JEREMIA 17:26 - AMÜSÜH HÜM CL Bible (BSI)

²⁶ Tüsho mihtsürübo Juda kiutobo tüsho Jirusalem mühi dangpungbo, Benjamin lomi, Shephela, awung lomi, tüsho Negeb chingnü taka kingaünkhi tüsho laksah-a kingaünkhi, hi kingaün tüsho rhümthüneabe, tüsho Atungpuh yam ching makshe jihkhi kingaünbo lubah arübah.

JEREMIA 17:26 Iomraidhean Croise

EZRA 3:11

Arünü aloachihde Atungpuh mung shikhi khün thsü: “Atungpuh tsülah, tüsho api mihmüthsüm Israel thsungkheaknü akheamarün müla.” Mihbüm abannü nihbe düsheak achangnü zhide Atungpuh mung shi, tümüde arüngyam khimtan ju tankih.

MUNGSHIKHÜN 107:22

Arünü makshe jihde laksah-a kingaünkhi shuhmülanga jihshang, tüsho api rhimobo asühachihde khipkhitshang.

MUNGSHIKHÜN 116:17

Inü nü kilim makshe jihde laksah-a kingaünkhi jihbah, tüsho inü Atungpuh mung jibah.

MUNGSHIKHÜN 66:13

Inü nü yam ching taka kingaünkhi lude arübah; inü thiyuchihchimkhi nü kilim jihbah.

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

JEREMIA 30:19

Jurü chingnü makshe jihkhi arübah tüsho asühachihrü düsheak sobah. Inü arübo hihde akamshihbah tüsho arü nükde müla; inü arü müretahde kamshihbah tüsho arü khenoa müla.

JEREMIA 32:44

Benjamin lomi ching, Jirusalem mühi dangpungbo ching, tüsho Juda kiutobo ching, awungbo le lokeamlo kiutobo ching tüsho düjinglim kiutobo ching shonü thulubo thulobah, tüsho shothsühümbo mütsan dokihbah tüsho thiyumütsanbo labah; tümüde inü arü kuhi jihlobah, Atungpuhnü thachoh.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

JEREMIA 33:13

Awung lomi kiutobo ching, Shephela, Negeb, Benjamin lomi, Jirusalem mühi dangpung tüsho Juda kiutobo ching, kheaküshe mihnubo arü kherü khah khüp tsahbah, Atungpuhnü thachoh.

ZEKARIA 7:7

Jirusalem mühide kiutobo bede lalim tsüde alachoki, tüsho Negeb le Shephela ching laabahshu harü Atungpuh yubo ha adüso wukihrübonü azhiyukkhi yung de?

IBRI 13:15

Jumonü isanü Jisu hode api mung alokhikhi münnü Thrünpuh kilim mutukzhakde mungshi kingaün jihanü.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi