JEREMIA 16:4 - AMÜSÜH HÜM CL Bible (BSI)

⁴ Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 16:4 Iomraidhean Croise

2 KIULONG THSÜRÜ 9:10

Jezreel lomi ching khihnubonü Jezebel tsühbah, tüsho shenü anihbe kiuyuka mübah.” Jushu apinü khimdopü khimshuh tüsho alihde tso.

MUNGSHIKHÜN 78:64

Arü yo amükeamrübo nukshangnü keam, tüsho arü niuberübonü mütüzho.

MUNGSHIKHÜN 83:10

Sherü Endor ching dükheak tüsho alo kheak sünit mujung nangde kam.

ISAIA 18:6

Arü alala awung shihtsüh wuhnubo kilim tüsho alomi shiwühbo kilim zojihbah. Tüsho muzhu ching shihtsüh wuhnubonü jurü tsühbah, tüsho lomi shiwüh alalanü tsüngkam ching jurü tsühbah.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

JEREMIA 19:7

Tüsho ha dangpung ching inü Juda tüsho Jirusalem lümkhibo akeangkeang kamshihbah, tüsho arübo arü riri müngüh nukshang tüsho arü rhangdung yimrü khah hode akeamshihbah. Inü arü ashemibo thüning wuhnubo tüsho alomi shiwühbo kilim jim thsüpü jihbah.

JEREMIA 21:6

Tüsho inü ha kiuto ching larü, mihtsürü tüsho shiwüh chido laksahbah; arübo tukthsü amütsünü ashebah.

JEREMIA 25:33

Ju nimung ching Atungpuhnü alaksahkhi ju alomi akheam kheaknü akheam khülim khiungde alabah. Arübo mütüzho, yungsho mushuhmukhung, yungsho kiuyuka mübah; arübo ju alo kheak sünitmujung kambah.

JEREMIA 34:17

Jumonü Atungpuhnü ha thachoh: Nüsanü nüsa yamhingrü tüsho müyamrübo müdükhekhi hode I yu manide kamdo; inü nüsa kilim dükhepü lah, Atungpuhnü thachoh–nukshang, arüm-tukthsü tüsho khümzung dükhebah. Inü nüsa lomi kiulongthsü alala ki atrebe kamshihbah.

JEREMIA 34:20

arü riri tüsho arü rhangdung yimrübo kilim jihbah. Arü ashemibo ju thüning wuhnubo tüsho alomi mütüm shiwüh jim kambah.

JEREMIA 36:30

Jumonü Juda kiulongthsüpuh Jehoiakim dünkheak Atungpuhnü ha thachoh: David kiulongthsü-binkiu kheak binpü api a she müla, tüsho api ashemi animuro atak ching bahbah tüsho azhing ching thüwün ching bahbah.

JEREMIA 44:12

Ijip lomi ching lapü lümkihbah ayürü Juda aningkhi inü lude atsobah, tüsho arü mihbüm abannü adükheakbah; Ijip lomi ching arübo keambah; nukshang tüsho khümzungnü arübo dükheakbah; anikhühnü ato khiungde, arübo nukshang tüsho khümzungnü ashebah; tüsho arübo athruaji tüsho atrebe, muthrumünean tüsho münedung kambah.

JEREMIA 44:27

Inü arü kurungkheak athsümünimpü kheahbah tüsho atsü thsungkheak yung; Ijip ching lakhi Juda mihtsürü alala nukshang tüsho khümzungnü, khülang she maningyi khiungde dükheakshihbah.

JEREMIA 7:33

Ha mihtsürü mibo ju thüning wuhnubo tüsho alomi shiwüh jim thsübah; tüsho shenü arü müzüna mutsoshih.

JEREMIA 9:22

Asukang! Atungpuhnü ha thachoh: Mükeak ching bahyakkhi nangde, yimlurü dunglim hi bahkhi nangde, mihtsürü ashemibo keambah tüsho shenü arü mühanmukhung.

TÜZHOKHI 4:9

Nukshangnü alaksahrü ju akhümnü asherü kheaknü khatsübe lakheah, akhümkhinü rungkheamabah, arübo thulu ching tsühyungpü mülakhinü mukuhsah.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

EZEKIEL 5:12

Nüsa shihchamkhüh arüm yungsho khümzungnü ashebah; nü mühide shihchamkhüh nukshangnü akeambah; tüsho shihchamkhüh apungbo ching hiumüzütbah tüsho nukshang thokhitbah yande müshambah.

ZEPHANIA 1:17

Inü hadürü lümthsünü mihtsürübo kheak handarübah, junangde arübo müktukrü nangde atsahbah; tümütüsho arünü Atungpuh azhihde neak yihbeakkhinü, arü thiyih ke nangde abukkhitbah, tüsho arü shih müneanmuru mujung nangde alabah.

YUZÜNGTHALO 28:22

Nüsa müsheshihyi khiungde Atungpuhnü nüsa kheak ashepü tukthsü, phütsak tüsho abümpü, alamlam tüsho thsühnuk, mümüpü tüsho mokri arüshihbah.

YUZÜNGTHALO 28:26

Nüsa ashemibo ju thüning ching wuhnubo tüsho alo kheak shiwühbo jim thsübah, tüsho arübo shenü she müzüna mütsoshih.