JEREMIA 14:2 - AMÜSÜH HÜM CL Bible (BSI)

² Juda tüzhochoh tüsho anihbe chipiripitbo keamchoh; arübo masühde alo kheak yaplah, tüsho Jirusalemnü azhikhi yükihchoh.

JEREMIA 14:2 Iomraidhean Croise

JOB HU H T ANYU 34:28

junangde arünü zhochihrübo tripde api kilim arüshih, tüsho thsümütsürünü azhikhi apinü so.

MUNGSHIKHÜN 144:14

junangde isa moshipungbonü tsüde hah hanbah; ju ching chakashungde yüzahkhi tüsho awukhiukkhi müla; junangde isa kiudunglimrobo ching azhikhi müla.

ABEKHIT 2:24

Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

ISAIA 15:5

I mulongnü Moab thsungkheak tripchoh; anihbe mihtsürü Zoar ching, Eglath-shelishiya ching tsodo. Tümüde Luhith mutuh kheak arü tripde wutuchoh; Horonaim limro ching arünü athsümünimkhi dünkheak zhichoh;

ISAIA 24:11

Yukhu mülakhinü kiudunglimrobo ching azhikhi lah; asühachih alala zhuhmanglangdo kamdo; alomi asühakokhi tsoabahdo.

ISAIA 24:4

Alomi kungabahchoh tüsho yiuhabahchoh, alomiküp thsünüchoh tüsho yiuhabahchoh; thüning ju alo lung rukhüh thsünüchoh.

ISAIA 24:7

Yukhu kungabahchoh, kurungaso yiuhabahchoh, mulong asühkhi alala phüthsaksümchoh.

ISAIA 3:26

Tüsho Zion chipiripitbonü tüzhode mitripbah; zhikrangkhündo, anihbe alo kheak binbah.

ISAIA 33:9

Alonü mitripchoh tüsho thsünüde lah; Lebanon achihdo tüsho yiuhabahchoh; Sharon ju loshelo nangde lah; tüsho Bashan le Karmel kheak sangyübo aniungkhichoh.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 12:11

Arünü ju abahkhi lo kamshih; azhikmonü, I mitripchoh. Alomi alala loshelo kamdo tüshe shenü müküm.

JEREMIA 12:4

Külokhüh alonü tüzhoba tüsho thulu sangrungbo mukuhba? Ju ching larü mihbukmuyuk lakhinü shiwüh tüsho wuhnubo shekhamdo, tümütüsho mihtsürübonü tha, “ Isanü arhimokhi Thrünpuhnü müngü.”

JEREMIA 18:22

Nünü mihjimrü arü azhihde handarüchoki, arü yambo chingnü azhikhi soshang! Tümüde arünü I tholopü alokhün kiua lah, tüsho I jing phuhpü qimürip zolah.

JEREMIA 4:28

Ha dünkheaknü alominü mitripbah tüsho dukulim thüningbo mitingdo akambah; tümüde inü asukdo, inü lümkhi thsüdo; inü mulong mümüthri yungsho inü murholo.

JEREMIA 46:12

Trükshihbonü nü achihkhi sodo tüsho nünü azhikhinü alomi milah; tümüde thirithsürünü thirithsürü kheak jing mükhedo; ane chido rüpde lungdo.

JEREMIA 8:21

Tümüde amuzhobe I mihtsürü yurikhinü I yuria lah, inü tüzhochoh, tüsho amüyinnimkhinü I tholobah lah.

TÜZHOKHI 2:8

Atungpuhnü Zion tsührübe chipi thsümünimpü lümkihlah; apinü aru tholang; athsümünimpü chingnü apinü akhah mutuklo; apinü aheangsadam tüsho chipi tüzhoshih, arübo rukhühnü shekhia lah.

TÜZHOKHI 2:9

Anihbe chipiripitbo alo ching keamyukdo; apinü akhrihbebo yihshak tüsho thsümünimdo; anihbe kiulongthsürü tüsho yakzanshuhrü trükshih bolung lah; kheaküa yakzan müla, tüsho anihbe wukihrübo Atungpuh kilimnü michih müngü.

TÜZHOKHI 5:10

Khümzungnü isa küp mokin nangde taklah.

HOSEA 4:3

Jumonü lomi tüzhochoh, tüsho ju ching larü alala thsünülah; mütüm shiwühbo tüsho apung wuhnubo lung rukhüh, keto ching thüngühbo she dükheakchoh.

JOEL 1:10

Thulubo thsümünima lah, alonü tüzhochoh; tümüde hi thsümünima lah, yukhu kunga lah, müdangke müla.

JOEL 1:11

Mulong dükheakang, nüsa thulu thsürübo, tüzhoang, nüsa kurungasolu thsürübo, wheat hi tüsho barli hi dünkheak; tümüde thulu ching hibo thsümünima lah.

JOEL 1:14

Khümkeak khülang lapü zhiyukang, amüsüh amukhung khülang lapü jiang. Azothsürübo tüsho lomi mihtsürü alala Atungpuh nüsa Thrünpuh yam ching mukhungang tüsho Atungpuh ki zhiang.

JOEL 2:6

Arü müngüh mihtsürübo thsünü ching lah, alala miro pheakmulukdo kamchoh.

HAGGAI 1:11

Tüsho lomi le müzüngbo kheak, hi kheak, yukhu aso, müdangke, alonü mukhuhshihkhi kheak, mihtsürü tüsho shiwühbo kheak, tüsho nüsa khah rhimo alala kheak kungshihpü inü ji.

ZEKARIA 7:13

Inü arü jichoki, arünü manikhi nangde, küyimki arünü ajikheanü inü manijih, Wuto Atungpuhnü thachoh,

1 SAMUEL 5:12

müshede alarübo mü akhiukshih tüsho kiuto ching khunganimkhi thüning khiungde yükih.

1 SAMUEL 9:16

“Shido ha kim ching inü Benjamin lomi ching yo mihtsürü khülang nü kilim arüshihbah, tüsho nünü api Israel mihtsürü kurungkheak yakzan shuhshihpü mujudemokhitbah. Apinü I mihtsürübo Filistiarü khah chingnü akhümkhitbah; tümüde inü I mihtsürü thsünükhi ngüdo, tümütüsho arünü azhikhi I kilim arüdo.”