JEREMIA 17:3 - AMÜSÜH HÜM CL Bible (BSI)

³ mükeak ching awungbo kheak. Nüsa lomi alala ching nüsa lakhit tüsho rahpungbo nüsa neak dün nüsa riribonü alushihbah.

JEREMIA 17:3 Iomraidhean Croise

2 KIULONG THSÜRÜ 24:13

Apinü Atungpuh yam rahpung, tüsho kiulongthsüpuh yam rahpungbo alala hanbah tso; ha alala Atungpuhnü müchitkhi nangde, apinü Israel kiulongthsüpuh Solomonnü athsükhi suna kukrukbo alala Atungpuh arüngyam ching lakhi adütre kamde kingthünak.

MUNGSHIKHÜN 78:58

Tümüde arünü arü achang dangpungbonü api bukakhiukshih, tüsho arü mejakbonü api mükthsüde kamshih.

ISAIA 27:9

Jumonü hanü Jakob amülim dün shaklobah tüsho ha api neak yihkhita bahkhi sangaso labah: Küyimki apinü lung kingaün sadambo alala athrütbe-lung nangde adütre kamde züthünakbanü, Ashera sangthsü yungsho rhümthüneabe kingaün sadambo tümü aninga müzhip.

JEREMIA 12:12

Loshelo ching awung achangbo alala kheak athsümünimrü arüdo; tümüde Atungpuh nukshangnü alomi akheamnü thripkhüh khiungde muyuchoh; sheshe akhimahe ching müla.

JEREMIA 15:13

Nüsa lakhit tüsho nüsa rahpungbo lomi alala ching nüsa münean dün adün müjihde yankhia lushihbah.

JEREMIA 20:5

Inü ha kiuto lakhit alala, hi alala, shoto kukrukbo, tüsho Juda kiulongthsüpuh rahpungbo arü riri khah ching jihbah, arünü ju yankhia lubah, tüsho rama lubah, tüsho Babilon ching hande ayübah.

JEREMIA 21:13

Kheahang, inü nüsa azhihchoh, O jindükhün ching larübo, O adükhün lungto, Atungpuhnü thachoh; nüsa sherünü tha, “Shenü isa azhihde akikhukpü, yungsho shenü isa jikpung azahkhukpü?”

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

TÜZHOKHI 1:10

Thiriribonü shoto kukrukbo alala kurungkheak arü khahbo shuhkihdo; nünü nü borü lung yüzahpü mümülükhi trükshihbonü arüngyam ching yüzahkhi she anihbenü ngüdo.

EZEKIEL 16:39

Judüki inü nü muzhorü khah ching nü jihbah, tüsho arünü nü müzammürampung tüsho sangthsü kingaünpungbo alala thsümünimbah. Arünü nü khimmih züngkhia lubah tüsho atsüdak shoto zülu lubah nü bünkeang tüsho aleangkheak zojihbah.

EZEKIEL 23:46

Tümüde Atungpuh Thrünpuhnü ha thachoh: Ane treshihpü tüsho jangkhipü boto khülang bedarang.

EZEKIEL 6:3

tüsho thaang: O Israel müzüngbo, Wuto Atungpuhnü müzüngbo tüsho awungbo, alokhün asük tüsho jindükhünbo ki ha thachoh. Inü nukshang khülang nü azhihde handarüpü lah, tüsho nü yo achang dangpungbo inü thsümünimbah.

LEVI 26:30

Achang dangpungbo kheak lakhi nüsa kingaün sadambo inü thsümünimjihbah, arhümthüneabe kingaün sadambo keamshihbah, tüsho nüsa ashemibo rhangdung mülakhi nüsa sangthsübo kheak jipkih-a bahbah; tüsho I menü nüsa thraneanbah.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

ZEPHANIA 1:13

Arü lakhit yankhia lubah, tüsho arü yambo thsümünimbah. Arünü thüyambo thsüthsü she, arünü jurü ching müla; arünü kurungasolu thsüthsü she, arünü jurü chingnü yukhu muyung.