JEREMIA 12:13 - AMÜSÜH HÜM CL Bible (BSI)

¹³ Arünü wheat hi yang tüshe ayangbo yimludo, arü keakzungdo tüshe tümü alü müla. Atungpuh bukakhiukkhi hode arü yimlukhi ching arü achihbah.

JEREMIA 12:13 Iomraidhean Croise

MUNGSHIKHÜN 78:62

Apinü api mihtsürü nukshang kilim jih; tüsho api yamrüplurüp kheak bukakhiuk.

ISAIA 55:2

Tümüde nünü yikhap yungde püpü thsungkheak sho bahcho, tüsho reangmükeampü thsungkheak nünü rhimocho? Kümkangde I ki aniang, tüsho tümü atsüanü tsühang, tüsho birikhi tsühyungpü ching nü me asühang.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JEREMIA 4:26

Inü kheah, tüsho kheahang, Atungpuh bukakhiukkhinü amüdang lo ju loshelo kamabah tüsho kiuto alala thsümünimabah.

JEREMIA 9:5

Arü alalanü arü yamhingrü mülapyukchoh, tüsho shenü she thiyuro masuk; arünü akeangyu thapü arü mulobo ki thsangyudo; arünü amülim yihbeakdo tüsho neak yihbeakkhinü keaka lah.

HOSEA 8:7

Tümüde arünü apung yangchoh, tüsho arünü chitmühean yimlubah. Hidung ju munoyuk, hanü jim makhiuk; khükikhüh akhiuka lasho, khiungkerünü tsühabahbah.

LEVI 26:16

inü nüsa kheak ha rhimobah: Inü nüsa kheak zukleangnü atrebe handarübah; nüsa mük tukshihpü tüsho rhangdung dükheakshihpü thsüde amungube tukthsü tüsho phütsak arüshihbah. Nüsanü müjih akeangkeang ching hiubah, tümüde nüsa riribonü jurü tsühbah.

LEVI 26:20

Nüsa sühmüh akeangkeang ching bahbah, tümütüsho nüsa lonü hi makhiukshih tüsho sangdungbonü aso masojih.

MIKA 6:15

Nünü ayangbah tüshe müyimlu; nünü olivbo nitbah tüshe nü kheak müdangke mumuju, nünü kurungaso thsünbah tüshe yukhu muyung.

HABAKKUK 2:13

Mihtsürübonü motrushihpü mokhih lang Atungpuh kilimnü mürhimode tüsho akeangkeang ching trükshihbo khichoh yung de?

HAGGAI 1:6

Nüsanü hihde mükheando, tüshe nükde yimludo; nüsanü tsühchoh, tüshe küyimkishe nüsa bukmüthsü; nüsanü yungchoh, tüshe küyimkishe nüsa kethürimüri; nüsanü khim phuyuchoh, tüshe sheshe mülamlam, tüsho nüsanü mulomüthsükhi ju akhün bitkhi qiuqiu ching yukpü mulomüthsüchoh.

HAGGAI 1:9

Nüsanü ahihkhüh thsungkheak kheahdo, tüsho kheahang ha anikhüh arüdo; tüsho küyimki nüsanü ju thüyam lim hande arükheanü, inü müta tsoshih. Wuto Atungpuhnü thachoh, tümü thsükhea? Tümütüsho nüsa alala nihbuh yam ching athsümünim ching lah.

ROMRÜ KILIM PAULNÜ ATHRÜTKHI KIHÜM HUHTANYU 6:21

Dale tüsho kheakü nüsanü achihde alakhi rhimokhi chingnü nüsa tümü alü thsüde? Jurübo akheam ju ashekhi lah.

YUZÜNGTHALO 28:38

“Nüsanü thulu ching müjih hihde ahiubah tüshe anükhüh lang ayimlubah, tümüde ju tangkhonü tsühabahbah.