JEREMIA 15:17 - AMÜSÜH HÜM CL Bible (BSI)

¹⁷ Kithsükilangrü bolung inü mübin, yungsho inü masühachih; nü khah khüp I langzü bin, tümüde nünü I bukakhiuknü mishih.

JEREMIA 15:17 Iomraidhean Croise

MUNGSHIKHÜN 1:1

Mihtsürü shepünü mihbukmuyuk lümthiyan ching mütsahcho, yungsho aneakrü limro ching müzhipcho, yungsho luhmünerü binkiu kheak mübinchonü asühpü;

MUNGSHIKHÜN 102:7

I mükmutrude yaplah, tüsho thüyam-mün kheak khüjak alangzü lakhi nangde lah.

JEREMIA 1:10

Kheahang, khihni inü nü trükshih tüsho kiulongthsübo kurungkheak arukkhitpü tüsho athomülünpü, athsümünimpü tüsho lahyuka bahpü, athsüpü tüsho akhimpü zojihchoh.”

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 16:8

Nünü arü lung binde atsühpü tüsho ayungpü tsakamrü yam ching düyüzah.

JEREMIA 6:11

Tüshe I a Atungpuh bukakhiukkhinü milah; inü ju marümkhuk. Ju kiudunglimro azürübo kheak dungkihang, tüsho athunurü mukhungkhi kheak she; niube niubuh tüsho shinbe shinbuh chido lude atsobah.

TÜZHOKHI 3:28

api alangzü zhikde binshang tümütüsho Atungpuhnü api kheak ju yihkihjih-a lah,

DANIEL 7:28

Akhekhi ha akheam. I, Daniel thsungkheak a, I lümkhinü I tode treshih, tüsho I miro pheakmulukdo kam; tüshe amütsan inü I lüm ching zo.

ZEKARIA 1:12

Judüki Atungpuh yunirünü tha, “ O Wuto Atungpuh , nünü kam nerü bukakhiukkhi Jirusalem tüsho Juda kiutobo kheaknü külokhüh nünü mihmüthsüm tholoba?”

2 KORINT 6:17

Jumonü arü kheaknü akhiukang, tüsho arü kheaknü chamkhiang, Atungpuhnü thachoh, tüsho amümüsüh tümü düqiu; tüsho inü nüsa leangkhibah,