JEREMIA 14:12 - AMÜSÜH HÜM CL Bible (BSI)

¹² Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

JEREMIA 14:12 Iomraidhean Croise

JOB HU H T ANYU 27:9

Api kheak küpkhuk arüchoki Thrünpuhnü api zhikhi soba de?

MÜCHITMUDU 1:28

“Judüki arünü I ki jibah, tüshe inü malojih; arünü I düshihde ayimbah, tüshe arünü I müngü.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 21:27

Mihbukmuyuknü shuhmülanga jihkhi ju athraneanbe; mihbukmuyuk lümkhi thsüde apinü hande arükhi a küdükhüh she alaba!

MÜCHITMUDU 28:9

Shepünü yakzan anipü chingnü anükhün anguhde tsochonü, api tamkhüntamnü athraneanbe labah.

ISAIA 58:3

“Tümü thsükhi isanü khümkeak thsücho, tüshe nünü müngü? Tümü thsükhi isanü azhihayihcho, tüshe nünü mükheahkhit?” Kheahang, nü khümkeak nimung nü künkhi nünü rhimochoh, tüsho nü rhimobo alala junochoh.

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 11:14

Jumonü, ha mihtsürübo thsungkheak dümushu, yungsho arü thsung thsüde düzhi yungsho dütamkhüntamnü, tümüde arü küpkhuk kim ching arünü I jikhi inü mani.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 21:6

Tüsho inü ha kiuto ching larü, mihtsürü tüsho shiwüh chido laksahbah; arübo tukthsü amütsünü ashebah.

JEREMIA 24:10

Tüshe inü nukshang, khümzung, tüsho arüm-tukthsü, inü arü tüsho arü jipürü kilim jihkhi lomi chingnü arübo shahde müdükheakshihyi khiungde arü kheak yüshihbah.

JEREMIA 32:24

Kheahang, kiuto yanpü tankih-a lah, tüsho nukshang, khümzung tüsho arüm-tukthsü hode kiuto Kaldearü khah ching jihdo. Nünü tümü asukkheanü dünjido, nünü ngülah.

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

JEREMIA 8:13

Atungpuhnü thachoh, inü arü bemukhungpü lümchoki, kurungasoliu kheak kurungaso müla, yungsho khubasodung kheak khubaso müla; ayübo she yiuh-a lah, tüsho inü tümü arü ki jihkheanü arü kheaknü luakhindo.

JEREMIA 9:16

Inü arübo arü yungsho arü jipürübonü mümükheahkhi trükshih bolung müzütshihbah; tüsho inü arü muyuamübahyi khiungde, nukshang khülang arü dunglim yüshihbah.

EZEKIEL 14:19

Yungsho ju lomi ching inü arüm yüshihkhülaa tüsho thiyih bukshihde, mihtsürü tüsho arü shiwühbo laksahde I mulong zhipzhipkhülaa,

EZEKIEL 14:21

Tümüde Wuto Atungpuhnü ha thachoh: Mihtrebe phüyi Jirusalem azhihde, nukshang, khümzung, mütüm shiwühbo tüsho arüm–mihtsürü tüsho arü shiwühbo laksahpü arüshihchoki küdükhüh amütsübe laba!

EZEKIEL 8:18

Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”

HOSEA 5:6

Arü mihnu tüsho moshi boto lung arünü arü Thrünpuh yimde ayübah, tüshe arünü api müyimkhit; arü kheaknü api tsoabahdo.

AMOS 5:21

Inü thraneanlah, inü nüsa thüniobo khenochoh, tüsho nüsa arüngako mukhungbo ching inü masüh.

MIKA 3:4

Judüki arünü Atungpuh ki zhibah, tüshe apinü arü ki malojih; ju kim ching apinü amiro arü kheaknü ajikbah, tümütüsho arünü mihbukmuyukde rhimodo.

ZEKARIA 7:13

Inü arü jichoki, arünü manikhi nangde, küyimki arünü ajikheanü inü manijih, Wuto Atungpuhnü thachoh,

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

MALAKI 2:13

Tüsho nüsanü ha she rhimochoh: Nüsanü tripde tüsho ashede chikebonü Atungpuh kingaün sadam lüpdochoh, tümütüsho apinü kheaküa nüsa khah kheaknü kingaün mükheahne yungsho nüsa khah kheaknü lunede müleangkhi.

AMIKHEAKAKHIUKKHI 6:8

Tüsho kheahang, khora amükin khülang inü ngü, tüsho abebuh mung ju Ashekhi lakheah tüsho Athsümüchinü api dunglim yan; tüsho nukshangnü, khümzungnü, arümnü tüsho alomi shiwühbonü asheshihpü shihcham phüyi ching khülang kurungkheak wu jih-a lakheah.