JEREMIA 14:9 - AMÜSÜH HÜM CL Bible (BSI)

⁹ Tümüde nü a mihtsürü nangde müyinnima, akhümkhitkhukpü wumülakhi thirithsürü nangde alaba? Tütüshe, O Atungpuh , nü isa bolung lah, tüsho nü mung chingnü isa jikheah, isa dübahyuk!

JEREMIA 14:9 Iomraidhean Croise

2 KIUTHSÜYUKHEAN 7:14

I mung chingnü ajikhi I mihtsürübonü azhihayihsho, tamkhüntamnüsho, I miro yimsho, tüsho arü limrobo amütsü chingnü rholosho, inü yinmi chingnü sojihbah arü neak bahjihbah tüsho arü lomi thsüngujihbah.

MUNGSHIKHÜN 10:1

Tümüde nü limshude la, O Atungpuh ? Tümüde küpkhuk kim ching nü jikcho?

MUNGSHIKHÜN 27:9

I kheaknü nü miro düjik, nü yamlarü bukakhiukde dütsoshih; nü I rungrü lakheah. I dübahjih yungsho dübahyuk O I akhümkhit Thrünpuh!

MUNGSHIKHÜN 46:5

Ju kiuto ching Thrünpuh lah, tüsho ju küyimkishe müthsümünim; yapsu mükikde ju rungpü api arübah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 43:7

Sherübo I mung chingnü jia la, sherü I müretahpü inü thrün, sherü inü kamshih tüsho thrün.”

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 59:1

Kheahang, akhümkhitpü thsüde Atungpuh khah khide mükhih, yungsho asopü thsüde api nükhün müpeang.

ISAIA 63:19

Isa ashangkhüh nünü yakzan mushuhkhi nangde, nü mungnü müjirü nangde lado.

JEREMIA 15:16

Nü yubo ngüdo, tüsho inü tsüh, tüsho nü yubo I asühkhi kam tüsho I mulong asühkhi kam; tümüde nü mung chingnü I jia lah, O Atungpuh , Wuto Thrünpuh.

JEREMIA 51:5

Israel Amüsühbuh miki arü lomi amülimnü mide lalashe, Israel tüsho Juda arü Thrünpuh Wuto Atungpuhnü mübahyuk.

JEREMIA 8:19

Aniang, limshu tüsho amülih lomi ching amuzhobe mihtsürünü azhikhi: “Atungpuh Zion ching müla de? Anihbe kiulongthsüpuh kheaküa ju ching müla de?” (“Tümüde arünü arü sangthsübo, arü khiungkerü sangthsübo kheak I bukakhiukshihkhea?”)

TÜZHOKHI 5:20

Tümüde nünü isa shahde mih-a la? Tümüde nünü isa haruhroro bahyukkhea?

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

HABAKKUK 1:2

O Atungpuh , külokhüh inü arung thsungkheak zhiba tüsho nünü maniba? Yungsho nü ki zhiba, “Thsünimthsüshi!” tüsho nünü mükhümkhitba?

ZEKARIA 2:5

Tümüde ju alala mükamde I ju mo chipi labah, Atungpuhnü thachoh, tüsho ju ching I müretahkhi labah.”

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

WÜHKHE 11:23

Atungpuhnü alo, “Atungpuh khah thamalah düpü? Kheakü nü thsungkheaknü I yu dünjinahnü nünü angübah!”

YUNIRÜBO RHIMO 15:17

junangde aningkhi mihtsürübo, I mung chingnü jia larü khiungkerünü Atungpuh yimbah,

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

YUZÜNGTHALO 23:14

Tümütüsho nüsa khümkhitpü tüsho thiriri nüsa kilim jihpü Atungpuh nüsa Thrünpuh nüsa binkheampung ching tsahchoh, jumonü nüsa binkheampung ju amüsüh labeah, junangde apinü nüsa bolung tümükhüh amünean müngü, tüsho nüsa kheaknü tsoa mübah.

YUZÜNGTHALO 28:10

Judüki alomi ching mihtsürübonü Atungpuhnü nüsa api mihtsürü thsüpü mokhitdo de angübah, tüsho arünü nüsa trebah.

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;

1 SAMUEL 12:22

Tümüde api mung ato dünkheaknü Atungpuhnü amihtsürübo mübahyuk, tümütüsho nüsabo api mihtsürü thsüpü Atungpuhnü asühdo.