JEREMIA 11:19 - AMÜSÜH HÜM CL Bible (BSI)

¹⁹ Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

JEREMIA 11:19 Iomraidhean Croise

JOB HU H T ANYU 28:13

Mihtsürünü ju adün mümükheah, tüsho arhang larü khah ching ju müngü.

MUNGSHIKHÜN 109:13

Api tsühsoniuso kheamshang tüsho arü lün khekhi ching arü mung nankhita bahshang.

MUNGSHIKHÜN 112:6

Tsükjide küyimkishe api matrüt; thiyuro-lungkirü lünnü alümkhitbah.

MUNGSHIKHÜN 116:9

Inü arhang lakhi lomi ching Atungpuh miki tsahbah.

MUNGSHIKHÜN 142:5

Inü nü ki zhichoh, O Atungpuh : inü tha, Nü I tsoyukpung, arhang lakhi lomi ching I shihcham.

MUNGSHIKHÜN 27:13

Rhangdung lakhi lomi ching inü Atungpuh tsükhi ngübah de inü kinlah!

MUNGSHIKHÜN 31:13

Tümüde akeangyu thakhi ahihkhüh inü sochoh; thrip aban atrebe lah; arünü I azhihde rük thsüchoh tüsho I rhangdung lupü mülapmüjichoh.

MUNGSHIKHÜN 35:15

Tüshe I jingmükhea lachoki arünü asühachihde rukhüh mukhung, ayanrünü I mülümrhangchoki I azhihde mukhung. Arünü mutukzhakde I chikhichihean thsü.

MUNGSHIKHÜN 52:5

Junangde Thrünpuhnü lünnü nü thsümünimbah; apinü nü lude atsobah, tüsho nü lapung chingnü nü yihkhitbah, tüsho rhangdung lakhi lomi chingnü nü rukkhitbah.

MUNGSHIKHÜN 83:4

Arünü tha, “Arang, tüsho nüsanü arü trükshih chingnü dükheakshihanü, junangde Israel mung kheaküa mülümkhit.”

MÜCHITMUDU 10:7

Thiyuro-lungkirü lümkhitpü ju müngühmühi ah, tüshe mihbukmuyukrü mung nahde mihabahbah.

MÜCHITMUDU 24:15

O mihbukmuyuk mihtsürü, thiyuro-lungkirü lapung azhihde jimde dübin; api lakhi dangpung yankhia dülu;

MÜCHITMUDU 7:22

Nahdü lang apinü moshipung alaksahpü yükhi nangde yungsho shihmüchi azheang ching düküyukkhi nangde alibe dunglim yü,

ISAIA 32:7

Amütsü mihtsürü lümkhi amütsübo ju rhimo amütsü lah; küpkhukrünü amushuchoki alungki lachoki thsüthsü she arünü akeangyubo thade zhochihrü thsümünimpü lümkhi thsüchoh,

ISAIA 38:11

Inü tha, rhangdung lakhi lomi ching inü Atungpuh müngü; alomiküp ching larü bolung kheaküa inü mihtsürü müngü.

JEREMIA 1:19

Arünü nü bede keochihbah; tüshe arünü nü mukuk, tümüde nü bekhitpü I nü lung lah, Atungpuhnü thachoh.

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

JEREMIA 26:8

Tüsho küyimki Atungpuhnü mihtsürübo alala ki asukpü Jeremia ki thiyukhüm jihkhi alala bankhea, amükeamrü le wukihrü tüsho mihtsürü alalanü api ramlobah tha, “ Nü ashepü tsütsü!

TÜZHOKHI 3:60

Arünü I azhihde mülapyukde royimkhi alala nünü ngüdo.

EZEKIEL 32:24

Elam ju ching lah, tüsho mihbonü akiuyuk mükamdolah; arü alala nukshangnü laksah-a yapshihlah. Rhangdung lapung lomi ching atrebe bushihrü alala tsütamübahde Ashe-lomi ching yüzahdo. Arübo alokhün ching yüzahrü lung achih ngüde lah.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

HOSEA 9:8

Wukihrü ju Ephraim aheangrü I Thrünpuh lung lah, tütüshe wukihrü limrobo alala ching qimürip lah, tüsho api Thrünpuh yam ching mükthsü lah.

WÜHKHE 1:14

Gad chingnü Deuel tsührü Eliasaph,