JEREMIA 16:16 - AMÜSÜH HÜM CL Bible (BSI)

¹⁶ Kheakü inü thüngüh-ramrü ahihdo yüshihchoh, Atungpuhnü thachoh, tüsho arünü arübo rambah; tüsho ju dunglim inü shihjimrü ahihdo yüshihbah, tüsho arünü arübo awungbo tüsho awung mujukbo tüsho lunghübo chingnü ajimbah.

JEREMIA 16:16 Iomraidhean Croise

THRÜNTAN 10:9

Api ju Atungpuh miki amüzhak shihyanrü lakheah; jumonü hade tha, “Atungpuh miki amüzhak shihyanrü Nimrod nangde.”

ISAIA 2:21

Atungpuh atrebe tüsho api wüntre-müretah chingnü tsokhide lungkhün atobo tüsho lunghü dükeak ching yüzahpü thsüde, alomi müzünpü api asürüchoki labah.

ISAIA 7:19

Arü alala arübah tüsho jindükhün lunghü, lungrhün, ayangrungbo tüsho rimkiubo alala kheak binbah.

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 4:29

Khoraberü tüsho sanglüh-kiprü düsheaknü kiuto alala tsochoh; arü rimchak ching yüzahchoh; arübo lunghü kheak künchoh; kiuto alala bahyukdo tüsho jurü ching she müla.

JEREMIA 49:5

Nü yamhingrü alala chingnü inü nü kheak atrebe handarübah, Wuto Atungpuhnü thachoh, nüsa mihbüm aban yanmüzütbah, tüsho tsotsahrümtsahrübo shenü mübemukhung.

JEREMIA 6:9

Wuto Atungpuhnü thachoh: Kurungaso mokhi nangde aningkhi Israel momütsanang; kurungaso rhorü nangde, adüchibo kheak nü khah phüthoang.

TÜZHOKHI 4:18

Arünü isa jingdükü aban phükih, junangde isanü kiudunglimrobo ching mütsahkhuk; isa akheam phünide kam; isa nimungbo kheabah; tümüde isa akheam arüdo.

TÜZHOKHI 4:19

Isa müshamrübo ju thüning ching müleangbo kheaknü athribe lakheah; arünü isa müzüngbo kheak yande müsham, arünü sunglo ching isa aleangde bin.

HOSEA 10:10

Inü amulongkhi ching arü thsümüchibah; arü neak alü dün thsümüchichoki trükshihbonü arü azhihde mukhungbah.

AMOS 4:2

Atungpuh Thrünpuhnü api müsühkhinü thiyuchihchimdo: Nüsa mihbüm aban thüngüh wuhbe khoyangnü awuhpü kim tsükjide arüchoh.

AMOS 5:19

khürü kekhüzü kheaknü tsobah kuto shorukhi nangde; yungsho thüyam ching yüzahbah rhü kheak angükihchoki, phurutonü anguhkhi nangde!

MIKA 7:2

Athülünkhi alomi chingnü kheamabahdo tüsho alungki larü sheshe müla; arü alalanü thiyih bukpü aleangde binchoh, tüsho arünü keang lubah jimachihchoh.

ZEPHANIA 1:12

Ju kim ching inü tsünpungbo shuhbah Jirusalem yimbah, tüsho nihbuh kheak reangkeamrü tüsho mulongramrü mihtsürü thsümüchibah, sherünü arü mulong ching thacho, “Atungpuhnü atsü yungsho amütsü she mürhimo.”

1 SAMUEL 24:11

Abuh, nü yo shulünkhim münkheam I khah ching ha kheahang; tümüde atsütsü inü nü yo shulünkhim münkheam nipkhia lu, tüsho nü mülaksah, ha hode I kilim amülim yungsho azhihkhi müla de nünü amükheahbah. Nünü I rhangdung lupü jima lalashe, inü nü azhihde neak müyihbeak.

1 SAMUEL 26:20

Jumonü kheakü Atungpuh kheaknü limshukhi ching, I thiyih alo kheak dayokhishih; tümüde Israel kiulongthsüpuh ju khürünü awung ching mütüm wuhnu jimkhi nangde thüle khülang yimde arüa lah.”