JEREMIA 17:5 - AMÜSÜH HÜM CL Bible (BSI)

⁵ Atungpuhnü ha thachoh: Shepünü mihtsürü kheak kinchonü muthrumünean, shepünü nihbuh sühmüh thsungkheak shih kheak angükihcho tüsho shepü mulong Atungpuh kheaknü chamkhicho.

JEREMIA 17:5 Iomraidhean Croise

2 KIUTHSÜYUKHEAN 16:12

Api kiulongthsü kam samrükheak tukupü ching Asa jing kheak tukthsü akhiuk, tüsho api tukthsü khitode kam; tütüshe api tukthsü ching she apinü Atungpuh müyim, tüshe thümürübo kheaknü arung yim.

2 KIUTHSÜYUKHEAN 32:8

Api lung bekhi ju shih yo bonungrü ah; isa lung bekhi a Atungpuh isa Thrünpuh, isa rungpü tüsho isa thsung thsüde keochihjihpü lah.” Juda kiulongthsüpuh Hezekianü athakhi yubo hode mihtsürübo mulong tode kam.

MUNGSHIKHÜN 18:21

Tümüde inü Atungpuh yakzanbo ani, tüsho mihbukmuyukde Thrünpuh kheaknü müchamachih.

MUNGSHIKHÜN 62:9

Abobe mihtsürü ju sheak khülang ah, achangbe mihtsürü ju keangtha ah; arübo wuhzhin kheak adünsho, arü rukhüh sheak kheaknü ahiphipbe labah.

ISAIA 2:22

Nupung ching sheak lang alakhi mihtsürü kheaknü rholoang, tümüde arü kheyukkhi tümü la?

ISAIA 20:5

Tüsho arünü arü mulonglamkhi Ethiopia tüsho arü kükheangkhi Ijip dünkheaknü trede achih ngübah.

ISAIA 36:6

Kheahang, nü Ijip kheak angükihlah, azhakkhi kiupung tso, küpünü ju kheak angükihrü khah chinkhitpü la. Ha ruk alalanü angükihbuh ju Ijip kiulongthsüpuh Pharao lah.

ISAIA 59:15

Thiyuro mülatsan, tüsho amütsü chingnü rholorü thsümünima lah. Atungpuhnü ha ngüdo, tüsho api masühde kamshih, junangde thiyuro mülakheah.

JEREMIA 11:3

Nünü arü ki thaang, Atungpuh Israel Thrünpuhnü ha thachoh: Ha tangzüng yubo manirü muthrumünean yükihshang,

EZEKIEL 6:9

Judüki arü ramde ayükhi trükshihbo ching atsokhitrünü I lümkhitbah–künangde arü müzammüram mulongbonü I mulong tukthsüshihkhea, küpü I kheaknü rholode atsokhea, tüsho arü mükjibonü arü sangthsübo kheah-a mürühkhea. Arünü arhimokhi amütsü thsungkheak tüsho arünü athraneanbe rhimokhi alala arünü amukhiukbah.

HOSEA 1:2

Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.”