JEREMIA 11:10 - AMÜSÜH HÜM CL Bible (BSI)

¹⁰ Arünü adüso arü jipürü I yu anipü reanglorü amülimbo lim rholode yüdo; arübonü püpürü thrünpuhbo dunglim tankihpü yüabahdo; Israel yamkhün tüsho Juda yamkhünnü inü arü jipürü ki tangzüngkhi thsümünimdo.

JEREMIA 11:10 Iomraidhean Croise

MUNGSHIKHÜN 78:57

tüshe rholo tüsho arü bebuhrü nangde thiyuro mülade rhimo; mümukhiungkhi sanglüh nangde arünü chimphürihde tso.

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

JEREMIA 13:10

Ha amütsü mihtsürü, sherünü I yu anipü thsunglocho, sherünü nihnihde arü lümkhi ching yancho tüsho püpürü thrünpuhbo dunglim arü tankihpü tüsho kingaünpü yüdünü, atsü thsungkheak tümü mülakhi ha chimrüm khim nangde alabah.

JEREMIA 17:23

Tütüshe arünü mani yungsho arü nükhün mumupho; arünü arü hungbo chungthülang tüsho mani yungsho thsangdan müleangkhi.

JEREMIA 22:9

Tüsho arünü alobah, “Tümütüsho arünü Atungpuh arü Thrünpuh tangzüngkhi bahyukdo tüsho püpü thrünpuhbo kingaün tüsho tankih.”

JEREMIA 31:32

Ha inü arü jipürü Ijip lomi chingnü khah kheaknü thokhitchoki tangzüng nangde yung, tümüde I arü aputungrü thsüthsü she, arünü I tangzüng thsümünim, Atungpuhnü thachoh.

JEREMIA 44:16

“Atungpuh mung chingnü nünü isa ki asukkhi yu isanü nü ki mani.

JEREMIA 44:5

Tüshe arünü arü amütsü chingnü arholopü tüsho püpürü thrünpuhbo ki mükingaünpü thsüde mani yungsho arü nükhün manguh.

JEREMIA 7:28

Nünü arü ki thabah: Ha Atungpuh arü Thrünpuh yu manikhi trükshih tüsho yakli danyukkhi müleangkhi; thiyuro dükheakdo; ha arünü müthadebah.

JEREMIA 9:6

Junokhi kheak junokhi, mülapmüji kheak mülapmüji! Arünü I mükheahpü thsunglochoh, Atungpuhnü thachoh.

EZEKIEL 16:59

Wuto Atungpuhnü ha thachoh: Inü nü ki nü rhimo thülünnü arhimobah, tümütüsho nünü tangzüng thsümünimde I thiyuchihchim mükhemükimdo.

EZEKIEL 44:7

Nüsanü athraneanbe rhimokhi lungnü nüsanü mulong tüsho shih tsütamübahkhi khiungkerü I arüngyam ching beyukde nüsanü tsühyungpü, amüdang tüsho athiyih jihchoki I arüngyam müneanjih tüsho nüsanü I ki tangzüngkhi thsümünim.

EZEKIEL 5:6

Tütüshe mihbukmuyukkhi ching anihbenü nihbe mükamde alakhi trükshihbo tüsho lomibo kheaknü alü I yakzanbo tüsho I yuzüngbo azhih. Anihbenü I yakzanbo bahyuk tüsho I yuzüngbo thsunglo.

HOSEA 6:4

Inü nü ki tümü thsüba, O Ephraim? Inü nü ki tümü thsüba, O Juda? Nü muzho a yapsu shumuliu nangde, yapsu ayinke nahde dükheakabahkhi nangde lah.

HOSEA 6:7

Tüshe Adam ching arünü tangzüng lakmih; ju ching arünü akin mülade I ki rhimo.

HOSEA 7:16

Arünü alü mülakhi lim rholochoh; arübo ju müdüküngkhi sanglüh nangde kamdo; arü torübo arü mulo mütsükhi hode nukshangnü akeambah. Tüsho Ijiprünü arü ki münejihbah.

LEVI 26:15

tüsho I yakzan thsükhibo manisho tüsho I yuzüngbo manisho yungsho I yukhümbo alala müleangkhide tangzüngkhi thsümünimsho,

ZEPHANIA 1:6

sherü Atungpuh yankhi chingnü rholode, shepünü Atungpuh müyim yungsho api ki mükeokhide la.

ZEKARIA 1:4

Nüsa jipürü nangde düla, sherü ki akhuhlim wukihrübonü zhiyuk, “ Wuto Atungpuhnü ha thachoh, Nüsa amütsü limrobo tüsho nüsa amütsü rhimobo chingnü rholoang.” Tüshe arünü muso yungsho I ki mani, Atungpuhnü thachoh.

ZEKARIA 7:11

Tüshe arünü anipü thsunglo, tüsho chungthülangdo arü düthsün anguh tüsho manipü arü nükhün yihdo.

ZEKARIA 7:13

Inü arü jichoki, arünü manikhi nangde, küyimki arünü ajikheanü inü manijih, Wuto Atungpuhnü thachoh,

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

YUZÜNGTHALO 9:7

“Nüsanü künangde sunglo ching Atungpuh nüsa Thrünpuh bukakhiukshihkheanü lümkhitang tüsho dümih; nüsa Ijip lomi ching chamachihkhi nimungnü ha dangpung khiungde arüchoki dükeak ching nüsanü Atungpuh azhihde arüdo.

IBRI 8:9

inü Ijip lomi chingnü arü khah kheaknü bekhitkhi nimung arü jipürü ki tangzüngkhi nangde yung; tümüde arünü I tangzüng ching müladebah, jumonü inü arü ki manijih, Atungpuhnü thachoh.

MAHKHAPRÜ 2:11

Judüki Israelrübonü Atungpuh miki amütsü ju rhimo tüsho Baalbo tankih;

MAHKHAPRÜ 2:17

Tütüshe arünü mahkhaprübo yu mani tüsho arünü püpürü thrünpuhbo kheak müzammüram thsü tüsho arü ki khukning. Arünü nahde arü bebuhrünü atsahkhi limro chingnü, Atungpuh yukhüm anikhi chingnü rholode tso; ju ruk arünü mürhimo.

MAHKHAPRÜ 2:19

Tüsho küyimki mahkhaprübo sheabahkhea, arünü rholobah püpürü thrünpuhbo yande, tankihde tüsho khukningde arü bebuhrü kheaknü amütsübe thsüde rhimo. Arünü arü nihbuh rhimokhi chingnü yungsho arü nihnihkhi limro chingnü arün müthsü.

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.