JEREMIA 14:19 - AMÜSÜH HÜM CL Bible (BSI)

¹⁹ Nünü shahde Juda bahyukdo de? Nü mulongnü Zion thraneanabahdo de? Isa thsungkheak athsüngu mülapü thsüde tümüde nünü isa shika lungshihkhea? Isanü mungtsü thsungkheak kheahchoh, tüshe atsü müngü; athsüngupü kim kheahchoh tüshe ju müthri atrebe lah.

JEREMIA 14:19 Iomraidhean Croise

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

JOB HU H T ANYU 30:26

Tüshe küyimki inü atsü thsungkheak kheahkheanü amütsü arü; tüsho inü ayin aleangchoki amiting arü.

MUNGSHIKHÜN 78:59

Küyimki Thrünpuhnü ha sokhea, api mulong zhipzhipde kam, tüsho Israel khide thraneanabah,

MUNGSHIKHÜN 89:38

Tüshe nünü bahyukdo tüsho thraneando, nünü mujude-mokhitkhi kheak nü bukakhiukdo.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

JEREMIA 12:7

Inü I yam mihabahdo, inü I yamrüplurüp bahyukdo; inü I menü amuzhokhi anihbe riri khah ching jihdo.

JEREMIA 12:8

I yamrüplurüp I ki murung ching kekhüzü nangde kamabahdo; anihbenü I azhihde anihbe düsheak shuhkihdo jumonü inü anihbe thraneankheah.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 15:18

Tümüde I thsünükhi mükheam le, I mü müngu le, athsüngupü thsunglocho? Tsükjide, nü a I ki mülapyukkhi keyung nangde, buksapke ngahkhi nangde lah.

JEREMIA 30:12

Tümüde Atungpuhnü ha thachoh: Nü mü müthsüngukhukbe lah, nü yurikhi mungukhukbe lah.

JEREMIA 30:13

Nü kümpü she müla, nü mü thsungkheak moli müla, nü thsüngupü müla.

JEREMIA 51:5

Israel Amüsühbuh miki arü lomi amülimnü mide lalashe, Israel tüsho Juda arü Thrünpuh Wuto Atungpuhnü mübahyuk.

JEREMIA 6:30

Arübo “Abahyukkhi shotoyinchi” de jichoh, tümüde Atungpuhnü arü bahyukdo.

JEREMIA 7:29

Nüsa ku hüta bahang; awungbo kheak tüzhoang, tümüde api bukakhiukshihkhi lün Atungpuhnü bahyukdo tüsho mihabahdo.

JEREMIA 8:15

Isanü mungtsü thsungkheak kheahchoh, tüshe tümü atsü müngü, athsüngupü kim kheahchoh, tüshe ju müthri atrebe lah.

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

TÜZHOKHI 2:13

Inü nü thsungkheak tümü thakhukba, tümü ki nü akeba, O Jirusalem tsührübe? Inü nü shukheampü thsüde tümü ruk laba, O atsangkhit Zion tsührübe? Tümüde keto zünmülihkhi nangde nü thsümünimkhi lah; shenü nü thsüngukhukba?

TÜZHOKHI 2:22

Thünio nimung khülang nangde nünü mühi alala chingnü I riribo juyukdo; tüsho Atungpuh bukakhiukkhi nimung she mutsokhit yungsho maning; shepü inü zübekhea tüsho mütrükheanü I ririnü thsümünimdo.

TÜZHOKHI 4:17

Arung thsungkheak akeangkeang ching kheahkhinü isa mük keahdo; isanü isa aheangsadambo kheaknü isa mükhümkhitkhukpü lakhi trükshih kheahde alakheah.

TÜZHOKHI 5:22

nünü isa shahde bahyuka mülasho, tüsho makekhukpü thsüde bukakhiuka lah yungsho.

MIKA 1:12

Tümüde Maroth ching larübonü arung thsungkheak mulong dukde aleanglah, tütüshe thsümütsü Atungpuh kilimnü Jirusalem chipiripit ching akido.

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.