JEREMIA 12:1 - AMÜSÜH HÜM CL Bible (BSI)

¹ O Atungpuh küyimki inü nü azhihde athabanü nü alim labah; tüshe thiyuro dünkheak inü nü ki keokhianü: Tümüde amütsürü limro müngühmühicho? Tümüde mihyu manirübo tsüshihcho?

JEREMIA 12:1 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

EZRA 9:15

O Atungpuh Israel Thrünpuh, nü thiyuro, tümüde isa khürü khihni rhangdung lashihlah. Kheahang, isa nü miki isa neak ching lah, jumonü shenü she nü miki müzhipkhuk.”

NEHEMIA 9:33

Nünü isa alungki ching thsümüchido; neak yihbeakbeak she nünü isa muzhode müthsüm.

JOB HU H T ANYU 12:6

Ahührü khimyambo a thsü tsüde lah, tüsho sherünü arü khah ching arü thrünpuh shuhbah Thrünpuh bukakhiukshihkheanü mütrede lah.

JOB HU H T ANYU 13:3

Tüshe inü Wutobuh ki asukbah, tüsho inü I dünkheak Thrünpuh ki asukachihpü künlah.

JOB HU H T ANYU 24:12

Kiutobo ching yurirü tüsho ashepü larübonü arung thsungkheak zhichoh, tüshe Thrünpuhnü arü tamkhüntamnükhi manijih.

JOB HU H T ANYU 24:23

Apinü arü kilim tsokhitpung jihchoh tüsho arü tsunglolah; api mükjibo arü limrobo kheak lah.

JOB HU H T ANYU 8:17

Arü yingbonü lungmujuk mükamde hingchoh; arü ju lung bolung lapü kheahchoh.

MUNGSHIKHÜN 116:5

Atungpuh ju mihmüthsüm tüsho thiyuro-lungki lah; am, isa Thrünpuh ju amüthsümrü ah.

MUNGSHIKHÜN 119:137

Nü thiyuro-lungki ah, O Atungpuh , tüsho nü mahkhapkhibo alungki.

MUNGSHIKHÜN 119:75

O Atungpuh , nü mahkhapkhibo alungki ah de inü mükheahlah, junangde thiyuro lakhi ching nünü I thsünüshih.

MUNGSHIKHÜN 145:17

Atungpuh ju api limrobo alala ching thiyuro-lungki ah, api rhimobo alala ching amüthsüm lah.

MUNGSHIKHÜN 37:1

Mihbukmuyuk dünkheaknü mulong düsansan; amülim rhimorü kheak mük düthsü.

MUNGSHIKHÜN 37:35

Inü mihbukmuyuk ju wu ching tode, Lebanon cedar sang nangde changde ngü.

MUNGSHIKHÜN 51:4

Nü azhihdü lang inü neak yihbeakdo, tüsho nü miki tümü amütsüanü rhimodo. Junangde nünü asukchoki nü alim ngübah; tüsho nünü mahkhapchoki amudopü müla.

MUNGSHIKHÜN 51:6

Kheahang, nünü alunglim thiyuro lunechoh, tüsho jika lakhi ching nünü I ki lümlung mükheahshihbah.

MUNGSHIKHÜN 92:7

Küyimki mihbukmuyuk rim nangde mukhuhba, tüsho küyimki amülim rhimorübo akuk ngüba, ha arü lünnü athsümünimpü lah.

MÜCHITMUDU 1:32

Arükari mümükheahrü mihtsürü ju arünü lümlung bahyukkhi hode shechoh, tüsho makharü reangkeamkhinü arü dükheakbah;

T H S AN GYU T H S AN GR ARÜ 8:14

Alomi ching akeangkeang dünjikhi lah, junangde thiyurolungki mihtsürübo mihbukmuyuk dün thsümüchikhi lah, tüsho mihbukmuyuk mihtsürü ju thiyuro-lungkirü dün thsambah ngükhi lah. Ha she akeangkeang de inü tha.

ISAIA 41:21

Nüsa lümkhi lubah arang, Atungpuhnü thachoh; nüsa mütsanyubo lubah arang, Jakob kiulongthsüpuhnü thachoh.

ISAIA 48:8

Nünü küyimkishe musoakheah, nünü küyimkishe mümükheahkheah, adüsonü nü nükhün mükhimshuh. Tümüde nünü khide akinashu mülade arhimobah de inü mükheah, tüsho nuyam chingnü nü a azhihrü de ajikheah.

JEREMIA 11:20

Tüshe nü, O Wuto Atungpuh , shepünü lungkide mahkhapcho, shepünü mulong tüsho lümkhi rükakicho, nünü arü kheak nü royimkhi inü kheahanü, tümüde I lümkhilümduh nü ki thakhita huhchoh.

JEREMIA 12:6

Tümüde nü keoniorü tüsho nü yamkhünnü she nü kheak mihyu manide rhimodo; arünü nü azhihde azhikhi lah; arünü nü ki müyamrü yu thatha she arü kheak akin düla.

JEREMIA 3:20

Tüshe akin mülakhi niuberünü ayamkhünbuh bahbah atsokhi nangde, nünü I ki akin mülade lado, O Israel yamkhün, Atungpuhnü thachoh.

JEREMIA 3:7

Tüsho inü lüm, “Ha alala rhimoshu alibenü I kilim alodarübah”; tüshe alibenü malodarü, tüsho dükde mülakhi anihbe achi Judanü ju ngü.

JEREMIA 32:16

Inü shothsühüm Neria tsührü Baruk kilim jihshu, inü Atungpuh ki tamkhüntamnü:

JEREMIA 5:11

Tümüde Israel yamkhün tüsho Juda yamkhünnü I ki alala mülapyukdo, Atungpuhnü thachoh.

JEREMIA 9:2

O loshelo ching I lapung lakhülaa inü I mihtsürübo bahjihbah tüsho arü kheaknü tsoabahbah! Tümüde arü alala müzammüramrü, mülapyukrü boto lah.

TÜZHOKHI 1:18

Atungpuh alungki ching lah, tümüde inü api yu azhihdo; tüshe aniang, nüsa mihtsürü alala, tüsho I thsünükhi kheahang; I yo anünürü tüsho athrününgtsüng mihtsürübo aramkhi ching yüdo.

EZEKIEL 18:25

Tütüshe nünü thachoh, “Atungpuh limro thiyuro yung.” Aniang, O Israel yamkhün: I limro thiyuro yung de? Nü limrobo thiyuro mülakhi yung de?

DANIEL 9:14

Atungpuhnü isa kheak thsümütsü handarüpü lüm müshangmang, tümüde Atungpuh isa Thrünpuh ju apinü arhimokhi lüpdükhi ching thiyuro-lungki lah; tütüshe isanü api ki mihyumani.

DANIEL 9:7

Atungpuh , nü thiyuro-lungki ah, tüshe khihni khiungde Juda mihtsürü tüsho Jirusalem mihtsürü tüsho Israel alala, aphüni tüsho limshu, nünü isa hiumüzütkhi lomi alala ching isanü nü ki müthülünkhi hode isa miro müdünkhitde lah.

HOSEA 6:7

Tüshe Adam ching arünü tangzüng lakmih; ju ching arünü akin mülade I ki rhimo.

HABAKKUK 1:4

Jumonü yakzan niukniukabahdo tüsho thiyuro mürhimo. Mihbukmuyuknü thiyurolungkirü mükamdolah–jumonü thiyuro mahkhapkhi bephülapdo.

ZEPHANIA 3:5

Ju ching lakhi Atungpuh ju thiyuro-lungki; apinü amülim mürhimo. Yapsu aban apinü mahkhapchoh, anipdokhün mülakphah; tüshe thiyuro mülakhinü achihbe tümü mümükheah.

MALAKI 2:17

Nüsanü nüsa yubonü A TU N GPU H khishihdo. Tütüshe nüsanü, “ Küde thsah isanü api khishihkhi? Isanü amütsü rhimokhi alala Atungpuh miki atsü lah, tüsho apinü jurü ching asühchoh. Yungsho thiyuro Thrünpuh küching la?” de thachoh.

MALAKI 3:15

Kheakü isanü kükheangküyangrü ju müngühmühi de jichoh; mihbukmuyukrü ju lalim tsükhi lang yung, tüshe küyimki arünü Thrünpuh rükakibanü arü tsokhitchoh.”

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.