JEREMIA 11:12 - AMÜSÜH HÜM CL Bible (BSI)

¹² Judüki Juda kiutobo tüsho Jirusalem ching larünü angübah tüsho arünü rhümthüneabe kingaünkhi thrünpuhbo ki zhibah, tüshe arünü küyimkishe arü küpkhukkhi kim ching arübo mükhümkhit.

JEREMIA 11:12 Iomraidhean Croise

2 KIUTHSÜYUKHEAN 28:22

Kiulongthsüpuh Ahaznü anihbuh lümthsünü ching lachoki Atungpuh kilim alübe thiyuro mülakhi kam.

ISAIA 45:20

Nüsa shomukhungang tüsho rukhüh arang, phünide arang, nüsa trükshih chingnü tsokhita larübo! Arübo mükheahmudu müla– sherünü arü sangthsübo hancho, tüsho mükhümkhitkhukbe thrünpuh ki tamkhüntamnücho.

ISAIA 46:7

Arünü ju dubuh kheak shuhkih-a hanchoh, arünü azopung ching zochoh, tüsho ju ching zhipchoh; ha ju chingnü matrütkhuk. Khürünü ju ki zhisho, malojih yungsho sheshe küpkhuk chingnü mükhümkhit.

JEREMIA 18:15

Tüshe I mihtsürübonü I mihabahdo, arünü sangthsübo ki rhümthüneabe takchoh; arü jipü limrobo ching arü jing mükhedo, tüsho arübo limto ching yungde limkeanganu ching tsodo,

JEREMIA 2:28

Tüsho nünü nü thsungkheak thsükhi thrünpuhbo küching la? Nü küpkhuk kim ching arünü nü khümkhitkhukpü lasho arü arüshang; O Juda, nü kiutobo lakhi nangde nü thrünpuhbo hihde lah.

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

YUZÜNGTHALO 32:37

Tüsho Atungpuhnü athabah, Arü thrünpuhbo küching la, lung küpü ching arü tsoyukcho,

YUZÜNGTHALO 32:38

sherübonü arü kingaünkhi müdang tsühkhea, tüsho arü ayungbe kingaün chingnü yukhu yungkhea? Arübo asürübah nüsa rungshang, arünü nüsa tsungdoshang! @SP ACE=

MAHKHAPRÜ 10:14

Nüsanü amokhitkhi thrünpuhbo ki yübah zhiang; nüsa lümthsünü kim ching arünü nüsa bekhitshang.”