JEREMIA 12:7 - AMÜSÜH HÜM CL Bible (BSI)

⁷ Inü I yam mihabahdo, inü I yamrüplurüp bahyukdo; inü I menü amuzhokhi anihbe riri khah ching jihdo.

JEREMIA 12:7 Iomraidhean Croise

2 KIULONG THSÜRÜ 21:14

Inü I yamrüplurüp aningkhi bahyukbah, tüsho arü riri khah ching jihbah; arübo ju arü riri alala miki thsünükhi tüsho yankhia lukhi kambah,

MUNGSHIKHÜN 106:40

Jumonü api mihtsürü azhihde Atungpuh bukakhiukde kam, junangde apinü nihbuh yamrüplurüp thranean.

MUNGSHIKHÜN 78:62

Apinü api mihtsürü nukshang kilim jih; tüsho api yamrüplurüp kheak bukakhiuk.

ISAIA 2:6

Tümüde nüsanü nüsa mihtsürü bahyukdo, O Jakob yamkhün. Dükde arübo aniakhiuklim wurükbonü milah tüsho Filistiarü nangde müchityu tharübo lah, tüsho arünü khiungkerü lung khah zhimachih.

JEREMIA 11:15

Inü amuzhokhi mihtsürünü amütsü rhimochoki, arübo I arüngyam ching tümü alim la? Thiyuchihchim tüsho shiwüh kingaünkhinü thsümütsü zhipdobah de arünü lümcho shi? Junü arü asühshihba de?

JEREMIA 14:19

Nünü shahde Juda bahyukdo de? Nü mulongnü Zion thraneanabahdo de? Isa thsungkheak athsüngu mülapü thsüde tümüde nünü isa shika lungshihkhea? Isanü mungtsü thsungkheak kheahchoh, tüshe atsü müngü; athsüngupü kim kheahchoh tüshe ju müthri atrebe lah.

JEREMIA 17:4

Nüsa nihbuhnü arhimokhi hode inü nüsa kilim jihkhi yamrüplurüp dükheakbah, tüsho nüsanü mümükheahkhi lomi ching inü nüsabo nüsa riribo tankihshihbah, tümüde I bukakhiukkhi ching lünnü atakpü mo khülang takkih-a lah.

JEREMIA 22:5

Tüshe nüsanü ha yubo manisho, I Atungpuhnü thiyuchihchimde thachoh, ha yam zhikrangkhündo akambah.

JEREMIA 23:33

Küyimki ha mihtsürü, yungsho wukihrü, yungsho amükeamrünü nü ki keokhiba, “Atungpuh müchityu tümü a?” nünü arü ki thabah, “Tümü müchityu, tüsho inü nüsa bahyukbah, Atungpuhnü thachoh.”

JEREMIA 23:39

jumonü tsükjide inü nüsa thrüa lubah tüsho nüsa le nüsa jipürü kilim inü ajihkhi kiuto I mikinü jipa bahbah.

JEREMIA 51:5

Israel Amüsühbuh miki arü lomi amülimnü mide lalashe, Israel tüsho Juda arü Thrünpuh Wuto Atungpuhnü mübahyuk.

JEREMIA 7:14

jumonü I mung tamde ajikhi yam, küpü ching nüsanü kincho, tüsho inü nüsa le nüsa jipürü kilim jihkhi dangpung kheak, inü Shilo ching rhimokhi nangde arhimobah.

JEREMIA 7:29

Nüsa ku hüta bahang; awungbo kheak tüzhoang, tümüde api bukakhiukshihkhi lün Atungpuhnü bahyukdo tüsho mihabahdo.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

HOSEA 9:15

Arü amütsü alala Gilgal ching tankih; ju ching inü arü thraneande kam. Tümütüsho arü mihbukmuyuk rhimobo hode inü arübo I yam chingnü ayankhitbah. Inü kheaküa arü mümuzho; arü torübo alala azhihrü ah.

JOEL 2:15

Zion ching hulipungpung mütang; khümkeak thsüpü zhiyukang; amüsüh amukhung lapü jiang;

JOEL 3:2

inü trükshih alala bemukhungbah tüsho arübo Jehoshaphat Jindükhün ching bede akibah, tüsho I mihtsürü Israel tüsho I yamrüplurüp dünkheaknü inü ju ching arü mahkhapbah, tümütüsho arünü arübo trükshih bolung hiumüzütshih. Arünü I lomi chamnakdo,

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

YUZÜNGTHALO 33:12

Apinü Benjamin dünkheak tha, “Atungpuhnü amuzhodakkhi, apinü akümkhi ching lachoh; apinü nimung amuyung neakchoh tüsho api dubuh dükeak api sühakhimchoh.” @SP ACE=