JEREMIA 16:6 - AMÜSÜH HÜM CL Bible (BSI)

⁶ Ha lomi ching ato tüsho anini chido ashebah; arübo kiuyuka mübah, tüsho shenü arü thsungkheak mütüzho; arü thsungkheak tüzhode mütsüt yungsho ku mühüt.

JEREMIA 16:6 Iomraidhean Croise

2 KIUTHSÜYUKHEAN 36:17

Jumonü apinü arü azhihde Kaldearü kiulongthsüpuh bede wutu, apinü athunubo arü arüngyam ching nukshangnü laksah, tüsho athrününgtsüng mihtsürü yungsho anünürü, ashinbuhrü yungsho azobankhi kheak mihmuzho mülade kam; apinü arü alala api khah ching jih.

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

ISAIA 24:2

Tüsho ha mihtsürübo kheak labah, junangde amükeambuh kheak labah; azhorü kheak lakhi nangde, api putungrü kheak she alabah; yamlaberü kheak lakhi nangde, anihbe putungbe kheak she alabah; athulorü kheak nangde, ayinrü kheak she alabah; anip-jihrü kheak nangde azüng-lurü kheak she alabah; shozüng-jihrü kheak nangde, mah-larü kheak she alabah.

JEREMIA 13:13

Judüki nünü arü ki thabah: Atungpuhnü ha thachoh: Ha lomi ching larü, David kiulongthsübinkiu kheak binrü kiulongthsürübo, amükeamrübo, wukihrübo tüsho Jirusalem ching larü alala inü amüshangshihbah.

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 41:5

Shekem le Shilo tüsho Samaria chingnü mihtsürü 80 arü mükhühnam hüt tüsho khimmihbo rukrüp, tüsho arü pangbo tsüthünakbah, hi kingaün tüsho rhümthüneabe Atungpuh arüngyam ching jihpü lubah arü.

JEREMIA 47:5

Mulong rozhak ato Gaza kheak arüdo, Ashkelon zhikabahdo. O adükhün ching aninga larübo! Küdükhüh nüsa zangrü mulong rozhakba?

JEREMIA 48:37

Tümüde mihbüm aban ku hüta lah tüsho mükhühnam nipa lah; alala khahbo kheak atsütkhibo lah, tüsho chim kheak shungliukhim lah.

JEREMIA 7:29

Nüsa ku hüta bahang; awungbo kheak tüzhoang, tümüde api bukakhiukshihkhi lün Atungpuhnü bahyukdo tüsho mihabahdo.

JEREMIA 8:2

tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

LEVI 19:27

Nüsanü nüsa müchipnam hütadübah, yungsho mükhühnam dünipmüchih.

LEVI 19:28

Ashekhi dünkheak nüsa pang kheak dütsüt yungsho nüsa kheak yak düdo: I Atungpuh ah.

AMOS 6:11

Kheahang, Atungpuhnü thiyuchihchim jihchoh, tüsho thüyam ato ju ajipbo kambah tüsho thüyam anini ju adütre kambah.

MATHI 9:23

Küyimki Jisu ju atorü yam ching yüzahbah khungpi khungrü tüsho mitripde alanajikhi ngükhea,

YUZÜNGTHALO 14:1

“Nüsa ju Atungpuh nüsa Thrünpuh tsührü ah; asherü thsungkheaknü nüsanü nihbuh küdah thsüde dütsüt yungsho kingkang kheak kuyü dühüt.

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.

AMIKHEAKAKHIUKKHI 6:15

Judüki alomi kiulongthsürübo, yakzanshuhrü tüsho bonungrü torübo, alarü tüsho wularü, mihbüm aban, azhorü tüsho zuzu larü lungkhünbo tüsho awung ching lungbo khüp jikde,