JEREMIA 15:6 - AMÜSÜH HÜM CL Bible (BSI)

⁶ Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 15:6 Iomraidhean Croise

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 28:13

Jumonü arü kilim Atungpuh yu ha labah, “Thsangdankhi kheak thsangdankhi, thsangdankhi kheak thsangdankhi, athürün kheak athürün, athürün kheak athürün, ha ching anikhüh, ju ching anikhüh”; junangde arünü dunglim yübah angakbah, tüsho azhakbah, tüsho aphuhbah, tüsho arambah.

ISAIA 31:3

Ijiprübo ju mihtsürü ah tüsho Thrünpuh yung; arü khorabo shih, tüsho me yung. Küyimki Atungpuhnü api khah chungkihbanü, arungrü jing mükhebah, tüsho arungbuh alungbah, tüsho ane chido rukhüh dükheakbah.

JEREMIA 1:16

Tüsho arünü I bahyukde mihbukmuyukkhi alala thsungkheak inü arü azhihde I mahkhapkhibo thabah; arünü jipürü thrünpuhbo ki rhümthüneabe taka kingaün, tüsho arü nihbuh khahnü arhimokhi ki kingaün.

JEREMIA 13:14

Tüsho inü arü khülangnü khülang, berübuhrü tüsho tsührübo rukhühnü mütrütachihshihbah, Atungpuhnü thachoh. Inü arü thsümünimchoki amuzho yungsho aningshihpü yungsho mihmuzho mülade alabah.

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 2:17

Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 20:9

Inü tha, “ Inü api mütam, yungsho kheaküa api mung ching masuk,” judüki I mulong ching mo nangde takchoh, I robo ching mükhipchoh; ju ching ramlokhinü I khilah, tüsho inü mukuk.

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

JEREMIA 6:11

Tüshe I a Atungpuh bukakhiukkhinü milah; inü ju marümkhuk. Ju kiudunglimro azürübo kheak dungkihang, tüsho athunurü mukhungkhi kheak she; niube niubuh tüsho shinbe shinbuh chido lude atsobah.

JEREMIA 6:12

Arü yambo, arü lubo tüsho niuberü rukhühnü püpürü kilim jihbah; tümüde lomi ching larü kheak azhihde I khah chungbah, Atungpuhnü thachoh.

JEREMIA 6:19

Aniang, O alomi; inü arü lümkhi aso asokhi ha mihtsürübo kheak thsümütsü handarüpü lah, tümütüsho arünü I yu mani; tüsho arünü I yakzan bahyukdo.

JEREMIA 7:16

Nünü harü mihtsürü thsungkheak dütamkhüntamnüjih, arü thsung thsüde düzhi yungsho dütamkhüntamnü, tüsho I ki dümushu, tümüde inü nü ki mani.

JEREMIA 7:24

Tütüshe arünü mihyu mani yungsho arü nükhün mumupho, tüshe arü amütsü lümkhi ching nihnihde, arü nihbuh lümrükbo ching tsah, tüsho mikhuhlim yungde dunglim peang tsah.

JEREMIA 8:5

Dale küde ha mihtsürünü murholo tsantsande tsoa la? Arünü akeangyu kheak düküngde ramrihdo, arünü arholopü reanglodo.

JEREMIA 8:9

Lümlung larü achih ngüshihbah, arübo ayingyingbah tüsho aphuhbah; tümütüsho arünü Atungpuh yu bahyuk, arü kheak tümü lümlung la?

EZEKIEL 14:9

Tüsho wukihrü ju müchityu thapü mülapyuka lasho, I Atungpuh nü ju wukihrü mülapyukkheah, tüsho inü api azhihde I khah chungkihbah tüsho I mihtsürü Israel bolungnü api dükheakshihbah.

EZEKIEL 25:7

jumonü nüsa azhihde I khah chungkhit, tüsho trükshihbo kilim yankhia lukhi nangde ajihbah. Inü nüsa mihtsürü bolungnü lipkhia bahbah tüsho lomibo chingnü nüsa dükheakshihbah; inü nüsa thsümünimbah. Judüki I Atungpuh de nüsanü mükheahbah.

EZEKIEL 35:3

tüsho thaang, Atungpuh Thrünpuhnü ha thachoh: Inü nü azhihde lah, Edom müzüng; nü zhikshihpü tüsho abahkhi kamshihpü inü nü azhihde I khah chungkihlah.

HOSEA 11:7

I mihtsürü ju I kheaknü rholode atsopü lümkihlah. Arünü Khide Achangbuh ki jiji she apinü arü mushuhmusu.

HOSEA 13:14

Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah.

HOSEA 4:16

Israelrü ju khoranunu nangde yihkhro ah; küde thsah Atungpuhnü rimlopung amülih ching arü yimkippü?

ZEPHANIA 1:4

Inü Juda tüsho Jirusalem ching larü alala azhihde I khah chungkihbah; tüsho inü ha dangpung chingnü Baal kingaünrü aningkhibo tüsho müzammüram amükinrü amükeamrü mungbo dükheakshihbah;

ZEKARIA 7:11

Tüshe arünü anipü thsunglo, tüsho chungthülangdo arü düthsün anguh tüsho manipü arü nükhün yihdo.