JEREMIA 12:8 - AMÜSÜH HÜM CL Bible (BSI)

⁸ I yamrüplurüp I ki murung ching kekhüzü nangde kamabahdo; anihbenü I azhihde anihbe düsheak shuhkihdo jumonü inü anihbe thraneankheah.

JEREMIA 12:8 Iomraidhean Croise

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

JEREMIA 2:15

Kekhüzübonü api azhihde arung, arünü achangnü arung. Arünü api lo abahkhi kamshih; api kiutobo mihtsürü mülade thsümünima lah.

JEREMIA 51:38

Kekhüzübo nangde arü rukhüh arungbah; arünü kekhüzü nunu nangde ahukbah.

EZEKIEL 23:18

Küyimki alibenü amikheak akhiukde müzammüramkhea tüsho bünkeang kamkhea, inü achi kheaknü rholokhi nangde anihbe kheaknü inü müküntsande rholo.

HOSEA 9:15

Arü amütsü alala Gilgal ching tankih; ju ching inü arü thraneande kam. Tümütüsho arü mihbukmuyuk rhimobo hode inü arübo I yam chingnü ayankhitbah. Inü kheaküa arü mümuzho; arü torübo alala azhihrü ah.

AMOS 6:8

Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.

MIKA 2:8

Tüshe nüsanü thiriri nangde I mihtsürü azhihde wusudo; nüsanü thirithsüpü tümü mülümde atsahrü kheaknü shulünkhim züngkhia ludo.

ZEKARIA 11:8

Khinu khülang ching inü namfimihnu neakrü mahsam yankhita bahchoh, tümüde arü kheak inü marümkhukde kamdo, tüsho arünü she I mükheahne.