JEREMIA 13:18 - AMÜSÜH HÜM CL Bible (BSI)

¹⁸ Kiulongthsüpuh tüsho kiulongthsüberü ki thaang, “Abobe binkiu luang, tümüde nü ku kheaknü akheahakhamkhi kuthran ayokhido.”

JEREMIA 13:18 Iomraidhean Croise

2 KIULONG THSÜRÜ 24:12

Jehoiakin Juda kiulongthsüpuhnü anihbuh abe, api yamlarübo, atorübo, api yam ching atorübo Babilon kiulongthsüpuh kilim jihabah. Babilon kiulongthsüpuhnü anihbuh kiulongthsü kam tizheahpü ching Jehoiakin rama lubah tso.

2 KIULONG THSÜRÜ 24:15

Apinü Jehoiakin, kiulongthsüpuh abe, aniube, atorübo, tüsho lomi ching adungtobo Jirusalem chingnü rama lubah Babilon ching yü.

2 KIUTHSÜYUKHEAN 33:12

Api lümthsünü ching lachoki apinü anihbuh Thrünpuh, Atungpuh ki tamkhüntamnü tüsho anihbuh jipürü Thrünpuh miki tode azhihayihde kam.

2 KIUTHSÜYUKHEAN 33:19

Api tamkhüntamnü, tüsho künangde Thrünpuhnü api tamkhüntamnü leangkhikhea, api neak alala tüsho api akin mülakhi, api mulong mümüthrichoki achang dangpungbo thsübah Ashera sangthsübo zhipshihkhi lopungbo angürü yukhean ching thrüta lah.

2 KIUTHSÜYUKHEAN 33:23

Abuh Manasenü azhihayihkhi nangde apinü Atungpuh miki mazhihayih tüshe ha buh Amonnü amülim alü thsüde rhimo.

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

ABEKHIT 39:28

tüsho kuhingbe, kuthranbo, khimthünak akhihkhihbo,

MÜCHITMUDU 27:24

tümüde lakhitbo lünnü alapü yung, yungsho kuthran ju lünbo alala ching rünkhiungde müla.

ISAIA 3:20

kuthran-züt, khu, pangrümbe, arhümkebe tsümbo, tüsho wurükzüt;

ISAIA 3:26

Tüsho Zion chipiripitbonü tüzhode mitripbah; zhikrangkhündo, anihbe alo kheak binbah.

ISAIA 47:1

Akiang tüsho asungthulung ching binang, atsangkhit tsührübe Babilon! Kiulongthsü-binkiu kheak yungde alo kheak binang, tsührübe Kaldea! Tümüde nü kheaküa athünak tüsho aliuhliuh de müji.

JEREMIA 22:24

Atungpuhnü thachoh, Jehoiakim tsührü, Juda kiulongthsüpuh Jehoiakin I khah tsülim peang mütsan-dokhi yingkhüm thsüthsü she, ju chingnü she inü nü rukkhita bahbah

JEREMIA 22:26

Inü nü tüsho nü zübekhi nü be, nü müzübepung lomi ching yana tsoshihbah, tüsho ju ching nü shebah.

JEREMIA 29:2

Ha kiulongthsüpuh Jehoiakin, tüsho kiulongthsüberü, mahkhaprübo, Juda tüsho Jirusalem limberübo, keaklahrü, yingkingrü Jirusalem chingnü chamachihshu thrütkheah.

JEREMIA 36:16

Küyimki arünü thiyubo alala sokhea, arünü alanachihde khülangnü khülang kilim anguh, tüsho Baruk ki tha, “ Isanü tsükjide harü yubo alala kiulongthsüpuh kilim jihbah.”

TÜZHOKHI 1:6

Zion tsührübe kheaknü wüntre-müretah alala chamachihdo. Anihbe yakzanshuhrübo rimlopung müngükhi shihmüchipungbo nangde kamdo; arünü sühmüh mülade amüshamrü müngüh tsodo.

TÜZHOKHI 1:9

Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

TÜZHOKHI 2:10

Zion tsührübe azothsürübo alo kheak zhikde binlah; arünü arü ku kheak awah yihkih tüsho shungliukhim phuyu; Jirusalem athunu liberübonü arü ku alo lim mükhüm.

TÜZHOKHI 5:16

Isa ku kheaknü kuthran ayokhido; isa are, tümüde isanü neak yihbeakdo!

EZEKIEL 16:12

tüsho inü nü nupung kheak nupung-nüpü tüsho nü nukubo kheak nüpü yukjih tüsho akheahakham kuthran nü ku kheak thranjih.

EZEKIEL 21:26

ha Wuto Atungpuhnü thachoh: Kuhingbe yihkhiang, kuthran yihkhitang. Ju ruk lakhi nangde ju müla: Abobe shuhkihbah tüsho shuhkih-a lakhi abobe kamshihbah.

EZEKIEL 24:17

Mükhihde düsüknimang; asherü thsungkheak midütrip. Nü kuhingbe hingang, tüsho nü jingbo ching jingkhümpübo yukang; nü münküp achangbe düyihdo yungsho mahmi-jimpung dütsüh.

EZEKIEL 24:23

Kuhingbebo nüsa kubo kheak labah tüsho jingkhümpübo nüsa jing kheak labah; nüsanü mimütrip yungsho mütrip, tüshe nüsa mülimkhibo ching nüsa sühkeakeabah tüsho khülangnü khülang ki ashearabah.

EZEKIEL 44:18

Arünü arü ku kheak kuhingbe athünak tüsho arü chim kheak alungbe-khim thünak lubah; shoke shube tümü she arünü arü kheak mürümkih.

DANIEL 5:20

Tüshe küyimki api mulong müküpde tüsho kükheangde kamkhea, api kiulongthsü-binkiu kheaknü akishih tüsho api müretahkhi luabahjih.

JONA 3:6

Küyimki thiyusheakbo ju Nineve kiulongthsüpuh khiungkhea, apinü anihbuh kiulongthsü-binkiu chingnü asürü, api shulünkhim yihkhit, shungliukhimnü anihbuh lüpdo, tüsho awah ching bin.

MATHI 18:4

Jumonü shepünü ha azürü nunu nangde nihbuh azhihayihde kamchonü yinmi kiulongthsü ching atobe ah.

JAKOB 4:10

Nüsanü Atungpuh miki azhihayihang tüsho apinü nüsa shuhkihbah.

1 PETER 5:6

Jumonü kim dükdü ching apinü nüsa shuhkihshihpü thsüde Thrünpuh wuto khah bukkhüp azhihayihang.