JEREMIA 17:27 - AMÜSÜH HÜM CL Bible (BSI)

²⁷ Tüshe nüsanü amunimung müsühde azopü tüsho amunimung Jirusalem chipiripitbo ching hah mühanyukpü I ki manisho, ha chipiripitbo ching inü mo takkihbah; hanü Jirusalem dangpung aniuabahbah tüsho shenü müzünmütkhuk.

JEREMIA 17:27 Iomraidhean Croise

2 KIULONG THSÜRÜ 22:17

Tümütüsho arünü I bahyuk tüsho püpü thrünpuhbo kilim kingaün jih, junangde arü khah rhimo alalanü I bukakhiukshih, jumonü ha dangpung azhihde I bukakhiukbah, tüsho ju müzünmüt.

2 KIULONG THSÜRÜ 25:9

Apinü Atungpuh yam, kiulongthsüpuh yam, tüsho Jirusalem yambo alala takabah; thüyam atotobo apinü takabah.

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

MUNGSHIKHÜN 122:7

Nüsa chipi bukkhüp mungtsü lashang, nüsa kiulongthsürü-yambo ching lalim-atsü lashang.”

ISAIA 1:20

tüshe nüsanü reanglosho tüsho azhihsho, nukshangnü nüsa muyubah; tümüde Atungpuh münnü asukdo.

ISAIA 1:31

Sühmüh larü ju mojim nangde akambah tüsho arü rhimo modübin nangde alabah; arü le arü rhimo rukhühnü shenü müyihmütde atakbah.

JEREMIA 17:24

Tüshe Atungpuhnü thachoh, nüsanü I ki anisho, tüsho amunimung ha kiuto chipiripit hode hah tümü hande mazahsho, tüshe amunimung müsühde zosho tüsho rhimo müthsüsho,

JEREMIA 17:4

Nüsa nihbuhnü arhimokhi hode inü nüsa kilim jihkhi yamrüplurüp dükheakbah, tüsho nüsanü mümükheahkhi lomi ching inü nüsabo nüsa riribo tankihshihbah, tümüde I bukakhiukkhi ching lünnü atakpü mo khülang takkih-a lah.

JEREMIA 18:1

Atungpuh yu Jeremia kilim arü:

JEREMIA 21:12

O David yamkhün! Atungpuhnü ha thachoh: Yapsu aban thiyuro rhimoang, tüsho khürü rükyuka larü ajunorü khah chingnü bekhitang, jude yungsho I bukakhiukkhi mo nangde ayübah, tüsho shenü müyihmütde nüsa rhimo amütsübo thsungkheaknü atakbah.

JEREMIA 21:14

Nüsanü rhimokhi sangaso nangde inü nüsa thsümüchibah, Atungpuhnü thachoh; inü ha murung ching mo takkihbah, tüsho ju mükamde alala aniuabahbah.

JEREMIA 22:5

Tüshe nüsanü ha yubo manisho, I Atungpuhnü thiyuchihchimde thachoh, ha yam zhikrangkhündo akambah.

JEREMIA 32:29

Kaldearünü arübah ha kiuto kheak mo thsahkihbah, tüsho thüyambo küpü kheak I bukakhiukshihde Baal kilim kingaünkhea tüsho püpü thrünpuhbo kheak rhümthüneabe bukkihkheanü ju bede atakbah.

JEREMIA 39:8

Kaldearünü kiulongthsüpuh yam tüsho mihtsürübo yam tak tüsho Jirusalem chipi yihmülünjih.

JEREMIA 44:16

“Atungpuh mung chingnü nünü isa ki asukkhi yu isanü nü ki mani.

JEREMIA 49:27

Tüsho inü Damaska chipi kheak mo takkihbah, tüsho hanü Ben-hadad chipi aniuabahbah.

JEREMIA 52:13

Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

JEREMIA 6:17

Kheaküshe inü nüsa thsungkheak aheangrübo zojihlah: “Hulipungpung düsheak aniang!” Tüshe arünü tha, “ Isanü mani.”

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

TÜZHOKHI 2:6

Apinü api yünshim ju awündo nangde luka bahdo, apinü anihbuh mukhungyam thsümünimdo; Atungpuhnü Zion ching thünio tüsho amuni mihabahdo, tüsho abukakhiukkhi ching kiulongthsürü tüsho amükeamrü bahyukdo.

TÜZHOKHI 4:11

Atungpuhnü abukakhiukkhi dünjishih; apinü bukakhiukkhi thurukhit tüsho Zion ching mo takkih, junü akhimtanbo aniuabah.

EZEKIEL 16:41

Arünü nü yambo takkheambah tüsho aliberübo mikinü nü thsümüchibah. Inü nü müzammüram tukloshihbah, tüsho kheaküa nünü nü muzhorü ki müjihchung.

EZEKIEL 21:15

Junangde mulong niuthünakbah tüsho akeamkhi hihbah, inü alaksahpü thsungkheak arü chipiripitbo alala kheak nukshang hanmukhungdo. O! Ha chinchobe nangde phürappü thsülah, alaksahpü ha thrüa ludo.

EZEKIEL 21:3

tüsho anihbe ki thaang: Atungpuhnü ha thachoh: Inü nü azhihde lah. Inü nuktrüp chingnü nukshang dukkhitbah tüsho nü kheaknü thiyuro lakhi tüsho mihbukmuyuk chido lipkhibah.

EZEKIEL 22:8

Nünü I amüsüh kukrukbo mükhemükimdo tüsho I amunibo müneando.

EZEKIEL 23:38

Kheaküshe anenü I ki ha rhimodo: anenü ju nimungnü I arüngyam müneando tüsho I amunibo müneando.

HOSEA 8:14

Israelnü api Thrünrü mihdo, tüsho kiulongthsürü-yambo thsüa lah; tüsho Judanü kiuto ahihdo chipi ayündo; tüshe inü arü kiutobo kheak mo thsahkihbah, tüsho hanü api chipibo takabahbah.

AMOS 1:10

Jumonü inü Tair chipibo aniuabahshihpü mo yüshihbah.

AMOS 1:12

Jumonü inü Teman kheak mo khülang yüshihbah tüsho junü Bozra chipibo aniuabahbah.

AMOS 1:14

Jumonü inü keochih nimung ahode, chinthrüm apung nimung Rabba chipi aniuabahshihpü mo yüshihbah;

AMOS 1:4

Jumonü inü Hazael yam kheak mo khülang yüshihbah, tüsho hanü Ben-hadad chipi aniuabahbah.

AMOS 1:7

Jumonü inü Gaza chipibo aniuabahshihpü mo yüshihbah.

AMOS 2:2

Jumonü inü Moab kheak mo khülang yüshihbah, tüsho junü Kerioth chipibo aniubah, tüsho ahode hulipungpung mütkhi düsheak ching Moab shebah;

YUZÜNGTHALO 32:22

Tümüde I bukakhiukkhinü mo takkihdo, tüsho ju Ashe-lomi khiungde takchoh, alomi tüsho lüpdükhi aniuabahchoh, tüsho müzüngbo jing kheak mo thsahkihchoh. @SP ACE=

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?