atungpuhnü harü nü yo wukihrübo alala mün ching akeangyu tharü me yukjihdo; Atungpuhnü nü thsungkheak thsümütsü thsakhamdo.”

2 KIULONG THSÜRÜ 17:13

Tütüshe Atungpuhnü Israel tüsho Juda ki wukihrü aban tüsho angürü aban hode tha, “Inü nüsa jipürü kilim thiyukhüm jihkhi yakzan tüsho I yamlarü wukihrübo inü nüsa kilim thiyikhi yande nüsa amütsü limrobo chingnü rholoang tüsho I yukhümbo le I yakzanbo zoang.”

2 KIULONG THSÜRÜ 22:13

“Yüang, ha ngükhi hüm yubo dünkheak I, mihtsürübo, tüsho Juda alala thsungkheak Atungpuh ki keoang; tümüde isa azhihde Atungpuh bukakhiukkhi tolah, tümütüsho isa jipürünü isa dünkheak thrütkhi alala yande rhimode ha hüm yubo mania lah.”

2 KIULONG THSÜRÜ 5:5

Tüsho Siria kiulongthsüpuhnü tha, “Dale yüang, tüsho inü Israel kiulongthsüpuh kilim kihüm bede ayüshihbah.” Jumonü apinü shotoyinchi 3000, suna 6000, tüsho khimmih mihbüm 10 lubah yü.

ISAIA 5:5

Tüsho kheakü I yo kurungaso kheak tümü rhimobanü inü nü ki thaanü. Inü sangrung sündokhi yihkhita bahbah tüsho thsümünimbah; inü rhü lukkheambah, tüsho jungkheambah.

ISAIA 57:1

Thiyuro-lungkirü dükheakchoh, tüsho shenü mulong ching muzo; shenü manikhitchoki shuhmülanga jihrü bede tsochoh. Tümüde thiyuro-lungkirü ju thsümütsü chingnü bede tsochoh,

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 11:19

Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 19:3

Nünü athabah: Atungpuh yu aniang, O Juda kiulongthsürübo tüsho Jirusalem ching larübo. Wuto Atungpuh , Israel Thrünpuhnü ha thachoh: Inü ha dangpung kheak thsümütsü handarübah, junangde sherübonü ha sobanü nükhün peangbah,

JEREMIA 25:2

küpü wukihbuh Jeremianü Juda mihtsürü tüsho Jirusalem ching larü alala ki asuk:

JEREMIA 25:5

küyimki arünü tha, “ Nüsa mihbüm abannü nüsa amütsü limro tüsho amütsü rhimobo chingnü kheakü rholoang, tüsho Atungpuhnü nüsa le nüsa jipürü kilim jihkhi lomi ching lünnü nüsa aninga labah;

JEREMIA 26:13

Kheakü jumonü nüsa limrobo tüsho nüsa rhimobo thsüphuloang, tüsho Atungpuh nüsa Thrünpuh yu aniang, tüsho Atungpuhnü nüsa azhihde athakhi thsümütsü alala dünkheak api lümkhi müthribah.

JEREMIA 26:3

Khükia arü alalanü anibah tüsho arü amütsü limro chingnü rholobah, junangde arünü amütsü rhimokhi hode thsümütsü handarüpü lakhi dünkheak I lümkhi müthribah.

JEREMIA 3:1

Athrürü khülangnü aniube bahbah api kinü tsosho tüsho püpürü thrürü niuberü kamsho, apinü alibe kilim yüloba de? Hadürü lo ju tode mümüneanba de? Nünü müyamrü ahihdo kheak müzammüramdo; tüsho nü I kilim arüloba de? Atungpuhnü thachoh.

JEREMIA 3:22

Rholoang, O akin mülakhi tsührübo, inü nüsa akin mülakhi chingnü thsüngujihbah. “He, isa nü kilim arüchoh; tümüde nü a Atungpuh isa Thrünpuh.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 36:3

Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

JEREMIA 4:1

Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

JEREMIA 4:23

Inü alomi kheak kheah, tüsho kheahang, ha thsümünima tüsho akeangkeang lah; tüsho yinmi lim kheah, tüsho ayin müla.

JEREMIA 4:6

Zion limpeang riphin shuhkihang, tsoyukpung yimang, dashu, tümüde inü dukulimnü amütsü tüsho athsümünim ato handarado.

JEREMIA 51:11

Hühzobo züang! Tsungbo thsakhamang! Atungpuhnü Midia kiulongthsürübo me thurumusudo, tümütüsho Babilon dünkheak api lümkhi ju athsümünimpü lah, tümüde ju Atungpuh royimkhi, api arüngyam royimkhi lah.

JEREMIA 7:3

Wuto Atungpuh Israel Thrünpuhnü ha thachoh: Nüsa limrobo tüsho nüsa rhimobo thsülangang, tüsho ha dangpung ching I nüsa lung laanü.

EZEKIEL 13:22

Nüsa akeangyubo hode inü müyuripü lümkhi mihtsürü atsü mulong ninishih. Nüsanü mihtsürübo amütsü tuklopü tüsho arü rhangdung khümkhitpü chingnü zhipdo.

EZEKIEL 18:23

Mihbukmuyuk shekhi ching inü tümükhüh asühpü lade? Wuto Atungpuhnü thachoh. Ju müthri, küyimki arünü arü limro chingnü rholobah rhangdung labanü inü masühcho de?

JONA 3:8

Mihtsürübo tüsho shiwühbo shungliukhim phuyubah, tüsho arünü sühmüh lade Thrünpuh ki zhibah. Alalanü arü amütsü limrobo tüsho athsümünim chingnü arholobah.

MIKA 2:3

Jumonü Atungpuhnü ha thachoh: kheakü nüsanü nüsa hungbo manguhkhukpü ha yamkhün azhihde inü amütsü lümkhi asahchoh; tüsho nüsanü korakde mütsah, tümüde ha amütsü kim khülang labah.

ZEKARIA 1:3

Jumonü arü ki thaang, Wuto Atungpuhnü ha thachoh: I kilim rholoang, Wuto Atungpuhnü thachoh, tüsho inü nü kilim rholobah, Wuto Atungpuhnü thachoh.

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

JAKOB 4:13

Kheakü aniang, nüsa shepünü thacho, “Khihni yungsho shido isa ha ching yungsho ju kiuto ching yübah kam khülang mungde shothsümolobah tüsho sho yinbubah.”

JAKOB 5:1

Nüsa alarübo kheakü aniang, nüsa kheak thsümütsü arüpü lakhi dünkheak tripang tüsho tüzhoang.