JEREMIA 14:17 - AMÜSÜH HÜM CL Bible (BSI)

¹⁷ Nünü arü ki ha yu thaang: Azhing tüsho ayin I mükbo ching chike bukkhishang, tüsho jurü dükheamshih, tümüde atsangkhit tsührübe – I mihtsürü– mülangde dama kinga yapshihlah, khide sükde yurijihdo.

JEREMIA 14:17 Iomraidhean Croise

2 KIULONG THSÜRÜ 19:21

Atungpuhnü api dünkheak asukkhi yu ha: Alibenü nü mükhemürangchoh, alibenü nü keangrüchoh– atsangkhitkhi Zion tsührübe; alibenü nü dunglim aku angamchoh, Jirusalem tsührübe.

MUNGSHIKHÜN 119:136

I mükbo chingnü ke yungbo bukkhichoh, tümütüsho mihtsürübonü nü yakzan muzo.

MUNGSHIKHÜN 39:10

I kheaknü nü yo arüm luakhinang; nü khahnü adamkhinü I ashepü lah.

ISAIA 37:22

Atungpuhnü api dünkheak asukkhi yu ha lah: Atsangkhit Zion tsührübenü nü mükhemürangchoh, anihbenü nü luhmünechoh; nü dunglim Jirusalem tsührübenü ku lukchoh.

JEREMIA 10:19

I yurikhi dünkheaknü I ayokhe! I mü mütsüdak. Tüshe inü tha, “Tsükjide ha I thsümüchi lah, tüsho inü arümbeah.”

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 18:13

Jumonü Atungpuhnü ha thachoh: Trükshih bolung keoang: Ha ruk shenü sode? Atsangkhit Israelnü khide atrebe rhimodo.

JEREMIA 8:18

I mulong rozhak müthsüngukhuk, I mulong ching sheshichoh.

JEREMIA 8:21

Tümüde amuzhobe I mihtsürü yurikhinü I yuria lah, inü tüzhochoh, tüsho amüyinnimkhinü I tholobah lah.

JEREMIA 9:1

O I ku ha kenü müthsüde, tüsho I mükbo ha chike bukpung müthsüde, junangde inü animung tüsho are amuzhobe I mihtsürü laksahkhi thsungkheak tripbah!

JEREMIA 9:18

arünü nahde isa kurungkheak mitrip-khün thsüshang, junangde isa mükbo ching chike bukbah, tüsho isa mükküpbo ching ke bukbah.

TÜZHOKHI 2:11

I mük chingnü chike kungabahdo; I mulong thsünüchoh; I mihtsürü thsümünimkhi mulong rozhakkhi hode I khia lah, tümütüsho azürübo le khungarübo kiuto kiudunglimrobo ching sheshichoh.

TÜZHOKHI 2:13

Inü nü thsungkheak tümü thakhukba, tümü ki nü akeba, O Jirusalem tsührübe? Inü nü shukheampü thsüde tümü ruk laba, O atsangkhit Zion tsührübe? Tümüde keto zünmülihkhi nangde nü thsümünimkhi lah; shenü nü thsüngukhukba?

TÜZHOKHI 2:18

Atungpuh ki achangnü zhiang! O Zion tsührübe chipi! Ayung nangde chike animung tüsho are bukkhishang! Nü sühakhim dulu, nü tripkhi dütuklo!

AMOS 5:2

Anünübe Israel masürülopü thsüde lunga lah; anihbe lo kheak bahyuka lah, shenü anihbe mülahmusu.

MIKA 6:13

Jumonü inü nü neakbo dünkheaknü nü shikpü tankihkheah.