JEREMIA 12:3 - AMÜSÜH HÜM CL Bible (BSI)

³ O Atungpuh , tüshe nünü I mükheahlah; nünü I ngülah tüsho I rükakia kheahchoh, I lümkhi nü kilim lah. Namfimihnu nangde alaksahpü arübo züngkhitang, tüsho alaksahpü nimung thsungkheaknü bemuwuhang.

JEREMIA 12:3 Iomraidhean Croise

2 KIULONG THSÜRÜ 20:3

“O Atungpuh , inü nü ki zhoshechoh, inü thiyuronü nü miki mulong shuhmülanga jihde atsahkhi tüsho alungki rhimokhi kheakü lümkhitjang.” Hezekianü düsüknimde trip.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

JOB HU H T ANYU 23:10

Tüshe inü adükükhi limro apinü mükheahlah; küyimki apinü I rükakibanü I suna ruk akhiukbah.

MUNGSHIKHÜN 11:5

Atungpuhnü thiyuro-lungkirü rükakichoh, tüshe mihbukmuyuk tüsho athsümünim muzhorü api menü thraneanchoh.

MUNGSHIKHÜN 139:23

I yimang, O Thrünpuh, tüsho I mulong mükheahang;

MUNGSHIKHÜN 17:3

Nünü I mulong rükakheah; nünü azhing ching I rhuakheah; nünü I rükakheah tüsho tümü müngü; I münnü neak müyihbeak de inü thado.

MUNGSHIKHÜN 26:1

I mütsanmükhiang, O Atungpuh , tümüde inü thiyuro-lalim ching tsahdo, inü manguhphülapde Atungpuh kheak kindo.

MUNGSHIKHÜN 7:9

O mihbukmuyuk amütsü rhimo akheam thsüshang, tüshe thiyuro lashang; tümüde thiyuro-lungki Thrünpuhnü mulong tüsho lümkhi rükakheahchoh.

JEREMIA 15:15

O Atungpuh nünü mükheahlah; I lümkhitang tüsho rhuakheahang, tüsho I thsümüchirü kheak I royimpü hande akijang. Nü arümkheamkhi ching I hande dütsoshih; nü dünkheaknü I mükhemükim ludo de mükheahjang.

JEREMIA 17:16

Inü nü mihnu neakde nü yankhi chingnü mutso, yungsho inü adükheakpü nimung mükün. I münküp chingnü tümü akhiukkheanü nünü mükheahlah; ha nü miki lakheah.

JEREMIA 17:18

I thsümüchirü achih ngüshang, tüshe I achih düngüshih; arü müyinsahshang tüshe I a dümüyinsahshih; arü kheak thsümütsü nimung handarang; alochode athsümüchinü arü dükheakshang!

JEREMIA 20:12

O Wuto Atungpuh , nünü thiyuro-lungkirü rükakia kheahchoh, nünü mulong tüsho lümkhi ngülah; nünü arü kheak royimkhi inü kheahanü, tümüde I lümkhilümduh inü nü ki jihdo.

JEREMIA 48:15

Moab tüsho api kiutobo thsümünimrü atudo, tüsho api yo amokhitkhi athrününgtsüngbo alaksahpü ching yüdo, kiulongthsüpuhnü thachoh, shepü mung Wuto Atungpuh la.

JEREMIA 50:27

Anihbe moshi alala laksahang. Arü thsungkheak aha, arü nimung, arü thsümüchipü kim arüdo!

JEREMIA 51:4

Arübo Kaldearü lomi ching laksah-a yapbah, tüsho kiudunglimrobo ching yuribah.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

JAKOB 5:5

Nüsanü alomi kheak müthangmüsünde tüsho asühakode lado; alaksahkhi nimung ching nüsa shihkih-a ludo.

2 PETER 2:12

Tüshe harü mihtsürünü arünü manikhitkhibo ching mükhemükimchoh. Arübo bukmüke shiwühbo yakli nangde, aphuhpü tüsho asheshihpü lang zübea lah, tüsho shiwühbo nangde arü she adükheakbah.