JEREMIA 10:25 - AMÜSÜH HÜM CL Bible (BSI)

²⁵ Nü mümükheahkhi trükshihbo tüsho nü mung müjikhi mihtsürübo kheak nü bukakhiukkhi dungkihang; tümüde arünü Jakob muyuabahdo; arünü api shahde muyuabah tüsho api lapung thsümünimjih.

JEREMIA 10:25 Iomraidhean Croise

JOB HU H T ANYU 18:21

Tsükjide hadürü ha mihbukmuyuk lapung ah, ha Thrünpuh mümükheahrü lapung ah.

MUNGSHIKHÜN 14:4

Amütsü rhimorü alala mükheahmudu müla shi, sherübonü yikhap tsühkhi nangde I mihtsürü tsühabahcho, tüsho Atungpuh ki müjicho?

MUNGSHIKHÜN 147:20

Apinü ha püpü trükshih ki mürhimo; tüsho api mahkhapkhibo arünü mümükheah. Atungpuh shiang!

MUNGSHIKHÜN 27:2

Küyimki mihbukmuyukrü I azhihde I shih tsühpü arükheanü, I riribo jing mükhe tüsho lungabah.

MUNGSHIKHÜN 69:24

Arü kheak nü bukakhiukkhi dungkihang; nü mulong zhipzhipnü arü tholoang.

ISAIA 43:22

Tütüshe nünü I ki müji, O Jakob; tüshe nünü I khia lakheah, O Israel!

ISAIA 64:7

Nü mung jirü she müla, yungsho nü ramlopü mürangrü müla; tümüde nünü nü miro isa kheaknü jikabah, tüsho isa neak dünkheaknü isa bahyuk.

ISAIA 9:12

Siriarü aniakhiuklim tüsho Filistiarü aniyüzahlim, Israel muyupü arü mün kaa lah. Ha alala thsungkheaknü api bukakhiukkhi rholode mutso; api khah kheakü khiungde chungkhih-a lah.

JEREMIA 11:1

Ha yu Atungpuh kilimnü Jeremia kilim arü:

JEREMIA 30:16

Tüshe sherünü nü tsühabahchonü alala tsühabahbah, tüsho nü riri alala, mihbüm abannü ramtso ching yübah; sherünü nü yankhia luchonü arübo yankhia lubah, tüsho sherünü nü shih tsühchonü nü arübo ju shih kamshihbah.

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

JEREMIA 50:7

Arü ngürü alalanü arü tsühabahdo, tüsho arü riribonü tha, “ Isa amülim müla, tümütüsho arünü thiyuro rimlopung, Atungpuh , arü jipürü mulonglam Atungpuh azhihde neak yihbeakdo.”

JEREMIA 8:16

Khorabonü sheak thsükhi Dan chingnü solah; arü khorapungbo khungkhinü alomi alala ajanchoh. Lomi tüsho ju ching lakhi alala, kiuto tüsho ju ching larü thsümünimpü arü arüdo.

TÜZHOKHI 2:22

Thünio nimung khülang nangde nünü mühi alala chingnü I riribo juyukdo; tüsho Atungpuh bukakhiukkhi nimung she mutsokhit yungsho maning; shepü inü zübekhea tüsho mütrükheanü I ririnü thsümünimdo.

ZEPHANIA 1:6

sherü Atungpuh yankhi chingnü rholode, shepünü Atungpuh müyim yungsho api ki mükeokhide la.

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

ZEKARIA 1:15

Tüsho keamramde alakhi trükshihbo kheak inü khitode bukakhiukchoh; tümüde I bukakhiukkhi anikhüh lachoki arünü tukthsü amütsübe kamshih.

JOHAN 17:25

O thiyuro-lungki Abuh! Alominü nü mümükheah, tüshe inü nü mükheahdo; tüsho nünü I thiyikheah de harünü mükheahlah.

YUNIRÜBO RHIMO 17:23

Tümüde I tsahhochoki nüsanü kingaünkhi kukrukbo inü kheahyuk, tüsho kingaün sadam kheak hade thrütkih-a ngü, ‘Mümükheahkhi thrünpuh kilim.’ Jumonü nüsanü tümü kingaünchonü mümükheahkhi ah de inü nüsa ki zhiyukchoh.

1 KORINT 15:34

Nü lümkhi alungki ching arang, tüsho neak düyihbeaklo. Tümüde khürü a Thrünpuh mükheahkhi müla. Inü ha nüsa achihbe thachoh.

1 TESALONIKA 4:5

Thrünpuh mümükheahrü amükinrü nangde shihkünkhi ching yung;

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

AMIKHEAKAKHIUKKHI 16:1

Judüki arüngyam chingnü yunirü thüne ki düsheak achangnü athakhi inü so, “Yüang tüsho Thrünpuh bukakhiukkhi phurusük thüne ju alomi kheak bahang.”