JEREMIA 13:17 - AMÜSÜH HÜM CL Bible (BSI)

¹⁷ Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 13:17 Iomraidhean Croise

MUNGSHIKHÜN 119:136

I mükbo chingnü ke yungbo bukkhichoh, tümütüsho mihtsürübonü nü yakzan muzo.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

ISAIA 63:11

Judüki apinü Mosa tüsho api mihtsürü awün nimungbo lümkhit; api namfimihnu neakrübonü bebah keto chingnü arü bekhitbuh küching la? Arü bolung memüsüh yukjihbuh küching la,

JEREMIA 14:17

Nünü arü ki ha yu thaang: Azhing tüsho ayin I mükbo ching chike bukkhishang, tüsho jurü dükheamshih, tümüde atsangkhit tsührübe – I mihtsürü– mülangde dama kinga yapshihlah, khide sükde yurijihdo.

JEREMIA 15:17

Kithsükilangrü bolung inü mübin, yungsho inü masühachih; nü khah khüp I langzü bin, tümüde nünü I bukakhiuknü mishih.

JEREMIA 17:16

Inü nü mihnu neakde nü yankhi chingnü mutso, yungsho inü adükheakpü nimung mükün. I münküp chingnü tümü akhiukkheanü nünü mükheahlah; ha nü miki lakheah.

JEREMIA 22:5

Tüshe nüsanü ha yubo manisho, I Atungpuhnü thiyuchihchimde thachoh, ha yam zhikrangkhündo akambah.

JEREMIA 23:1

Yakzanshuhrü shepünü api mihtsürü thsümünimcho tüsho yanmüzütchonü are! Atungpuhnü thachoh.

JEREMIA 23:2

Jumonü Atungpuh Israel Thrünpuhnü, I mihtsürü kümrü yakzanshuhrübo dünkheak ha thachoh: Nüsanü I mihtsürübo müküm; nüsanü arübo yanmüzüt tüsho yana tsoshihdo. Jumonü nüsa rhimo amütsü thsungkheak inü nüsa thsümüchibah. Atungpuhnü thachoh.

JEREMIA 9:1

O I ku ha kenü müthsüde, tüsho I mükbo ha chike bukpung müthsüde, junangde inü animung tüsho are amuzhobe I mihtsürü laksahkhi thsungkheak tripbah!

TÜZHOKHI 1:16

Harü thsungkheak inü tripchoh; I mükbo ching chike bukchoh; tümüde ashukheamrü khülang I rhangdung thsakhampü I kheaknü limshude lah; I tsührübo thsümünima lah, tümüde thiririnü kukdo.

TÜZHOKHI 1:2

Anihbenü azhing ching, anihbe ngobo kheak chikebo bukde düsüknimde tripchoh; anihbe muzhorü bolung anihbe shukheamrü she müla; anihbe müyamrü alalanü anihbe ki mülapyukde rhimodo, arübo anihbe riribo kamdo.

TÜZHOKHI 1:9

Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

TÜZHOKHI 2:18

Atungpuh ki achangnü zhiang! O Zion tsührübe chipi! Ayung nangde chike animung tüsho are bukkhishang! Nü sühakhim dulu, nü tripkhi dütuklo!

TÜZHOKHI 3:48

I mihtsürü thsümünimkhi dünkheaknü I mükbo ching chike ayungbo bukchoh.

EZEKIEL 24:16

Mihtsürü tsührü, khülang ki damkhinü inü nü mük ki asühbe lude atsopü lah; tütüshe nünü mimütrip yungsho mütrip, yungsho nü chikebo mubukkhi.

EZEKIEL 34:31

Nüsa I yo namfimihnu, I rimlopung yo namfimihnu, tüsho I nüsa Thrünpuh, Atungpuh Thrünpuhnü thachoh.

EZEKIEL 36:38

Laksah-a kingaünpü namfimihnu boto nangde, thünio kim ching Jirusalem ching namfimihnu boto nangde, mihtsürübonü athsümünimkhi kiutobo mibah. Judüki I Atungpuh de arünü mükheahbah.

EZEKIEL 9:4

tüsho api ki tha, “Jirusalem hode yüang tüsho arünü athsükhi athraneanbe alala kurungkheak lungrirü tüsho tüzhorü kingkangbo kheak amütsan yihkihang.”

MALAKI 2:2

Nüsanü manisho, nüsanü I mung müretahshihpü mulong ching muzhosho, Wuto Atungpuhnü thachoh, inü nüsa kheak muthrumünean arüshihbah tüsho inü nüsa müngühmühibo muthrumüneanbah; atsütsü inü arübo muthrumüneana bahdo, tümütüsho nüsanü ju mulong ching muzo.

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.

1 SAMUEL 15:35

Samuelnü api shekhün ching yüzahde Saul müngüdebah, tüshe apinü Saul dünkheak tüzho. Tüsho Atungpuhnü Saul ju Israel kurungkheak kiulongthsürü thsüshihkhi dünkheak api mulong ashide lüm.