JEREMIA 16:18 - AMÜSÜH HÜM CL Bible (BSI)

¹⁸ Tüsho inü arü mülimkhi tüsho arü neak alü thsüde ajihlobah, tümütüsho arünü athraneanbe sangthsükhi ashemibonü I lomi müneanjihdo, tüsho athraneanbebonü I yamrüplurüp mishihdo.

JEREMIA 16:18 Iomraidhean Croise

MUNGSHIKHÜN 106:38

tüsho amülim-mülarü thiyih bukshih, arü tsührübo le tsührübebo thiyih she, Kananrü sangthsübo kilim shuhmülanga jih; tüsho alo ju thiyihnü müneana lakheah.

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 61:7

Tümütüsho arü khitode achih ngüdo, tüsho akinashu mülakhi arü shihcham nangde zhiyuk, jumonü arü shihcham alü thsüde alubah; akheam mülakhi asühachihpü arü yo thsübah.

ISAIA 65:6

Kheahang, I miki ha thrüta lah: Inü zhikde müla, tüshe inü athrihlobah; atsütsü inü nü ki samde athrihlobah,

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

JEREMIA 17:18

I thsümüchirü achih ngüshang, tüshe I achih düngüshih; arü müyinsahshang tüshe I a dümüyinsahshih; arü kheak thsümütsü nimung handarang; alochode athsümüchinü arü dükheakshang!

JEREMIA 2:7

Inü nü suhdahkhi lomi ching sangaso tüsho atsü mungjibo tsühshihpü bedarü. Tüshe küyimki nü yüzahkhea, nünü I lomi müneanabah, tüsho I yamrüplurüp athraneanbe kamshih.

JEREMIA 3:9

Tümütüsho alibenü anihbe müzammüram machihde rhimo, alibenü alo müneanjih, lung tüsho sangdung kheak müzammüram thsü.

JEREMIA 44:4

Judüalalashe, inü I yamlarübo wukihrübo alochode thiyia arüshihde tha, “ Inü athraneankhi ha athraneanbe dürhimo!”

JEREMIA 7:30

Tümüde Juda mihtsürübonü I miki amütsü rhimodo, Atungpuhnü thachoh; I mung tamkhi yam müneanjihde, arünü athraneanbe zodo.

EZEKIEL 11:18

Arünü ju ching rholobah tüsho achihbe-yakli mejakbo tüsho athraneanbe sangthsübo lahkhita bahbah.

EZEKIEL 11:21

Tüshe sherü arü yo sheak mülakhi mejakbo tüsho athraneanbe sangthsübo ki mulong jihchonü, inü arünü arhimokhibo arü nihbuh ku kheak hankihjihbah, Wuto Atungpuhnü thachoh.

EZEKIEL 36:18

Jumonü arünü lomi kheak thiyih bukkhi tüsho arünü bede müneankhi sangthsübo dünkheaknü arü kheak I mulong zhipzhip dungkih.

EZEKIEL 5:11

Jumonü Wuto Atungpuhnü thachoh, I arhang lah, tümütüsho nünü athraneanbe kukrukbo alalanü I yo arüngyam müneanshihdo, inü I küdah thsüde amuzho lulobah; inü nü kheak muzhode mükheah yungsho nü maningshih.

HOSEA 9:7

Thsümüchi nimungbo arüdo, royimpü nimungbo arüdo; Israelnü zhichoh, “ Wukihrü amülim ah, me lakhi mihtsürü makharü ah!” Tümütüsho nü mülimkhi tokhinü, nü mükthsü tode lah.

LEVI 26:30

Achang dangpungbo kheak lakhi nüsa kingaün sadambo inü thsümünimjihbah, arhümthüneabe kingaün sadambo keamshihbah, tüsho nüsa ashemibo rhangdung mülakhi nüsa sangthsübo kheak jipkih-a bahbah; tüsho I menü nüsa thraneanbah.

MIKA 2:10

Asürang tüsho yüang; tümüde ha sühakhim dangpung yung, tümütüsho mümüsühkhinü ha khitode thsümünima lah.

AMIKHEAKAKHIUKKHI 18:6

Anihbenü ajihkhi nangde anihbe ki jihang; tüsho anihbe rhimobo dün alü thsüde athrihloang; anihbe khilim alü thsüde müküpde pung ching dungyukjang.