JEREMIA 11:11 - AMÜSÜH HÜM CL Bible (BSI)

¹¹ Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 11:11 Iomraidhean Croise

2 KIULONG THSÜRÜ 22:16

Atungpuhnü ha thachoh, Juda kiulongthsüpuhnü akhekhi hüm yubo yande, atsütsü ha dangpung tüsho mihtsürübo kheak inü thsümütsü handarübah.

2 KIUTHSÜYUKHEAN 34:24

Atungpuhnü ha thachoh: Juda kiulongthsüpuh miki khekhi hüm ching thrütkhi muthrumünean alala inü ha dangpung tüsho ju ching larü kheak thsümütsü hande arübah.

JOB HU H T ANYU 35:13

Tsükjide Thrünpuhnü akeangkeang zhikhi manichoh, yungsho Wutobuhnü ju mükheahjih.

MUNGSHIKHÜN 18:41

Arünü zhi, tüshe arü khümkhitpü she mülakheah, Atungpuh ki she zhi, tüshe apinü arü ki malojih.

MUNGSHIKHÜN 66:18

Inü I mulong ching alakmihkhibo zokhülaa, Atungpuhnü I ki manijih-a labah.

MÜCHITMUDU 1:28

“Judüki arünü I ki jibah, tüshe inü malojih; arünü I düshihde ayimbah, tüshe arünü I müngü.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

ISAIA 1:15

Küyimki nüsanü nüsa khah chungkhitbanü, nüsa kheaknü I mükbo jikabahbah; nüsanü khide tamkhüntamnünü she, inü mani; nüsa khahbo thiyihnü milah.

ISAIA 24:17

Mihtrebe tüsho shingkung, tüsho qimürip nüsa kheak lah, O lomi mihtsürübo!

JEREMIA 11:14

Jumonü, ha mihtsürübo thsungkheak dümushu, yungsho arü thsung thsüde düzhi yungsho dütamkhüntamnü, tümüde arü küpkhuk kim ching arünü I jikhi inü mani.

JEREMIA 11:17

Wuto Atungpuh , shepünü nü khimkheanü, nüsa azhihde amütsü thado, tümütüsho Israel yamkhün tüsho Juda yamkhünnü amütsü rhimode, Baal kilim kingaün jihde I bukakhiukshih.

JEREMIA 14:12

Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

JEREMIA 14:2

Juda tüzhochoh tüsho anihbe chipiripitbo keamchoh; arübo masühde alo kheak yaplah, tüsho Jirusalemnü azhikhi yükihchoh.

JEREMIA 15:2

Tüsho küyimki arünü nü ki thaba, “ Isa külim peang yüba?” nünü arü ki thabah: Atungpuhnü ha thachoh: Sherü arüm-tukthsü akhulanü, arüm-tukthsü lim, tüsho sherü nukshang akhulanü, nukshang lim; sherü khümzung lim akhulanü, khümzung lim, tüsho sherü arampü akhulanü arampü lim.

JEREMIA 18:11

Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 19:3

Nünü athabah: Atungpuh yu aniang, O Juda kiulongthsürübo tüsho Jirusalem ching larübo. Wuto Atungpuh , Israel Thrünpuhnü ha thachoh: Inü ha dangpung kheak thsümütsü handarübah, junangde sherübonü ha sobanü nükhün peangbah,

JEREMIA 23:12

Jumonü arü limro ju amiting ching limro shahshah nangde alabah, küpü ching arü jing mükheba tüsho alungba; tümüde arü thsümüchipü kam ching inü arü kheak thsümütsü handarübah, Atungpuhnü thachoh.

JEREMIA 25:35

Mihnu neakrübo mutsokhukde alabah, tüsho mihnu putungrübo tsopung mülade alabah.

JEREMIA 35:17

Jumonü Atungpuh , Wuto Thrünpuh, Israel Thrünpuhnü ha thachoh: Inü Juda tüsho Jirusalem ching larü alala kheak azhihde athakhi thsümütsü lüpdükhi handarübah; tümütüsho inü arü ki asuk tüshe arünü mani, inü arü ki ji tüshe arünü malo.

JEREMIA 36:31

Tüsho inü arü mülimkhi dün api le atsührü tüsho ayamlarübo thsümüchibah; inü arü le Jirusalem ching larü tüsho Juda mihtsürü kheak inü arü azhihde athakhi thsümütsü alala handarübah, tümütüsho arünü mani.

JEREMIA 6:19

Aniang, O alomi; inü arü lümkhi aso asokhi ha mihtsürübo kheak thsümütsü handarüpü lah, tümütüsho arünü I yu mani; tüsho arünü I yakzan bahyukdo.

TÜZHOKHI 2:22

Thünio nimung khülang nangde nünü mühi alala chingnü I riribo juyukdo; tüsho Atungpuh bukakhiukkhi nimung she mutsokhit yungsho maning; shepü inü zübekhea tüsho mütrükheanü I ririnü thsümünimdo.

EZEKIEL 14:3

Mihtsürü tsührü, harü mihtsürübonü arü mulong ching sangthsübo zhipshihlah tüsho arü mirobo miki mihbukmuyuk jingmükhelungbo yuklah. Inü judü lang arünü I dünkheak keokhishihba shi?

EZEKIEL 7:5

Wuto Atungpuhnü ha thachoh: Thsümütsü! Amusokhi thsümütsü arüchoh.

EZEKIEL 8:18

Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”

AMOS 5:19

khürü kekhüzü kheaknü tsobah kuto shorukhi nangde; yungsho thüyam ching yüzahbah rhü kheak angükihchoki, phurutonü anguhkhi nangde!

MIKA 3:4

Judüki arünü Atungpuh ki zhibah, tüshe apinü arü ki malojih; ju kim ching apinü amiro arü kheaknü ajikbah, tümütüsho arünü mihbukmuyukde rhimodo.

ZEKARIA 7:13

Inü arü jichoki, arünü manikhi nangde, küyimki arünü ajikheanü inü manijih, Wuto Atungpuhnü thachoh,

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.