JEREMIA 17:13 - AMÜSÜH HÜM CL Bible (BSI)

¹³ O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

JEREMIA 17:13 Iomraidhean Croise

MUNGSHIKHÜN 22:4

Isa bebuhrünü nü kheak kin; arünü kin tüsho nünü arü bekhit.

MUNGSHIKHÜN 69:29

Tüshe I zhochihlah tüsho mulong rozhaklah; O Thrünpuh, nü akhümkhitnü I achang kheak lashang.

MUNGSHIKHÜN 71:5

Tümüde nü I mulonglam ah, O Atungpuh T HRÜNPU H ; I athunuchokinü nü a inü akinkhi lah.

MUNGSHIKHÜN 73:27

Atsütsü, sherü nü kheaknü limshude lanü adükheakbah; sherü müzammüram thsungkheaknü nü bahkhidünü nünü alala dükheakshihdo.

MUNGSHIKHÜN 97:7

Sherünü mejak tankihcho, sherünü sangthsü dünkheak kükheangchonü alala achih ngüshang. Api kingaünang, nüsa thrünpuhbo alala.

MÜCHITMUDU 10:7

Thiyuro-lungkirü lümkhitpü ju müngühmühi ah, tüshe mihbukmuyukrü mung nahde mihabahbah.

MÜCHITMUDU 14:14

Mihtsürü amütsü ju arü thülünkhi ngübah, tüsho mihtsürü atsü a arü rhimobo dün thsambah ngübah.

ISAIA 1:28

Tüshe azhihrü tüsho aneakrübo rukhühnü adükheakbah, tüsho sherünü A TU N GPU H bahyukchonü muyuabahbah.

ISAIA 66:5

Atungpuh yu aniang, nüsa sherü api yu sobah ajancho: Nüsa thraneanrü nüsa mihtsürü tüsho I mung chingnü nüsa bahyukrünü tha, “Atungpuh müretahshang, junangde isanü nüsa asühkhi ngüanü”; tüshe arübo achih ngübah.

JEREMIA 14:8

O nü Israel mulonglam, küpkhuk kim ching khümkhitbuh, tümüde nü a isa lomi ching hanrü ruk, hantsahrü tsüngrekhüh thsungkheak lakhi ruk a le?

JEREMIA 17:17

I ki atrebe düla; nü a thsümütsü nimung ching I tsoyukpung ah;

JEREMIA 17:18

I thsümüchirü achih ngüshang, tüshe I achih düngüshih; arü müyinsahshang tüshe I a dümüyinsahshih; arü kheak thsümütsü nimung handarang; alochode athsümüchinü arü dükheakshang!

JEREMIA 17:5

Atungpuhnü ha thachoh: Shepünü mihtsürü kheak kinchonü muthrumünean, shepünü nihbuh sühmüh thsungkheak shih kheak angükihcho tüsho shepü mulong Atungpuh kheaknü chamkhicho.

JEREMIA 19:4

tümütüsho mihtsürübonü I bahyuk, tüsho arü le jipürü yungsho Juda kiulongthsürübonü mümükheahkhi püpü thrünpuhbo ha ching kingaünkhinü ha dangpung müneanjih; tüsho arünü ha dangpung ching amülimmülarü thiyihnü mishih,

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 2:17

Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

JEREMIA 50:7

Arü ngürü alalanü arü tsühabahdo, tüsho arü riribonü tha, “ Isa amülim müla, tümütüsho arünü thiyuro rimlopung, Atungpuh , arü jipürü mulonglam Atungpuh azhihde neak yihbeakdo.”

EZEKIEL 13:9

Arükchih michihbo ngürü tüsho akeangyu müchitrü wukihrübo kheak I khahnü azhihbah. Arübo I mihtsürü kiuthsü-binkiu lung mübe yungsho Israel yamkhün thrütlangkhi ching mübe, yungsho Israel lomi ching müyüzah. Judüki I Wuto Atungpuh de nüsanü mükheahbah.

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

EZEKIEL 36:32

Ha nü thsülimnü inü arhimopü thsüchoh yung, Atungpuh Thrünpuhnü thachoh; ju nünü mükheahang. Nü limrobo thsungkheak achihang tüsho lümchihyuk ngüang, O Israel yamkhün.

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

ZEKARIA 9:12

Nüsa chipi lim rholoang, O mulonglamkhi aramrübo; khihni nüsa alü thsüde laloshihpü inü khipkhitchoh.

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

YUNIRÜBO RHIMO 28:20

Jumonü ha dünkheaknü inü nü shorubah asukachihpü keokheah, tümütüsho Israel mulonglam lakhinü ha wuhrünliunü I rhüka lah.”

1 TIMOTHI 1:1

Isa khümkhitbuh Thrünpuh tüsho isa mulonglam Jisu Khrista yukhüm hode Jisu Khrista amüsühthsangyurü Paul kilimnü,

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”