JEREMIA 15:20 - AMÜSÜH HÜM CL Bible (BSI)

²⁰ Tüsho harü mihtsürü ki inü nü müwayinchi chipi nangde akamshihbah; arünü nü bede keochihbah tüshe arünü nü mukuk, tümüde nü khümkhitpü tüsho nü bekhitpü I nü lung lah, Atungpuhnü thachoh.

JEREMIA 15:20 Iomraidhean Croise

MUNGSHIKHÜN 37:39

Tüshe thiyuro-lungkirü akhümkhit ju Atungpuh kilimnü lah; api ju küpkhuk kim ching arü sühmüh lah.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

JEREMIA 1:8

Arü dütre, tümüde nü kümpü I nü lung lah, Atungpuhnü thachoh.

JEREMIA 15:10

I are aba, nünü I zübea lah, lomi ching mihtsürü ki inü rukachihde tüsho atsangachihde lah. Inü sho tümü müzüng yungsho münip, tütüshe alalanü I athruchoh.

JEREMIA 15:15

O Atungpuh nünü mükheahlah; I lümkhitang tüsho rhuakheahang, tüsho I thsümüchirü kheak I royimpü hande akijang. Nü arümkheamkhi ching I hande dütsoshih; nü dünkheaknü I mükhemükim ludo de mükheahjang.

JEREMIA 38:28

Tüsho Jeremia ju Jirusalem yankhi nimung khiungde aheangrü mahkhappung ching lakheah.

JEREMIA 39:11

Babilon kiulongthsüpuh Nebukednezarnü aheangrü wühkenobuh Nebuzaradan hode Jeremia dünkheak thiyukhüm jihde tha,

JEREMIA 42:11

Babilon kiulongthsüpuh ki kheaküa dütre; api dütre, Atungpuhnü thachoh, tümüde api khah chingnü nüsa khümkhitpü tüsho bekhitpü I nüsa lung lah.

JEREMIA 6:27

Inü nü I mihtsürübo thsungkheaknü qiuakheahbe tüsho atsangkhitbe kamshihdo, junangde nünü arü limro mükheahbah tüsho tsahakheahbah.

EZEKIEL 3:8

Tüshe inü arü nangde nü nihnihshihbah tüsho rhükrhükshihbah.

EZEKIEL 3:9

Inü nü kingkang ju lung amüküp nangde, lungji kheaknü amüküpbe kamshihbah. Arü azhih yamkhün thsüa lalashe arü ki dütre yungsho arü hode dümüyinsah.”

DANIEL 3:17

Isa motru ching ramyuksho, isanü tankihkhi Thrünpuhnü isa ju chingnü khümkhitkhuklah, tüsho Apinü isa nü khah chingnü bekhitbah, O kiulongthsüpuh.

2 TIMOTHI 4:22

Atungpuh nü me lung lashang. Nü lung amüthsüm laang.