JEREMIA 14:13 - AMÜSÜH HÜM CL Bible (BSI)

¹³ Judüki inü tha: “Ah, Atungpuh T H RÜ NPU H ! Ha ching wukihrübonü arü ki thachoh, ‘ Nüsanü nukshang müngü, yungsho nüsa khümzung müla, tüshe ha dangpung thiyuro mungtsü inü nüsa kilim jihbah.’ ”

JEREMIA 14:13 Iomraidhean Croise

ISAIA 56:10

Israel aheangrübo mük tuka lah, arü alala amükheah müla; arü alala müchikhukbe aduh yihnubo ah; milim mide awuh-a yapde, yapnekudopü muzhochoh.

JEREMIA 1:6

Judüki inü tha, “Ah, Atungpuh Thrünpuh ! Kheahang, inü küde athabanü mümükheah, tümüde I azürü nunu khülang ah.”

JEREMIA 20:6

Tüsho nü, Pashhur, tüsho nü yam ching larü alala, rama hanbah atsobah, tüsho nü Babilon ching yübah; nü ju ching shebah tüsho nü le nünü sherü kheak akeangyu müchitkheanü nü müyamrü alala ju ching kiuyuka bahbah.

JEREMIA 23:17

Atungpuh yu mükhemükimrü kheak arünü thachoh, “ Nüsa tsüde alabah;” tüsho nihnihde nihbuh mulongkhi ching yanrü ki arünü thachoh, “Thsümütsü tümü she nüsa kheak marü.”

JEREMIA 37:19

Nü yo wukihrübo küching la, sherünü nü ki müchitde, ‘ Nü tüsho ha lomi azhihde Babilon kiulongthsüpuh marü’ de athakhea?

JEREMIA 4:10

Judüki inü tha, “Ah, Atungpuh T H RÜ NPU H , küde nünü shahde ha mihtsürü tüsho Jirusalem mulomülapde athakhea, ‘ Nukshang nü hung kheak lalashe nü mungtsü labah!’ ”

JEREMIA 5:12

Arünü Atungpuh dünkheak mülimde asukdo, tüsho tha, “Apinü tümü müthsü. Tümü amütsü isa kheak marü, tüsho isanü thirithsü yungsho khümzung müngü.”

JEREMIA 5:13

Wukihrübo ju apung lang ah, tümüde thiyu arü kheak müla. Ha arü kheak rhimobah!

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

JEREMIA 6:14

Arünü I mihtsürü mü anükhüh lang ngushihdo, ju ching mungtsü mülalaa, “Mungtsü, mungtsü,” de tha.

JEREMIA 8:11

Arünü I mihtsürübo mü anükhüh lang thsüngujihde mungtsü mülachoki “Mungtsü, mungtsü,” de tha.

EZEKIEL 12:24

Tümüde Israel mihtsürü bolung arükchih michihbo yungsho bephülapbe müchitbo kheaküa mülade alabah.

EZEKIEL 13:22

Nüsa akeangyubo hode inü müyuripü lümkhi mihtsürü atsü mulong ninishih. Nüsanü mihtsürübo amütsü tuklopü tüsho arü rhangdung khümkhitpü chingnü zhipdo.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.