JEREMIA 11:15 - AMÜSÜH HÜM CL Bible (BSI)

¹⁵ Inü amuzhokhi mihtsürünü amütsü rhimochoki, arübo I arüngyam ching tümü alim la? Thiyuchihchim tüsho shiwüh kingaünkhinü thsümütsü zhipdobah de arünü lümcho shi? Junü arü asühshihba de?

JEREMIA 11:15 Iomraidhean Croise

MUNGSHIKHÜN 50:16

Tüshe mihbukmuyuk ki Thrünpuhnü thachoh, I yakzan khepü yungsho I tangzüng thapü nü tümü alim la?

MUNGSHIKHÜN 60:5

Junangde nünü muzhorü bekhitbah, nü khah tsülimnü khümkhitbah, tüsho I ki anijihbah.

MÜCHITMUDU 10:23

Makharü ki a amütsü rhimokhi ju hoshihorakhi nangde lah, tüshe anikhitkhi mihtsürü a lümlung lah.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 2:14

shepünü amütsü rhimopü ching asühachihcho, tüsho mihbukmuyukde bephülapkhi ching asühcho;

MÜCHITMUDU 21:27

Mihbukmuyuknü shuhmülanga jihkhi ju athraneanbe; mihbukmuyuk lümkhi thsüde apinü hande arükhi a küdükhüh she alaba!

MÜCHITMUDU 26:18

Abünrü nangde shepünü mozhuhbo, yungsho ashebe yinchidungbo jipa bahchonü,

MÜCHITMUDU 28:9

Shepünü yakzan anipü chingnü anükhün anguhde tsochonü, api tamkhüntamnü athraneanbe labah.

ISAIA 50:1

Atungpuhnü ha thachoh: Inü nü be thiyia tsoshihkhi abah-hüm küching la? Yungsho inü nü yinkhi I sho putungpuh ju shepü a? Yung, nü neakbo dünkheaknü nü yinkheah, tüsho nünü alakmihkhibo dünkheak nü be tsoshihkheah.

JEREMIA 12:7

Inü I yam mihabahdo, inü I yamrüplurüp bahyukdo; inü I menü amuzhokhi anihbe riri khah ching jihdo.

JEREMIA 13:27

Inü nü athraneanbebo, nü müzammüram, shihkünde alankhi awungbo tüsho mükeakbo ching machihde shihyinkhi ngüdo. Nü are, O Jirusalem! Külokhüh nü mümüsühde alaba?”

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

JEREMIA 23:11

Wukihrü tüsho amükeamrü chido Thrünpuh manikhit; I yam ching she inü arü mihbukmuyuk ngüdo, Atungpuhnü thachoh.

JEREMIA 3:14

Rholoang, O akin mülakhi tsührü, Atungpuhnü thachoh, tümüde I nü putungrü lah; inü nüsa, khülang kiuto chingnü tüsho mahne yamkhün chingnü bea lubah, tüsho inü nüsa Zion lim bedarübah.

JEREMIA 3:8

Akin mülakhi, Israel, müzammüramkhi hode abahkhi yukhüm jihbah alibe inü atsoshihkhi anihbenü ngü; tütüshe dükde mülakhi anihbe achi Judanü mütre, tüshe anihbe she yü tüsho müzammüram rhimo.

HOSEA 3:1

Atungpuhnü I ki thalo, “ Yüang, Israel mihtsürünü püpü thrünpuhbo tüsho akungkhi yikhap kilim rhololo she Atungpuhnü arü muzhokhi nangde amuzhorü larü tüsho müzammüram liberü nü yamkhünbe ki muzholoang.”

MATHI 22:11

Tüshe küyimki kiulongthsüpuhnü hanrübo kheahpü arükhea, apinü ju ching mihtsürü khülang arhangrü khimmih müyihde ngü.

LUKNÜ ATHRÜTKHI THIYUSHEAK-ATSÜ HUHTANYU 8:28

Küyimki apinü Jisu ngükheanü zhi tüsho api miki mükhümbah düsheak achangnü tha, “Khide Achang Thrünpuh tsührü Jisu, nü I ki tümü thsüpü la? Inü nü ki mushuchoh, I düthsümüchi.”

ROMRÜ KILIM PAULNÜ ATHRÜTKHI KIHÜM HUHTANYU 11:28

Tümütüsho arünü thiyusheak atsü bahyukkhinü nüsa khiungkerü dünlimnü Jihudarü ju Thrünpuh riribo. Tüshe Thrünpuhnü amokhitkhi, arü jipürübo dünlimnü api müyamrübo ah.

1 KORINT 13:6

amuzho ju amütsü ching asühkhi yung, tüshe thiyuro ching asühkhi lah.

TITA 1:15

Atsangkhitkhi ching alala tsangkhitlah, tüshe athsümünim tüsho mükinkhi ching tümü she atsangkhitkhi müla; arü lümkhi tüsho sulümbo athsümünim lah.

JAKOB 4:16

Tüshe nüsanü kheakü kükheangde lülüshishichoh. Hadürü kükheangkhi alala amütsü ah.