JEREMIA 13:10 - AMÜSÜH HÜM CL Bible (BSI)

¹⁰ Ha amütsü mihtsürü, sherünü I yu anipü thsunglocho, sherünü nihnihde arü lümkhi ching yancho tüsho püpürü thrünpuhbo dunglim arü tankihpü tüsho kingaünpü yüdünü, atsü thsungkheak tümü mülakhi ha chimrüm khim nangde alabah.

JEREMIA 13:10 Iomraidhean Croise

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

T H S AN GYU T H S AN GR ARÜ 11:9

Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

ISAIA 3:24

Arhümkebe müthri arhümmükebe; tüsho pangrümbe müthri shungliu; tüsho kuyü-jangpü müthri kurakrak; tüsho suhdahkhi shulünkhim müthri shungliukhim rümkhi; akheahakham müthri achih labah.

JEREMIA 11:10

Arünü adüso arü jipürü I yu anipü reanglorü amülimbo lim rholode yüdo; arübonü püpürü thrünpuhbo dunglim tankihpü yüabahdo; Israel yamkhün tüsho Juda yamkhünnü inü arü jipürü ki tangzüngkhi thsümünimdo.

JEREMIA 11:18

Kheakü Atungpuhnü I kilim mükheahmudu jih tüsho inü mükheah; junangde nünü arü amütsü rhimobo I ki huh.

JEREMIA 13:7

Judüki inü Euphrarü kilim yü, tüsho kiu tüsho inü rama lakhi dangpung chingnü chimrüm khim lu. Tüshe chimrüm khim ju thsümünima lakheah; ju tümü atsü mülade alakheah.

JEREMIA 16:12

tüsho nüsanü jipürü kheaknü amütsübe yakli huh, tümüde nüsa mihbüm abannü I ki anipü thsunglode, nihbuh lümkhi anihnih amütsü yanchoh.

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 20:4

Tümüde Atungpuhnü ha thachoh: Inü nü tüsho nü müyamrü alala ki nü atrebe kamshihchoh; tüsho nünü kheahde alachoki arübo arü riri nukshangnü akeambah. Tüsho inü Juda alala Babilon kiulongthsüpuh khah ching jihbah; apinü arübo rama lubah Babilon ching tsobah, tüsho nukshangnü arü laksahbah.

JEREMIA 22:21

Inü nü lalim-tsükhi ching asuk, tüshe nünü tha, “ Inü mani.” Ha nü athunuchoki nü limro lakheah, tümüde nünü I yu mani.

JEREMIA 23:17

Atungpuh yu mükhemükimrü kheak arünü thachoh, “ Nüsa tsüde alabah;” tüsho nihnihde nihbuh mulongkhi ching yanrü ki arünü thachoh, “Thsümütsü tümü she nüsa kheak marü.”

JEREMIA 3:17

Ju kim ching Jirusalem ju Atungpuh kiulongthsü-binkiu de ajibah, tüsho trükshih alala Jirusalem ching Atungpuh miki mukhungbah, tüsho kheaküa arünü mulong müküpde nihbuh amütsü lümkhi ching müyan.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 44:16

“Atungpuh mung chingnü nünü isa ki asukkhi yu isanü nü ki mani.

JEREMIA 44:5

Tüshe arünü arü amütsü chingnü arholopü tüsho püpürü thrünpuhbo ki mükingaünpü thsüde mani yungsho arü nükhün manguh.

JEREMIA 5:23

Tüshe ha mihtsürü anihnih tüsho azhihkhi mulong lah; arünü anguhdo tüsho tsoabahdo.

JEREMIA 7:13

Tüsho kheakü, nüsanü harü alala rhimokhinü, Atungpuhnü thachoh, tüsho küyimki inü nüsa ki alochode asukkhea, nüsanü mani, tüsho küyimki inü nüsa jikhea, nüsanü malo,

JEREMIA 7:6

nüsanü khiungkerü, mürerü, tüsho khimoberü mujunosho, yungsho ha dangpung ching amülim mülarü thiyih mubukshihsho, tüsho nüsa nihbuh yuride püpürü thrünpuhbo kilim müyüsho,

JEREMIA 8:5

Dale küde ha mihtsürünü murholo tsantsande tsoa la? Arünü akeangyu kheak düküngde ramrihdo, arünü arholopü reanglodo.

JEREMIA 9:13

Tüsho Atungpuhnü thachoh: Tümütüsho arünü arü miki zojihkhi I yakzan bahyukdo, tüsho I yu mani, yungsho ju yande mütsah,

JEREMIA 9:14

tüshe arü jipürünü arü ki thsangyukhi nangde nihnihde arü nihbuh mulong yan tüsho Baalbo dunglim yü.

JEREMIA 9:6

Junokhi kheak junokhi, mülapmüji kheak mülapmüji! Arünü I mükheahpü thsunglochoh, Atungpuhnü thachoh.

WÜHKHE 14:11

Tüsho Atungpuhnü Mosa ki tha, “ Harü mihtsürübonü külokhüh I bahyukba? Tüsho inü arü bolung khinthiyinbe huhhuh she, arünü külokhüh I kheak mükinba?

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?