JEREMIA 10:8 - AMÜSÜH HÜM CL Bible (BSI)

⁸ Arü chido keakeashahshah-a tüsho makhaa lah; mümokhi sangthsübo kheaknü arünü tümü anikhitpü?

JEREMIA 10:8 Iomraidhean Croise

MUNGSHIKHÜN 115:8

Sherünü jurü thsükheanü arü nangde lah; jurü kheak kinrü abannü junangde lah.

MUNGSHIKHÜN 135:18

Sherünü arü thsüchonü arü ruk ah; junangde arü kheak kinrü aban lah.

ISAIA 41:29

Yung, arü alala akeangkeang; arü rhimo tümü müla; harü sangthsübo ha akeangkeang pung tüsho ayingying lah.

ISAIA 44:18

Arünü mümükheah, yungsho arünü manikhit; tümüde arü mükji tuka lah, junangde arünü müngükhuk, tüsho arü lümkhibo she ah, junangde arünü manikhit.

ISAIA 44:19

Shenü mulong ching lümamükheah, yungsho mümükheahmudu yungsho anikhitde mütha, “Ha chamkhüh inü mo ching takdo; ha mokhihbo kheak inü yikhap she damdo, inü shih ngudo tüsho tsüh. Kheakü ha aningkhi inü athraneanbe kamshihba de? Inü sang-sümkhi miki khukningba de?”

JEREMIA 10:14

Mihbüm aban keakeashahshahlah tüsho mükheahmudu müla; sunakingrübo alala arü sangthsübonü achih ngüshih; tümüde arü sangthsübo akeangyu tüsho arü kheak sheak müla.

JEREMIA 2:27

shepünü sangdung ki tha, “ Nü a I buh,” tüsho lung ki tha, “ Nünü I zübe.” Tümüde arünü arü düthsün I kilim anguh. Tüshe arü küpkhuk kim ching arünü thachoh, “Arang tüsho isa khümkhitang!”

JEREMIA 3:9

Tümütüsho alibenü anihbe müzammüram machihde rhimo, alibenü alo müneanjih, lung tüsho sangdung kheak müzammüram thsü.

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

JEREMIA 5:4

Judüki inü tha, “Harü lang zhochihrü ah, arübo lümduhlah; tümüde arünü Atungpuh limro, arü Thrünpuh yakzan mümükheah.

HOSEA 4:12

I mihtsürübonü sang ki keokhichoh, tüsho arü müchit-tsonü arü ki müchita jihchoh. Tümüde jilihjikhün menü arü bephülapdo, tüsho arü Thrünpuh mihabahde arünü jilihjikhün ahorido.

JONA 2:8

Sherünü akeangkeang sangthsübo kingaünchonü nü ki arü thiyuro bahyukdo.

HABAKKUK 2:18

Athsürünü athsükhi sangthsü, yungsho akeangyu thsangyukhi mejak tümü yihnüpü la? Tümüde athsükhitkhi ju thiyu masukde sangthsü khülang lalashe ha thsübuhnü ju kheak kinchoh!

ZEKARIA 10:2

Tümüde sangthsübonü akeangyu thachoh; tüsho müchitrünü akeangyu ngüchoh; milim-mirünü akeangyu michoh, tüsho akeangkeang ching mulong shukheamchoh. Jumonü mihtsürübo ju namfimihnu nangde rümde tsahchoh; arübo aneakrü mülakhinü küpkhukchoh.