JEREMIA 14:22 - AMÜSÜH HÜM CL Bible (BSI)

²² Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JEREMIA 14:22 Iomraidhean Croise

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

1 KIULONG THSÜRÜ 17:14

Tümüde ha Israel Thrünpuh, Atungpuhnü thachoh: Atungpuhnü lomi ching tsüng marüshihyi khiungde jimphüh tüsho müdangke pung akeangkeang mükam.”

1 KIULONG THSÜRÜ 18:1

Nimung ahihdo dunglim, tsüng marükhi kam mahsampü ching Atungpuh yu Elija kilim arü, “Yüang, nünü Ahab shoruang; inü alomi ching tsüng arüshihbah.”

1 KIULONG THSÜRÜ 8:36

judüki yinmi chingnü sojang, tüsho nünü arünü atsahpü limro atsü arü ki thsangyuchoki, nü yamlarübo, nü mihtsürü Israel neak bahjang; tüsho nünü nü mihtsürü kilim yamrüplurüp jihkhi nü lo kheak tsüng arüshang.

JOB HU H T ANYU 28:26

apinü küyimki tsüng thsungkheak yakzan tüsho tsüngmuk limro thsükhea;

JOB HU H T ANYU 5:10

Apinü alo kheak tsüng arüshihchoh tüsho thulubo ching kebo yüshihchoh;

MUNGSHIKHÜN 130:5

Inü Atungpuh aleanglah, I menü aleanglah, tüsho api yu inü mulonglamlah.

MUNGSHIKHÜN 135:7

Apinü alomi akheam chingnü kesheakbo akihshihchoh; apinü tsüng thsungkheak chinchobe thsüchoh; apinü api rahpungbo chingnü apung bekhitchoh.

MUNGSHIKHÜN 147:8

shepünü thüningbo amobonü yihdocho, shepünü alo thsungkheak tsüng thsakhamcho, shepünü müzüngbo kheak rimbo mukhuhshihcho.

MUNGSHIKHÜN 25:21

Thiyuro-lungki tüsho alungkinü I kümdoshang, tümüde inü nü aleanglah.

MUNGSHIKHÜN 25:3

Nü aleangrü sheshe achih düngüshih; nü azhihrübo achih ngüshang.

MUNGSHIKHÜN 27:14

Atungpuh aleangang; reangzahang, tüsho nü mulong toang; inü thachoh, Atungpuh aleangang!

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 30:23

Nüsanü alo ching yangkhi müjih thsungkheak apinü tsüng arüshihbah, tüsho alo chingnü akhiukkhi hi lakhitde tüsho muzhomopungde alabah. Ju nimung nü yo shiwühbo yimtsühpung tode alabah;

ISAIA 41:29

Yung, arü alala akeangkeang; arü rhimo tümü müla; harü sangthsübo ha akeangkeang pung tüsho ayingying lah.

JEREMIA 10:12

Api wu-sühmüh hode alomi thrünkhi ju api ah, shepünü api lümlung hode alomi thrünkhit, tüsho api anikhitkhi hode thüningbo thoshang.

JEREMIA 10:13

Küyimki api düsheak alankhea, thüningbo ching ke arung tüsho apinü alomi akheam chingnü amo yükihshihchoh. Apinü tsüng thsungkheak chinchobe phürapshihchoh, tüsho apinü zowupung chingnü apung bekhitchoh.

JEREMIA 10:15

Arübo müthülün, alakmihkhi rhimo lah; arü thsümüchichoki arübo dükheakbah.

JEREMIA 10:3

Tümütüsho mihtsürü jipü-yakli amülimkhi lah: murung ching sangdung khülang kiushakdo, tüsho sangrhimosorü khahnü awü shuhbah rhimodo;

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 5:12

Arünü Atungpuh dünkheak mülimde asukdo, tüsho tha, “Apinü tümü müthsü. Tümü amütsü isa kheak marü, tüsho isanü thirithsü yungsho khümzung müngü.”

JEREMIA 5:24

Arünü mulong ching mütha, “ Isanü Atungpuh isa Thrünpuh treanü, shepünü akheahmünchi ching tsüng arüshihcho, mumükin tsüng tüsho mükhean tsüng jihcho, tüsho isa kilim yimlupü nimungbo akhukhita zojihcho.”

JEREMIA 51:16

Küyimki apinü tsüngmukbanü, thüningbo ching kebo arungchoh; api alomi akheam chingnü amobo yükihshihchoh. Apinü tsüng lung chinchobe arüshihchoh tüsho api zowupung yambo chingnü apung hankhitchoh.

HOSEA 2:7

Alibenü anihbe muzhorü müshambah; tüshe arü müyanphuh; tüsho alibenü arü yimbah, tüshe arü müyimkhit. Jushu alibenü athabah, “ Inü ayübah tüsho atan I niubuh kilim rholobah, tümüde kheakü kheaknü I atsübe lakheah.”

JOEL 2:23

O Zion zürübo, Atungpuh nüsa Thrünpuh lung asühang tüsho asühachihang; tümüde apinü thiyuro-lungkinü nüsa kilim mumükin tsüng jihdo. Apinü nüsa kilim suhdahde, mumükin tüsho mükheankim tsüng püpüki nangde arüshihdo.

AMOS 4:7

Tüsho kheaküshe yimlupü khinu mahsam lachoki inü nüsa kheaknü tsüng tuklo; inü kiuto khülang lungki tsüng arüshih, tüsho püpü kiuto lungki tsüng marüshih; thulu khülang lungki tsüng arüshih, tüsho tsüng marükhi thulu ju mukuhabah;

MIKA 5:6

Arünü Asiria lomi nukshangnü, tüsho Nimrod lomi nukshang dukkhitbah yakzan shuhbah; mürangkhüh arünü isa lomi ching yungsho isa aredungyean ching thrümsho arünü Asiriarü kheaknü isa khümkhitbah.

MIKA 7:7

Tüshe I a, inü Atungpuh kheahbah, inü I khümkhitbuh Thrünpuh aleangbah; I Thrünpuhnü I ki anijihbah.

MATHI 5:45

junangde nüsa ju yinmi ching nüsa Abuh tsührübo thsübah. Apinü amütsü tüsho atsü kheak ani akhiuk-shihchoh, tüsho thiyuro-lungkirü le thiyuro-mülungkirü kheak tsüng arüshihchoh.

YUZÜNGTHALO 28:12

Kim dükdü ching nüsa lo ching tsüng arüshihpü tüsho nüsa rhimo ching müngühjihpü thsüde Atungpuhnü nüsa kilim api lakhit atsü, thüning khimshuhjihbah. Nüsanü trükshih ahihdo kilim nipjihbah, tüshe nüsanü a anip mulu.

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.