JEREMIA 16:21 - AMÜSÜH HÜM CL Bible (BSI)

²¹ “Jumonü tsükjide inü arü ki thsangyupü lah, ha kim ching inü arü ki I wu tüsho I sühmüh thsangyubah, tüsho I mung ju Atungpuh de arünü mükheahbah.”

JEREMIA 16:21 Iomraidhean Croise

MUNGSHIKHÜN 83:18

junangde arünü nü mung ju lang Atungpuh ah de, nü alomi alala kurungkheak Khide Achang mükheahbah.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

ABEKHIT 14:4

Judüki inü Pharao mulong müküpshihbah apinü nüsa müshambah; Pharao tüsho api bonungrü hode I müretahbah, junangde Ijiprünü I Atungpuh de amükheahbah.” Tüsho Israelrünü jude rhimo.

ABEKHIT 15:3

Atungpuh a athrungrü mihtsürü ah; Atungpuh ju api mung ah. @SPACE=

ABEKHIT 6:3

Inü Abraham, Isak tüsho Jakob ki Wuto Thrünpuh ah de akhiuka huh, tüshe inü arü ki I mung Atungpuh de mümükheahshihde alakheah.

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

JEREMIA 33:2

Alomi thrünrü Atungpuhnü ha thachoh, Atungpuh shepünü ha kamkhitpü thsü–Atungpuh ju api mung:

EZEKIEL 24:24

Hanangde Ezekiel ju nüsa ki amütsan khülang labah; apinü arhimokhi nangde nüsanü arhimobah. Küyimki ha arübanü, I Atungpuh T H RÜ NPU H de nüsanü mükheahbah.

EZEKIEL 24:27

Ju nimung atsokhitbuh ki nü mün khimshuhbah, tüsho nünü asukbah tüsho zhikde müla. Junangde nü arü ki amütsan khülang labah; tüsho I Atungpuh de arünü mükheahbah.

EZEKIEL 25:14

I mihtsürü Israel khah hode inü Edom kheak royimkhi labah; tüsho I bukakhiukkhi tüsho I mulong zhipzhip yande arünü Edom ching rhimobah; tüsho arünü I royimkhi ngübah, Atungpuh Thrünpuhnü thachoh.

EZEKIEL 6:7

Nüsa bolung alaksahkhi yapbah, tüsho I Atungpuh de nünü mükheahbah.

AMOS 5:8

Shepünü chirhangshuhrü tüsho yamungshuhrü thrünkhea, tüsho zhingdoa amitingkhi ju yapsu kamshihkhea, tüsho animung ju azhing kamshihkhea, Shepünü keto kebo jikhea tüsho alo kheak dungkhitkhea, Atungpuh ju api mung,