JEREMIA 17:17 - AMÜSÜH HÜM CL Bible (BSI)

¹⁷ I ki atrebe düla; nü a thsümütsü nimung ching I tsoyukpung ah;

JEREMIA 17:17 Iomraidhean Croise

JOB HU H T ANYU 31:23

Tümütüsho Thrünpuh kilimnü athsümüchibe ju inü trede alakheah, inü küyimkishe müthsükhuk.

MUNGSHIKHÜN 41:1

Shepünü zhochihrü lümrhihde lachonü asühpü; Atungpuhnü küpkhuk kim ching api rungbah.

MUNGSHIKHÜN 59:16

Tüshe inü nü sühmüh dünkheak khün thsübah; nü muzhodakkhi dünkheak inü yapsu achangnü khün thsübah. Tümüde nü I thsungkheak chipi tüsho I lümthsünü nimung ching I tsoyukpung ah.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 17:13

O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

JEREMIA 17:7

Shepünü Atungpuh kheak kinchonü müngühmühi, shepü akin Atungpuh la.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

EFISIA 6:13

Jumonü Thrünpuh thirithsü zülu alala luang, junangde amütsü nimung arüchoki nüsanü azhipkhukbah, tüsho alala rhimo dunglim düküngde azhipbah.