JEREMIA 17:1 - AMÜSÜH HÜM CL Bible (BSI)

¹ Juda neak ju yinchi dosangnü thrütlah; shotolung-müküp müzheannü arü mulong beak kheak tüsho arü kingaün sadam juhbo kheak thrütkihlah,

JEREMIA 17:1 Iomraidhean Croise

MÜCHITMUDU 3:3

Mihmüthsüm tüsho thiyuronü nü dübahyukshih; jurü nü hung mükamde rhükkihang, nü mulong kheak thrütkihang,

MÜCHITMUDU 7:3

Jurübo nü yingkhingbo kheak rhükkihang; nü mulong kheak jurübo thrütang.

ISAIA 49:16

Kheahang, inü nü I müyilung kheak thrütkihdo; nü chipibo mutuklode I miki lah.

JEREMIA 11:13

Tümüde nü kiutobo hihkhi nangde nü thrünpuhbo hihde kamdo, O Juda; tüsho Jirusalem kiudunglimrobo hihkhi nangde achihbe Baal kingaünpü kingaün sadambo thsüa lah.

JEREMIA 2:22

Nünü molikenü müsühsüh she tüsho sabünnü hihde niuhniuh she nünü alakmihkhi dükhüh judü lang I miki lah, Atungpuh Thrünpuhnü thachoh.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

HOSEA 12:11

Gilead ching mülimkhi lah, arübo tsükjide akeangkeang kambah, Gilgal ching arünü moshipungbonü kingaün, jumonü arü kingaün sadambo ju thulu wochakkhi ching lungrhung nangde alabah.

HOSEA 7:2

Tüshe inü arü mihbukmuyuk alala lümkhitlah de arünü mülüm. Kheakü arü rhimobonü arü mükamdolah, arü I miki lah.

HOSEA 8:11

Ephraimnü neak kingaün thsungkheak kingaün sadam ahihdo thsüthsü she, harübo api ki neak yihbeakpung kingaün sadambo kamdo.

LEVI 4:25

Tüsho amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah.

ZEKARIA 7:12

Adüso wukihrübo hode Wuto Atungpuh menü arüshihkhi yakzan tüsho thiyubo manipü arü mulong müküpde kam. Jumonü bukakhiukkhi ato Wuto Atungpuh kilimnü arüshih.

2 KORINT 3:3

tüsho nüsa ju isanü tankihkhi chingnü, dokenü yungde arhang Thrünpuh Menü, lungbeakbo kheak yungde mihtsürü mulongbo kheak thrütkhi Khrista kilimnü kihüm ah de nüsanü huhchoh.