JEREMIA 14:15 - AMÜSÜH HÜM CL Bible (BSI)

¹⁵ Jumonü inü arü müthiyide I mung ching müchitrü wukihrü dünkheak Atungpuhnü ha thachoh, tüsho sherübonü tha, “ Nukshang tüsho khümzung ha lomi ching marü.” Nukshang tüsho khümzungnü arü dükheakshihbah.

JEREMIA 14:15 Iomraidhean Croise

1 KIULONG THSÜRÜ 22:25

Mikaianü alo, “ Küyimki nü alungbe khiungshak ching jikpü yübanü ju nimung nünü amükheahbah.”

JEREMIA 20:6

Tüsho nü, Pashhur, tüsho nü yam ching larü alala, rama hanbah atsobah, tüsho nü Babilon ching yübah; nü ju ching shebah tüsho nü le nünü sherü kheak akeangyu müchitkheanü nü müyamrü alala ju ching kiuyuka bahbah.

JEREMIA 23:30

Kheahang, jumonü shepünü khülang kheaknü khülang I yu ahühchonü wukihrübo kheak inü azhihchoh, Atungpuhnü thachoh.

JEREMIA 27:15

Inü arübo müthiyi, Atungpuhnü thachoh, tüshe arünü I mung chingnü akeangyu müchitchoh, ju hode inü nüsa yankhitbah tüsho nüsa le nüsa ki müchitrü wukihrübo dükheakbah.

JEREMIA 6:15

Arünü machihde rhimodo, arünü athraneanbe yihbeakdo; tütüshe arünü machih, arünü achihpüyak mümükheah. Jumonü sherübo angakchonü ju lung arü angakbah. Inü arü thsümüchichoki, arü akeamkhamshihbah, Atungpuhnü thachoh.

JEREMIA 8:12

Arünü machihde rhimodo, arünü athraneanbe yihbeak; tütüshe judü lang machih, arünü achihpüyak mümükheah. Jumonü sherü angakchonü ju lung arü angakbah; inü arü thsümüchichoki, arü akeamkhamshihbah, Atungpuhnü thachoh.

JEREMIA 8:13

Atungpuhnü thachoh, inü arü bemukhungpü lümchoki, kurungasoliu kheak kurungaso müla, yungsho khubasodung kheak khubaso müla; ayübo she yiuh-a lah, tüsho inü tümü arü ki jihkheanü arü kheaknü luakhindo.

TÜZHOKHI 1:19

Inü I muzhorübo ki ji tüshe arünü I mülapyuk; I yo amükeamrü tüsho azothsürübo arü sühmüh dükünglopü tsühyungpü yimchoki kiuto ching dükheakdo.

TÜZHOKHI 2:20

Kheahang, O Atungpuh , tüsho lümakheahang! Shepü ki nünü ha rhimokhea? Azoberübonü arünü azübekhi tsührü tsühba shi? Amükeamrü tüsho wukihrübo Atungpuh arüngyam ching laksahba de?

EZEKIEL 13:14

Nüsanü amüyenü mujudokhi chipi thokheambah tüsho alo kheak arih-a yapshihbah, junangde akhimtan lung aleangkheak labah. Küyimki ju keambanü ju ching nüsa dükheakbah; tüsho I Atungpuh de nüsanü mükheahbah.

EZEKIEL 13:15

Jumonü inü chipi azhihde tüsho amüyenü mujudorü azhihde I mulong zhipzhipbah. Inü nüsa ki thabah, Chipi tüsho ju amüyenü mujudorü tsoabahdo–

EZEKIEL 13:9

Arükchih michihbo ngürü tüsho akeangyu müchitrü wukihrübo kheak I khahnü azhihbah. Arübo I mihtsürü kiuthsü-binkiu lung mübe yungsho Israel yamkhün thrütlangkhi ching mübe, yungsho Israel lomi ching müyüzah. Judüki I Wuto Atungpuh de nüsanü mükheahbah.

EZEKIEL 14:10

Arünü arü mülimkhi hanbah– wukihrü tüsho api ki keokhipü arükhi ane rukhüh thsümüchi ngübah.

EZEKIEL 14:9

Tüsho wukihrü ju müchityu thapü mülapyuka lasho, I Atungpuh nü ju wukihrü mülapyukkheah, tüsho inü api azhihde I khah chungkihbah tüsho I mihtsürü Israel bolungnü api dükheakshihbah.

EZEKIEL 33:6

Tüshe aheangrünü thiriri arükhi ngübah hulipungpung mümütsho, junangde mihtsürübo mukurhangsho, tüsho thiriri arübah arü khürü lude tsosho, arü mülimkhi ching arübo lude tsodo, tüshe arü thiyih ju inü aheangbuh khah chingnü akheangbah.

AMOS 7:17

Jumonü Atungpuhnü ha thachoh: ‘ Nü niube a kiuto ching müzammüramrü kambah, tüsho nü tsührübo le tsührübebo nukshangnü akeambah, tüsho nü lomi ju akea chamabahbah; nü a amüneanrü lomi ching shebah, tüsho tsükjide Israel nihbuh lomi chingnü ramtso ching yübah.’ ”

MIKA 3:5

Atungpuhnü I mihtsürü bephülaprü wukihrübo dünkheak ha thachoh, sherünü tümükhüh atsühpü lachoki “Mungtsü” zhicho, tüshe sherünü arü mün ching tümü muyukjihnü arü azhihde thirithsü thakhitjihchoh.

YUZÜNGTHALO 18:20

Tüshe wukihrü shenü mükheahlah de lümbah I mung chingnü inü thiyukhüm müjihkhi yungsho püpürü thrünpuhbo mung ching thabanü ju wukihrü ashebah.’

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.