JEREMIA 12:2 - AMÜSÜH HÜM CL Bible (BSI)

² Nünü arü khimkheah, tüsho arü aying chinyuk; arü asürü tüsho sangaso aso; nü a arü münbo thüninde lah tütüshe arü mulong kheaknü limshulah.

JEREMIA 12:2 Iomraidhean Croise

JOB HU H T ANYU 24:12

Kiutobo ching yurirü tüsho ashepü larübonü arung thsungkheak zhichoh, tüshe Thrünpuhnü arü tamkhüntamnükhi manijih.

JOB HU H T ANYU 5:3

Inü makharübo kuramde ngü, tüshe zukleangnü inü arü lapung athru.

MUNGSHIKHÜN 37:35

Inü mihbukmuyuk ju wu ching tode, Lebanon cedar sang nangde changde ngü.

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

JEREMIA 11:17

Wuto Atungpuh , shepünü nü khimkheanü, nüsa azhihde amütsü thado, tümütüsho Israel yamkhün tüsho Juda yamkhünnü amütsü rhimode, Baal kilim kingaün jihde I bukakhiukshih.

JEREMIA 3:10

Tütüshe dükde mülakhi anihbe achi Judanü mulong athrünkhinü I kilim malodarü, tüshe rüklimnü lang ah, Atungpuhnü thachoh.

JEREMIA 45:4

Nünü api ki ha thaang, “Atungpuhnü ha thachoh: Lomi alala ching inü tümü thsükheanü thokheambah, tüsho inü akhimkhi rukkhitbah.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

HOSEA 7:14

Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

HABAKKUK 1:13

Nü mükbo ju amütsü ngüpü khide tsangkhitlah, tüsho nünü amülim-rhimo kheak mükheahkhuk; tümüde nünü mülapmüji kheak kheahcho le, tüsho mihbukmuyuknü arü kheaknü thiyurolungkirü lakhi muyuchoki zhikde lacho le?

MATHI 15:8

‘Harü mihtsürübonü arü münbonü I ki wüntre jihchoh, tüshe arü mulongbo I kheaknü limshude lah.

MARK 7:6

Apinü arü ki alo, “Isaianü nüsa yiuhkhaprübo dünkheak müchitkhi dükdüa ah, ha thrüta lah: ‘Harü mihtsürünü arü münbonü I wüntre jihchoh, tüshe arü mulong a I kheaknü limshulah.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.