JEREMIA 11:14 - AMÜSÜH HÜM CL Bible (BSI)

¹⁴ Jumonü, ha mihtsürübo thsungkheak dümushu, yungsho arü thsung thsüde düzhi yungsho dütamkhüntamnü, tümüde arü küpkhuk kim ching arünü I jikhi inü mani.

JEREMIA 11:14 Iomraidhean Croise

MUNGSHIKHÜN 66:18

Inü I mulong ching alakmihkhibo zokhülaa, Atungpuhnü I ki manijih-a labah.

ABEKHIT 32:10

Kheakü jumonü, arü azhihde I bukakhiukde arü dükheakshihpü I langzü zojang. Tüsho inü nü trükshih ato khülang kamshihbah.”

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 14:11

Atungpuhnü I ki tha: Harü mihtsürü arung thsungkheak dütamkhüntamnü.

JEREMIA 14:12

Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 7:16

Nünü harü mihtsürü thsungkheak dütamkhüntamnüjih, arü thsung thsüde düzhi yungsho dütamkhüntamnü, tüsho I ki dümushu, tümüde inü nü ki mani.

HOSEA 5:6

Arü mihnu tüsho moshi boto lung arünü arü Thrünpuh yimde ayübah, tüshe arünü api müyimkhit; arü kheaknü api tsoabahdo.

ZEKARIA 7:13

Inü arü jichoki, arünü manikhi nangde, küyimki arünü ajikheanü inü manijih, Wuto Atungpuhnü thachoh,

MALAKI 2:13

Tüsho nüsanü ha she rhimochoh: Nüsanü tripde tüsho ashede chikebonü Atungpuh kingaün sadam lüpdochoh, tümütüsho apinü kheaküa nüsa khah kheaknü kingaün mükheahne yungsho nüsa khah kheaknü lunede müleangkhi.

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.