JEREMIA 10:9 - AMÜSÜH HÜM CL Bible (BSI)

⁹ Akingkhi shotoyinchi Tarshish chingnü handarü, tüsho Uphaz chingnü suna handarü. Arübo ju sangrhimosorünü rhimokhi tüsho sunakingrü khahnü arhimokhi; arü khimmih ju biyi tüsho mürümmuchu; arü alala ayeanzo rhimorünü arhimokhitkhi lah.

JEREMIA 10:9 Iomraidhean Croise

1 KIULONG THSÜRÜ 10:22

Tümüde keto ching Hiram sangkungbo lung kiulongthsüpuh sangkungbo lakheah. Kam mahsam ching khülang ki Tarshish sangkungbonü suna, shotoyinchi, thsotorü, shihngü tüsho shuhyibo hanbah arü.

2 KIUTHSÜYUKHEAN 9:21

Tümüde kiulongthsüpuh yo sangkungbo Hiram yamlarübo lung Tarshish ching yü; kam mahsam ching khülang ki Tarshish sangkungbonü suna, shotoyinchi, thsotorü, shihngü, tüsho shuhyibo hanbah arü.

MUNGSHIKHÜN 115:4

Arü sangthsübo ju shotoyinchi tüsho suna, mihtsürü khah rhimo ah.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

ISAIA 23:6

Tarshish lim hode yüang–tüzhode tripang, O keyean larübo!

ISAIA 40:19

Sangthsü khülang ju athsüsorünü zünchoh, tüsho sunakingrünü ju kheak suna yihkihchoh, tüsho shotoyinchinü wuhrünliu thsakhamchoh.

EZEKIEL 27:12

Tarshishnü nü lakhit ato suhdahkhi ching shothsümolodo; shotoyinchi, yinchi, yinchi-apü, tüsho yinchithünak nü kukruk dün müthriachih.

EZEKIEL 27:7

Nü sangkung khim ju Ijip chingnü atsüdak yakkhokhi khim zhingzhing, nü yo amütsan riphin lakheah; nü yo ayinripit tüsho ripit phudobe ju Elisha keyean chingnü biyi tüsho amüwa lakheah.

DANIEL 10:5

inü mürünga kheah, tüsho kheahang, mihtsürü khülang khimthünak phuyubah, achim ju suna atsüdaknü rüma lakheah.

HOSEA 8:6

Tümüde ha Israel chingnü, rhimorü khülangnü thsü; ha Thrünpuh yung. Samariarü moshi nunu ju adütre kamde ayihthünakbah.

JONA 1:3

Tüshe Jonanü Atungpuh mikinü Tarshish lim tsopü tsahmusu. Apinü Joppa ching yüki tüsho Tarshish lim yükhi sangkung khülang ngü; jumonü apinü hantsah-trün ju jih tüsho Atungpuh mikinü tsokhide Tarshish lim yüpü sangkung kheak yükih.

HABAKKUK 2:19

Nüsa sherünü sang ki, “Asürang!” de thacho, malankhi lung ki, “ Wusuang” de thachonü are. Hanü thsangyukhukla de? Kheahang, ha suna tüsho shotoyinchi mujukihkhi lah, tüsho ju ching sheak müla.