JEREMIA 13:16 - AMÜSÜH HÜM CL Bible (BSI)

¹⁶ Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

JEREMIA 13:16 Iomraidhean Croise

JOB HU H T ANYU 3:5

Khüpdode tüsho mitingdakde kamshang; amo shode amitingnü ayin liudoshang.

MUNGSHIKHÜN 107:10

Khürü aliudokhi tüsho amiting ching lakheah, aramrübo wuhrünliubo ching thsünü,

MUNGSHIKHÜN 107:14

Apinü arü amiting tüsho ashe alamme chingnü bekhit, tüsho arü wuhrünliubo adütre kamde yihthünak.

MUNGSHIKHÜN 29:2

Atungpuh müretahkhi mung shiang; amüsüh akhamdakkhi ching Atungpuh kingaünang.

MUNGSHIKHÜN 44:19

Tüshe nünü isa zünak tüsho shirungbo lapung kamshih tüsho amiting akheahnü isa muhiudo.

ABEKHIT 10:21

Judüki Atungpuhnü Mosa ki tha, “Nü khah thüning lim chungkihang, junangde Ijip lomi zhingdopü thsüde amiting akheah arübah.”

MÜCHITMUDU 4:19

Mihbukmuyuk limro ju amiting nangde lah; tümünü arü jing mükheshihchonü arünü mümükheah.

T H S AN GYU T H S AN GR ARÜ 11:8

Sherü kam ahihdo lachonü jurü alala ching asühshang; tütüshe amiting nimungbo ahihbe labah de arünü lümkhitshang. Alala arükhi ju akeangkeang.

ISAIA 5:30

Ju nimung arünü keto ahukkhi nangde ju kheak ahukbah. Tüsho khürünü lomi kheak kheahsho amiting tüsho lümthsünü lang alabah; tüsho ayin ju amonü mitingdo kamshihchoh.

ISAIA 59:10

Isa müktukrü nangde rhü yande ajamchoh, mük mülarü nangde ajamchoh; shuhyini ching nangde animuro isa jing mükhechoh, sühmüh larü bolung isa asherü nangde lah.

ISAIA 59:9

Jumonü thiyuro isa kheaknü limshude lah, tüsho thiyurolungkinü isa mukhiung; isanü ayin aleangchoh, tüsho kheahang! ju ching amiting lah; tüsho ayinatrüm aleangchoh, tüshe amiting ching isa tsahchoh.

ISAIA 60:2

Kheahang, amitingnü alomi lüpdobah, tüsho kheahde amitingkhinü mihtsürübo yihdobah; tüshe Atungpuh nü kheak asürübah, tüshe api müretahkhi nü kheak labah.

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

JEREMIA 14:19

Nünü shahde Juda bahyukdo de? Nü mulongnü Zion thraneanabahdo de? Isa thsungkheak athsüngu mülapü thsüde tümüde nünü isa shika lungshihkhea? Isanü mungtsü thsungkheak kheahchoh, tüshe atsü müngü; athsüngupü kim kheahchoh tüshe ju müthri atrebe lah.

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

JEREMIA 23:12

Jumonü arü limro ju amiting ching limro shahshah nangde alabah, küpü ching arü jing mükheba tüsho alungba; tümüde arü thsümüchipü kam ching inü arü kheak thsümütsü handarübah, Atungpuhnü thachoh.

JEREMIA 4:23

Inü alomi kheak kheah, tüsho kheahang, ha thsümünima tüsho akeangkeang lah; tüsho yinmi lim kheah, tüsho ayin müla.

JEREMIA 50:6

I mihtsürübo adükheakkhi namfimihnu lakheah; arü namfimihnu neakrübonü awungbo lim rholoshihde bephülapdo; awungbo chingnü müzüngbo ching rümde yü, arünü arü lapung yam mihdo.

JEREMIA 6:21

Jumonü Atungpuhnü ha thachoh: Kheahang, inü ha mihtsürü miki arü jing mükheshihpü jingmükhelung zojihchoh; berübuhrü tüsho tsührübo rukhühnü, yamhingrü tüsho müyamrü dükheakbah.

JEREMIA 8:15

Isanü mungtsü thsungkheak kheahchoh, tüshe tümü atsü müngü, athsüngupü kim kheahchoh, tüshe ju müthri atrebe lah.

TÜZHOKHI 4:17

Arung thsungkheak akeangkeang ching kheahkhinü isa mük keahdo; isanü isa aheangsadambo kheaknü isa mükhümkhitkhukpü lakhi trükshih kheahde alakheah.

EZEKIEL 21:15

Junangde mulong niuthünakbah tüsho akeamkhi hihbah, inü alaksahpü thsungkheak arü chipiripitbo alala kheak nukshang hanmukhungdo. O! Ha chinchobe nangde phürappü thsülah, alaksahpü ha thrüa ludo.

EZEKIEL 34:12

Namfimihnu neakrünü namfimihnu hiumüzütkhi bolung arü namfimihnu boto ajukhitkhi nangde, inü I yo namfimihnu ajukhitbah. Amobo shokhi tüsho kheahde amitingkhi nimung arü hiumüzütpungbo chingnü inü arü alala khümkhitbah.

EZEKIEL 36:15

tüsho trükshihbonü mükhemükimkhi inü nüsanü musoshih, mihtsürübo achihahean nüsanü kheaküa mühan; tüsho kheaküa nüsanü nüsa trükshihbo jing mümükheshih, Atungpuh Thrünpuhnü thachoh.

JOEL 2:2

amiting tüsho azhingdokhi nimung, amobo lakhi tüsho kheahde amitingkhi nimung khülang! Müzüngbo kheak amürak liukihkhi nangde ato tüsho wulakhi tangkho bonungrü arüchoh; arü nangde adüsonü mülaakheah, yungsho arü dunglim arüpü lünbo ching mülalo.

AMOS 4:13

Tümütüsho, shepünü müzüngbo thrünchonü, apung thrünchoh, api lümkhi mihtsürübo ki huhchoh, yapsu ju amiting kamshihchoh tüsho alomi achangbo kheak tsahchoh– Atungpuh , Wuto Thrünpuh ju api mung lah!

AMOS 5:18

Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung;

MALAKI 2:2

Nüsanü manisho, nüsanü I mung müretahshihpü mulong ching muzhosho, Wuto Atungpuhnü thachoh, inü nüsa kheak muthrumünean arüshihbah tüsho inü nüsa müngühmühibo muthrumüneanbah; atsütsü inü arübo muthrumüneana bahdo, tümütüsho nüsanü ju mulong ching muzo.

JOHAN 12:35

Jisunü arü ki tha, “Nüsa lung ayin ju anükhüh ruhde lah. Nüsanü ayin lachoki tsahang, jude yungsho amitingnü nüsa yanphuhbah; shepü amiting ching tsahchonü külim yüchonü mümükheah.

JIHUSUA 7:19

Jihusuanü api ki tha, “I tsah-a, Atungpuh Israel Thrünpuh kilim müretahshang, tüsho neak alokhiang. Nünü tümü rhimokheanü I ki kheakü thaang; ju I ki düram.”

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.

1 SAMUEL 6:5

Jumonü nüsanü alo thsümünimjihkhi mübo tüsho phihnu kiphahde thsang, tüsho Israel Thrünpuh ki müretahshang; khükijua api khah nüsa le nüsa thrünpuhbo tüsho nüsa lomi chingnü adükhebah.