JEREMIA 16:10 - AMÜSÜH HÜM CL Bible (BSI)

¹⁰ Tüsho küyimki nünü harü yubo ha mihtsürü ki thabanü, tüsho arünü nü ki thasho, “Tümüde Atungpuhnü ha amütsü ato isa azhihde athakhea? Isa mülimkhi tümü a? Atungpuh isa Thrünpuh azhihde isanü ayihbeakkhi neak tümü a?”

JEREMIA 16:10 Iomraidhean Croise

JEREMIA 11:17

Wuto Atungpuh , shepünü nü khimkheanü, nüsa azhihde amütsü thado, tümütüsho Israel yamkhün tüsho Juda yamkhünnü amütsü rhimode, Baal kilim kingaün jihde I bukakhiukshih.

JEREMIA 13:22

Tüsho nü mulong ching, “Tümüde hadürü I kheak arücho?” de thasho, ha nü mülimkhi ato hode nü rungthsün lahkih, tüsho nü thsümünim.

JEREMIA 2:23

Küde thsah nünü thakhukpü, “ I a mümünean, inü Baal dunglim müyü?” Jindükhün ching nü limro kheahang; nünü arhimokhi mükheahang– nü a athrikhi mütüm Kemel halim-halim yungchoh.

JEREMIA 2:35

nünü thachoh, “ I amülim müla; tsükjide api bukakhiukkhi I kheaknü rholode tsodo.” Kheakü inü, “ Inü neak müyihbeak” de athamonü nü kilim mahkhap handarüchoh.

JEREMIA 44:3

tümütüsho arünü amütsü rhimodo. Arünü arü yungsho nü yungsho nüsa jipürübonü küyimkishe mümükheahkhi thrünpuhbo ki rhümthüneabe takde tüsho kingaünde I bukakhiukshih.

JEREMIA 5:19

Tüsho küyimki nü mihtsürübonü athaba, “Tümüde Atungpuh isa Thrünpuhnü harü alala isa kheak rhimokhea?” nünü arü ki thabah, “ Nüsanü I bahyuk tüsho nüsa lomi ching khiungkerü thrünpuhbo tankih, jumonü nüsa lo ching yungde nüsanü khiungkerü tankihbah.”

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

HOSEA 12:8

Ephraimnü tha, “Ah, I alarü ah, I alarü kamdo; I lakhit alala ching arünü amülim neak müyimkhit.”