JEREMIA 15:7 - AMÜSÜH HÜM CL Bible (BSI)

⁷ Inü arübo phürünü lomi chipiripitbo ching yüna bahdo; inü arü tüzhoshihdo, inü I mihtsürü thsümünimdo; arünü arü limrobo ching murholo.

JEREMIA 15:7 Iomraidhean Croise

MUNGSHIKHÜN 1:4

Mihbukmuyukbo jude yung, tüshe apungnü yünde atsokhi hirüp ruk ah.

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 9:12

Siriarü aniakhiuklim tüsho Filistiarü aniyüzahlim, Israel muyupü arü mün kaa lah. Ha alala thsungkheaknü api bukakhiukkhi rholode mutso; api khah kheakü khiungde chungkhih-a lah.

ISAIA 9:13

Mihtsürübonü arü shikbuh api kilim manguh, yungsho Wuto Atungpuh müyim.

JEREMIA 18:21

Jumonü arü tsührübo khümzungnü sheshang; arübo nukshang wu kilim jihang, arü niuberübo tsührü mülade tüsho khimoberü kamshang. Arü niubuhrübo tukthsünü sheshang, athunurübo keochih ching nukshangnü laksahshang.

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

JEREMIA 51:2

tüsho inü athrüprü Babilon ching yüshihbah, tüsho arünü anihbe thrüpbah. Küpkhuk nimung ching arünü anihbe azhihde thrip aban chingnü arüchoki anihbe lomi akeangkeang kamshihbah.

JEREMIA 9:21

Mihshe isa ayinripitbo chingnü azahdo, ha isa kiulongthsürü-yambo ching azahdo, kiudunglimrobo chingnü azürübo laksah tüsho wungdobo chingnü athunurübo laksah.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

EZEKIEL 24:25

Tüsho mihtsürü tsührü, küyimki inü arü kheaknü arü chipibo, arü asühachih tüsho müretah, arü mük asühkhi tüsho arü mulong amuzho, tüsho arü tsührübo le tsührübebo she lukhambanü,

EZEKIEL 36:12

Inü nüsa kheak I mihtsürü Israel tsahshihbah tüsho arünü nüsa mükühbah, tüsho nüsa ju arü yamrüplurüp thsübah. Tüsho nüsanü küyimkishe arü tsührübo dünkheak arü ki mimütrip.

ZEKARIA 1:4

Nüsa jipürü nangde düla, sherü ki akhuhlim wukihrübonü zhiyuk, “ Wuto Atungpuhnü ha thachoh, Nüsa amütsü limrobo tüsho nüsa amütsü rhimobo chingnü rholoang.” Tüshe arünü muso yungsho I ki mani, Atungpuhnü thachoh.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

YUZÜNGTHALO 28:18

“Nüsa tsührü tüsho alo chingnü akhiukbe, nüsa moshi tüsho namfimihnubo kheak muthrumünean labah.

YUZÜNGTHALO 28:32

Nü tsührü le tsührübebo püpürü mihtsürü kilim jihbah, tüsho nimung aban arü alode arüpü nü mükji tukde akheahbah; tüsho nü khah ching sühmüh mülade akambah.

YUZÜNGTHALO 28:41

Nüsa tsührü tüsho tsührübebo labah, tüshe arübo nüsa yo müthsü; tümüde arübo ramde atsobah.