JEREMIA 10:7 - AMÜSÜH HÜM CL Bible (BSI)

⁷ Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JEREMIA 10:7 Iomraidhean Croise

2 KIULONG THSÜRÜ 17:39

Tüshe nüsanü Atungpuh nüsa Thrünpuh kingaünbah; apinü nüsa riri alala khah chingnü nüsa bekhitbah.”

1 KIUTHSÜYUKHEAN 16:25

Tümüde ato ju Atungpuh , tüsho tode ashijihbe; api thrünpuhbo alala kurungkheak atrebe lah.

ESTER 1:13

Kheakü, kiulongthsürü yakzan ching lakhi nangde apinü küruk thsüsho atsübanü de lümlung larü jibah keokhi.

MUNGSHIKHÜN 147:5

Isa Tungpuh ju ato, tüsho wu ching tolah; api anikhitkhi makebin.

MUNGSHIKHÜN 22:28

Atungpuh ju kiulongthsürü ah, tüsho apinü trükshihbo yakzan shuhchoh.

MUNGSHIKHÜN 47:3

Apinü mihtsürübo isa bukkhüp, tüsho trükshihbo isa jing khüp yüzahshihbah.

MUNGSHIKHÜN 72:11

Kiulongthsürü alalanü api miki mükhümbah; trükshih alalanü api tankihbah.

MUNGSHIKHÜN 76:7

Nü lang atrepü lah. Nü bukakhiukchoki shenü nü miki zhipkhukpü la?

MUNGSHIKHÜN 86:8

Thrünpuhbo lung nü nangde she müla, O Atungpuh ; tümüde rhimonü she nü rhimo kheak makekhuk.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

MUNGSHIKHÜN 89:6

Tümüde yinmibo ching shepünü Atungpuh kheak akekhukba? Wuto tsührübo lung shepü Atungpuh nangde la?

ABEKHIT 8:10

Tüsho Pharaonü tha, “Shido.” Mosanü tha, “Nünü athakhi ruk thsang, junangde Atungpuh isa Thrünpuh nangde she müla de nünü amükheahbah.

ABEKHIT 9:14

tümütüsho hakhip a inü arüm ju nü mulong ching, nü yamlarübo le nü mihtsürübo kheak arüshihbah, junangde alomi alala ching I ruk müla de nünü amükheahbah.

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

JEREMIA 10:6

Nü nangde she müla, O Atungpuh ; nü ato ah, tüsho wu-sühmüh ching nü mung tolah.

JEREMIA 5:22

Nüsanü I mütre de? Atungpuhnü thachoh; nüsanü I miki majancho de? Inü keto aredung thsungkheak loyi zojihlah, lünnü muhokhukbe rhü khülang; kenü abükbük she müzünhokhuk, arungrung she muhokhuk.

DANIEL 2:27

Danielnü kiulongthsüpuh ki alo, “ Lümlung larü mihtsürü, kuhikheahrü, wurük-huhrü yungsho müchitrü shenü she kiulongthsüpuhnü akeokhikhi amüthakhukkhi aramyu muhuhkhuk,

DANIEL 2:28

tüshe aramyu akhiuka huhbuh Thrünpuh khülang yinmi ching lah, tüsho Apinü akheam nimungbo ching tümü dünjibanü kiulongthsüpuh Nebukednezar ki huhdo. Nü yapkiu ching yapshea lachoki nü milim tüsho michih harü lakheah:

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 12:5

Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

1 KORINT 8:6

isa thsungkheak a isa api thsungkheak lakhi Thrünpuh khülang, Abuh lah; tüsho api hode lüpdükhi arükhi tüsho api hode isa lakhi, Atungpuh khülang, Jisu Khrista lah.

JIHUSUA 4:24

Ha hode alomiküp ching mihbüm abannü Atungpuh wu-sühmüh ato mükheahbah, tüsho Atungpuh nüsa Thrünpuh nüsanü lünnü wüntre jihbah.”

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”