JEREMIA 17:4 - AMÜSÜH HÜM CL Bible (BSI)

⁴ Nüsa nihbuhnü arhimokhi hode inü nüsa kilim jihkhi yamrüplurüp dükheakbah, tüsho nüsanü mümükheahkhi lomi ching inü nüsabo nüsa riribo tankihshihbah, tümüde I bukakhiukkhi ching lünnü atakpü mo khülang takkih-a lah.

JEREMIA 17:4 Iomraidhean Croise

1 KIULONG THSÜRÜ 9:7

judüki inü Israel ju arü jihkhi lo chingnü adükheakshihbah; tüsho inü I mung thsungkheak müsühkhitkhi yam ju inü abahyukbah; tüsho Israel ju mihtsürü alala bolung müchitmudu tüsho münedung kambah.

2 KIULONG THSÜRÜ 25:21

Babilon kiulongthsüpuhnü arü kinga lungshih tüsho Hamath lomi Ribla chingnü arü sheshih. Jumonü lomi bahbah Juda ramtso ching yü.

NEHEMIA 9:28

Küyimki mungtsü alodarükhea, arünü neak yihbeaklo, tüsho nünü arübo arü riri khah ching jihabah. Judüalalashe küyimki mulong rholode arü khümkhitshihpü nü ki keokhea, kim kim ching, nünü yinmi chingnü so, nü amüthsüm ato ching arü khümkhit.

ISAIA 14:3

Küyimki nüsa thsünü le thsümüchi tüsho nüsa rhimo amüküp tankihpü chingnü Atungpuhnü nüsa sühakhimshihbanü,

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

ISAIA 50:11

Tüshe nüsa alala mo takkihrü, mozhuh takkihrü ah. Nü mo trukhi ching tüsho nünü atakkihkhi mozhuh bolung tsahang! Ha I khah chingnü nünü angübah: nü thsümütsü ching yapbah.

ISAIA 66:24

Tüsho arünü awukhiukbah tüsho I azhihde alakmihkhi mihtsürü ashemibo kheak kheahbah: tümüde musobo müshe, arü takkhi mo küyimkishe mümüt tüsho mihtsürü alala miki arübo athraneanbe labah.

JEREMIA 12:7

Inü I yam mihabahdo, inü I yamrüplurüp bahyukdo; inü I menü amuzhokhi anihbe riri khah ching jihdo.

JEREMIA 15:14

Nüsanü mümükheahkhi lomi ching inü nüsa riri tankihshihbah, tümüde I bukakhiukkhi ching lünnü aniupü thsüde mo khülang takkih-a lah.

JEREMIA 16:13

Jumonü inü ha lomi chingnü nüsa yungsho nüsa jipürünü mümükheahkhi lomi ching jipkhita bahbah, tüsho ju ching nüsanü azhing tüsho ayin püpürü thrünpuhbo tankihbah, tümüde inü nüsa ki amuzho muhuh.

JEREMIA 18:23

Tütüshe O Atungpuh , arünü I laksahpü lümkhi nünü mükheahlah. Arü mülimkhi neak dübahjih, nü mikinü arü neak nankhita dübah. Arübo nü miki jipkhia bahang; nü bukakhiukchoki arü ki keoang.

JEREMIA 2:14

Israel azhorü a de? Api azhorü thsüpü zübekhea de? Dale küde thsah api ririnü lakshihcho?

JEREMIA 21:12

O David yamkhün! Atungpuhnü ha thachoh: Yapsu aban thiyuro rhimoang, tüsho khürü rükyuka larü ajunorü khah chingnü bekhitang, jude yungsho I bukakhiukkhi mo nangde ayübah, tüsho shenü müyihmütde nüsa rhimo amütsübo thsungkheaknü atakbah.

JEREMIA 22:28

Ha mihtsürü Jehoiakin ha mükheahnekhi atrükhi phüh a de? Tümü thsükhi api le api tsührübo yankhita bah-a la tüsho arünü mümükheahkhi lomi ching yana tsoshih-a la?

JEREMIA 5:19

Tüsho küyimki nü mihtsürübonü athaba, “Tümüde Atungpuh isa Thrünpuhnü harü alala isa kheak rhimokhea?” nünü arü ki thabah, “ Nüsanü I bahyuk tüsho nüsa lomi ching khiungkerü thrünpuhbo tankih, jumonü nüsa lo ching yungde nüsanü khiungkerü tankihbah.”

JEREMIA 5:29

Hadürü thsungkheak inü arü müthsümüchibea de? Atungpuhnü thachoh, tüsho hadürü trükshih kheak inü romüyimbea de?

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

TÜZHOKHI 1:12

Nüsa I tsahhorübo alala, nüsa ki tümü müla de? Mürüngang tüsho kheahang, mulong rozhakkhi khürü I nangde la shi, küpü I kheak hande arükhea, küpü Atungpuhnü api bukakhiuk nimung I thsümüchikhea.

TÜZHOKHI 5:2

Isa yamrüplurüp mihsorü kilim tsodo, isa yambo khiungkerü kilim tsodo.

EZEKIEL 21:31

Inü I mulong zhipzhip nüsa kheak dungkihbah tüsho nüsa azhihde I bukakhiukkhi mo mütkihbah; inü nüsa bukmüke mihtsürü, athsümünimpü ching athsükhit mihtsürü khah ching jihbah.

EZEKIEL 7:24

Inü arü yambo lushihpü amütsü trükshihbo bedarübah; tode kükheangrü inü akheamshihbah, tüsho arü arüngyambo müneanabahbah.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.