JEREMIA 13:19 - AMÜSÜH HÜM CL Bible (BSI)

¹⁹ Negeb kiutobo shenü mükhimshuhpü thsüde rihdoa lah; Juda alala ramtso ching lude tsodo, abümnü ramtso ching lude tsodo.

JEREMIA 13:19 Iomraidhean Croise

2 KIULONG THSÜRÜ 25:21

Babilon kiulongthsüpuhnü arü kinga lungshih tüsho Hamath lomi Ribla chingnü arü sheshih. Jumonü lomi bahbah Juda ramtso ching yü.

1 KIUTHSÜYUKHEAN 9:1

Jumonü Israel alala tsühsoniuso yukhean yande thrütyuk; tüsho harü Israel kiulongthsürübo hüm ching thrüta lah. Tüsho arü thiyuro mülakhi hode Juda a Babilon ramtso ching hande ayükhea.

JOB HU H T ANYU 12:14

Apinü kukruk khülang thsümünimsho shenü müthsülokhuk; apinü mihtsürü khülang ramyuksho shenü müdükhekhuk.

JEREMIA 17:26

Tüsho mihtsürübo Juda kiutobo tüsho Jirusalem mühi dangpungbo, Benjamin lomi, Shephela, awung lomi, tüsho Negeb chingnü taka kingaünkhi tüsho laksah-a kingaünkhi, hi kingaün tüsho rhümthüneabe, tüsho Atungpuh yam ching makshe jihkhi kingaünbo lubah arübah.

JEREMIA 20:4

Tümüde Atungpuhnü ha thachoh: Inü nü tüsho nü müyamrü alala ki nü atrebe kamshihchoh; tüsho nünü kheahde alachoki arübo arü riri nukshangnü akeambah. Tüsho inü Juda alala Babilon kiulongthsüpuh khah ching jihbah; apinü arübo rama lubah Babilon ching tsobah, tüsho nukshangnü arü laksahbah.

JEREMIA 24:1

Atungpuhnü khubaso muluk mahne Atungpuh arüngyam miki zokhi I ki huh. Ha Babilon kiulongthsüpuh Nebukednezarnü Jehoiakim tsührü Juda kiulongthsüpuh Jehoiakin, api lung Juda torübo, keaklahrü, yingkingrü, Babilon ramtso ching hande ayü dunglim lakheah.

JEREMIA 28:4

Inü Jehoiakim tsührü Juda kiulongthsüpuh Jehoiakin she tüsho Juda chingnü Babilon ching ramtso yürü alala belodarübah, Atungpuhnü thachoh, tümüde inü Babilon kiulongthsüpuh sangkaplak yihshakdo.”

JEREMIA 32:44

Benjamin lomi ching, Jirusalem mühi dangpungbo ching, tüsho Juda kiutobo ching, awungbo le lokeamlo kiutobo ching tüsho düjinglim kiutobo ching shonü thulubo thulobah, tüsho shothsühümbo mütsan dokihbah tüsho thiyumütsanbo labah; tümüde inü arü kuhi jihlobah, Atungpuhnü thachoh.

JEREMIA 33:13

Awung lomi kiutobo ching, Shephela, Negeb, Benjamin lomi, Jirusalem mühi dangpung tüsho Juda kiutobo ching, kheaküshe mihnubo arü kherü khah khüp tsahbah, Atungpuhnü thachoh.

JEREMIA 39:9

Judüki aheangrü wühkenobuh Nebuzaradan nü kiuto ching aninga lakhi mihtsürü alala, api kilim shande arürübo Babilon ching rama lubah tso.

JEREMIA 52:27

Tüsho Babilon kiulongthsüpuhnü Hamath lomi Ribla ching arübo kingsahabah. Jumonü Judarü ju nihbuh lomi chingnü ramtso ching yükheah.

JEREMIA 52:28

Ha Nebukednezarnü ramtso ching bede ayükhi mihtsürü khekhi: kam thünepü ching Judarü 3023;

JEREMIA 52:30

Nebukednezar kam mukukheak mahsampü ching, aheangrü wühkenobuh Nebuzaradannü Juda mihtsürü 754 ramtso ching bede yü; mihtsürü alalanü 4600 lakheah.

TÜZHOKHI 1:3

Juda a thsünüde tüsho achakato azhorü thsüde ramtso ching yüdo; kheakü anihbe trükshih bolung lah, tüsho sühakhim dangpung müngü; anihbe lümthsünü phulung ching anihbe müshamrünü yanphuhdo.

ZEKARIA 7:7

Jirusalem mühide kiutobo bede lalim tsüde alachoki, tüsho Negeb le Shephela ching laabahshu harü Atungpuh yubo ha adüso wukihrübonü azhiyukkhi yung de?

YUZÜNGTHALO 28:15

“Tüshe nüsanü Atungpuh nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah:

YUZÜNGTHALO 28:52

Nüsa lomi alala ching nüsa mulonglamkhi chipi achangnü ayünkhibo mükeamyi khiungde arünü nüsa kiutobo alala ching yanbah; tüsho Atungpuh nüsa Thrünpuhnü nüsa kilim jihkhi lo alala ching arünü nüsa yanbah.

JIHUSUA 18:5

Arünü ju shihcham thüne thsüde achambah, Juda ju düjinglim lomi ching, tüsho Josep yamkhün dukulim lomi ching labah.