JEREMIA 17:24 - AMÜSÜH HÜM CL Bible (BSI)

²⁴ Tüshe Atungpuhnü thachoh, nüsanü I ki anisho, tüsho amunimung ha kiuto chipiripit hode hah tümü hande mazahsho, tüshe amunimung müsühde zosho tüsho rhimo müthsüsho,

JEREMIA 17:24 Iomraidhean Croise

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ABEKHIT 20:8

“Amunimung müsühde azopü lümkhitang.

ISAIA 21:7

Küyimki apinü khoraberü ngüba, khoraberü mahnene, donkibo kheak aberü, kemelbo kheak aberü, apinü düshihde anishang, khide düshihde.”

ISAIA 55:2

Tümüde nünü yikhap yungde püpü thsungkheak sho bahcho, tüsho reangmükeampü thsungkheak nünü rhimocho? Kümkangde I ki aniang, tüsho tümü atsüanü tsühang, tüsho birikhi tsühyungpü ching nü me asühang.

EZEKIEL 20:20

I amunibo müsühde zoang, junangde jurübo isa dükeak amütsan khülang labah. Judüki I Atungpuh nüsa Thrünpuh de nüsanü mükheahbah.”

ZEKARIA 6:15

Sherübo limshude lanü arübah tüsho Atungpuh yam thsüpü rungbah; tüsho Wuto Atungpuhnü I ju nü kilim thiyikheah de nünü amükheahbah. Nünü düshihde Atungpuh nü Thrünpuh yu anisho ha adünjibah.

YUZÜNGTHALO 11:13

“Tüsho nüsanü khihni inü ajihkhi thiyukhümbo düshihde anide, nüsa mulong athrünkhinü tüsho me athrünkhinü Atungpuh nüsa Thrünpuh tankihsho,

YUZÜNGTHALO 11:22

“Tümüde nüsanü kümkangde arhimopü thsüde inü thiyukhüm jihkhi ha thiyukhümbo Atungpuh nüsa Thrünpuh muzhopü, api limro ching tsahpü tüsho api kheak chingkihde alapü mihyuanisho,